ಅಪೊಸ್ತಲ 24:27 - ಕೊಡವ ಬೈಬಲ್

²⁷ ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 24:27 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಮಾರ್ಕ 15:15

ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಅಪೊಸ್ತಲ 12:3

ಈ ವಿಷಯ ಯೆಹೂದ್ಯಂಗಳ ಎಚ್ಚಕ್ ಕುಶಿಪಡ್‍ತ್‍ಚೀಂದ್ ಗೊತ್ತಾನ ಪಿಂಞ ಪೇತ್ರನ ಕೂಡೆ ಪುಡಿಪಕ್ ಮಿಂಞಕ್ ಪೋಚಿ. ಅಕ್ಕ ಪಸ್ಕ ನಮ್ಮೆರ ಕಾಲವಾಯಿತ್ಂಜತ್.

ಅಪೊಸ್ತಲ 23:35

ನೀಡ ಮೇಲೆ ಕುತ್ತ ಪರಿಯುವಯಿಂಗ ಬಪ್ಪಕ ನೀಡ ವಿಷಯತ್‍ನ ವಿವರವಾಯಿತ್ ವಿಚಾರಣೆ ಮಾಡ್‌ವೀಂದ್ ಎಣ್ಣಿತ್, ಪೌಲನ ಹೆರೋದಂಡ ಅರಮನೇಲ್ ಉಳ್ಳ ಜೈಲ್‍ಲ್ ಬೆಚ್ಚಿತ್ ಕಾಪಕಾಯಿತ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 25:1

ಫೆಸ್ತ, ಯೆಹೂದ್ಯ ಪ್ರಾಂತ್ಯತ್‍ರ ಅದಿಪತಿಯಾಯಿತ್ ಕೈಸರೈಯ ಪಟ್ಟಣಕ್ ಬಂದಿತ್ ಮೂಂದ್ ದಿನ ಆನ ಪಿಂಞ ಯೆರೂಸಲೇಮ್‌ಕ್ ಪೋಚಿ.

ಅಪೊಸ್ತಲ 25:14

ಅಯಿಂಗ ದುಂಬ ದಿವಸ ಅಲ್ಲೇ ಒಳಿಂಜಗುಂಡ್, ಫೆಸ್ತ ಪೌಲಂಡ ಸಂಗತಿನ ಅಗ್ರಿಪ್ಪ ರಾಜಂಗ್: ಫೇಲಿಕ್ಸ ಜೈಲ್‍ಲ್ ಬುಟ್ಟಿತ್ ಪೋನ ಒಬ್ಬ ಉಂಡ್.

ಅಪೊಸ್ತಲ 25:4

ಅದ್ಂಗ್ ಫೆಸ್ತ: ಪೌಲನ ಕೈಸರೈತ್‍ಲ್ ಜೈಲ್‍ಲ್ ಬೆಚ್ಚಿತುಂಡ್; ನಾನ್ ಅಲ್ಲಿಕ್ ಬೆರಿಯ ಪೋಯಂಡುಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 25:9

ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.

ಅಪೊಸ್ತಲ 26:32

ಅಗ್ರಿಪ್ಪ, ಫೆಸ್ತಂಗ್: ಈ ಮನುಷ್ಯ ಕೈಸರಂಡ ಮಿಂಞ ನ್ಯಾಯ ಕ್‍ಟ್ಟಂಡೂಂದ್ ಬೋಡತೆ ಇಂಜತೇಂಗಿ ಇಂವೊನ ಬುಡ್‌ತುವಕಿಂಜತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 28:30

ಅಲ್ಲಿಂಜ ಅಂವೊ ತಾನ್ ಮಾಡ್‍ನ ಬಾಡಿಗೆ ಮನೆಲ್, ದಂಡ್ ಕಾಲ ಇಂಜಿತ್, ತಾಂಡ ಪಕ್ಕ ಬಪ್ಪಯಿಂಗಳೆಲ್ಲಾ ಸ್ವೀಕಾರ ಮಾಡ್‍ಚಿ.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.