ಅಪೊಸ್ತಲ 24:22 - ಕೊಡವ ಬೈಬಲ್

²² ಫೇಲಿಕ್ಸ ಕ್ರಿಸ್ತಂಡ ಮಾರ್ಗತ್‍ನ ಚಾಯಿತೆ ಅರಿಂಜಂವೊನಾನಗುಂಡ್, ಇದ್‍ನೆಲ್ಲ ಕ್‍ೕಪಕ, ಅಂವೊ ಅಯಿಂಗಳ ನೋಟಿತ್: ಸೇನೆರ ಅದಿಕಾರಿಯಾನ ಲೂಸ್ಯ ಬಪ್ಪಕ, ಈ ಕಾರ್ಯತ್‍ನ ತೀರ್ಮಾನ ಮಾಡ್‌ವೀಂದ್ ಎಣ್ಣಿತ್ ವಿಚಾರಣೆನ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 24:22 ပူးပေါင်းရင်းမြစ်များ

ಮತ್ತಾಯ 2:7

ಅಕ್ಕ ಹೆರೋದ ರಾಜ ಅಲ್ಲಿಕ್ ಬಂದ ಜ್ಞಾನಿಯಳ ಗುಟ್ಟಾಯಿತ್ ಕಾಕಿತ್: ಅಯಿಂಗ ಏದ್ ಸಮಯತ್‍ಲ್ ನಕ್ಷತ್ರತ್‍ನ ಕಂಡತ್‍ೕಂದ್ ಕ್‍ೕಟತ್.

ಅಪೊಸ್ತಲ 18:20

ಅಯಿಂಗ ಅಂವೊನ ಇಂಞು ಚೆನ್ನ ದಿವಸ ಇರಂಡೂಂದ್ ಕ್‍ೕಪಕ ಅಂವೊ ಒತ್ತತೆ,

ಅಪೊಸ್ತಲ 19:40

ಇಂದ್ ಉಂಟಾನ ಕಲಹತ್‍ರ ವಿಷಯಕ್ ನ್ಯಾಯವಾನ ಕಾರಣವಿಲ್ಲತಗುಂಡ್, ನ್ಯಾಯ ವಿಚಾರಣೆ ಬಪ್ಪಕ, ನಂಗಡ ಮೇಲೆ ಬಪ್ಪಕುಳ್ಳ ಕುತ್ತಕ್ ಉತ್ತರ ಕೊಡ್‍ಪಕ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 24:10

ಪೌಲ ತಕ್ಕ್ ಪರಿಯುಲೂಂದ್ ದೇಶಾದಿಪತಿ ಸನ್ನೆ ಮಾಡ್‌ವಕ ಪೌಲ: ನಿಂಗ ದುಂಬ ಕಾಲತ್ಂಜ ಈ ದೇಶತ್‍ರ ಜನಕ್ ನ್ಯಾಯಾದಿಪತಿಯಾಯಿತುಳ್ಳಿರಾಂದ್ ಅರ್ಂಜಿತ್ ನಾನ್ ದೈರ್ಯವಾಯಿತ್ ಕುಶೀಲ್ ನಾಕಾಯಿತ್ ವಾದ ಮಾಡ್‌ವಿ.

ಅಪೊಸ್ತಲ 24:14

ಒರ್ ವಿಷಯತ್‍ನ ಮಾತ್ರ ನಾನ್ ನಿಂಗಡ ಮಿಂಞತ್‍ಲ್ ಒತ್ತೊವಿ. ಅದ್ ಎಂತ ಎಣ್ಣ್‌ಚೇಂಗಿ: ಈಂಗ ಕಳ್ಳ ಬೋದನೇಂದ್ ಎಣ್ಣ್‌ವ ಈ ಮಾರ್ಗತ್‍ರನೆಕೆ, ನಾನ್ ನಂಗಡ ಅಜ್ಜಂಗಡ ದೇವನ ಆರಾದನೆ ಮಾಡಿಯಂಡ್, ಮೋಶೇರ ನ್ಯಾಯಪ್ರಮಾಣತ್‍ಲ್ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‍ದಿತುಳ್ಳ ವಿಷಯನೆಲ್ಲ ನಂಬಿಯಂಡುಂಡ್.

ಅಪೊಸ್ತಲ 24:24

ಚೆನ್ನ ದಿನ ಆನ ಪಿಂಞ ಫೇಲಿಕ್ಸ, ಯೆಹೂದ್ಯಳಾನ ದ್ರೂಸಿಲ್ಲ ಎಣ್ಣುವ ಅಂವೊಂಡ ಪೊಣ್ಣ್‌ರ ಕೂಡೆ ಬಾತ್. ಅಂವೊ ಪೌಲನ ಕಾಕಿತ್, ಯೇಸು ಕ್ರಿಸ್ತನ ನಂಬುವ ವಿಷಯತ್‍ಲ್ ಅಂವೊ ಎಣ್ಣ್‌ನ ತಕ್ಕ್‌ನ ಕ್‍ೕಟತ್.

ಅಪೊಸ್ತಲ 24:6

ಇಂವೊ ಯೆರೂಸಲೇಮ್‍ರ ದೇವಾಲಯತ್‍ನ ಅಶುದ್ದ ಮಾಡ್‌ವಕ್ ಪ್ರಯತ್ನಪಟ್ಟತ್; ಆನಗುಂಡ್ ನಂಗ ಇಂವೊನ ಪುಡ್‌ಚಿತ್, ನ್ಯಾಯಪ್ರಮಾಣತ್‍ರನೆಕೆ ವಿಚಾರಣೆ ಮಾಡ್‌ವಕ್ ಇಂಜತ್.

ಅಪೊಸ್ತಲ 25:26

ಆಚೇಂಗಿ, ಇಂವೊಂಡ ವಿಷಯತ್‍ಲ್ ಚಕ್ರವರ್ತಿರ ಗೌರವಕ್ ಯೋಗ್ಯವಾಯಿತ್ ಒಳ್‍ದ್‍ವಕ್ ದೃಡವಾಯಿತ್ ಒಂದು ಇಲ್ಲೆ. ಆನಗುಂಡ್, ಚಕ್ರವರ್ತಿಕ್ ದೃಡವಾಯಿತ್ ಎಂತಾಂಚು ಒಳ್‍ದ್‌ವಕಾಯಿತ್, ಇಂವೊನ ನಿಂಗಡ ಮಿಂಞ ಮುಕ್ಯವಾಯಿತ್ ಅಗ್ರಿಪ್ಪ ರಾಜನೇ ನೀಡ ಮಿಂಞಕ್ ವಿಚಾರಣೆಕ್ ಕೊಂಡ್ ಬಂದಿಯೆ.

ಅಪೊಸ್ತಲ 26:3

ಮುಕ್ಯವಾಯಿತ್ ಯೆಹೂದ್ಯಂಗಡ ಎಲ್ಲಾ ಪದ್ದತಿರ ಆಚಾರ ವಿಚಾರ ಪಿಂಞ ತಕ್‌ರಾರ್‍ನ ನಿಂಗಕ್ ಚಾಯಿತೆ ಗೊತ್ತುಳ್ಳಗುಂಡ್ ನಾನ್ ಅನ್ನನೆ ಗೇನ ಮಾಡ್‌ವಿ. ಆನಗುಂಡ್ ನಾನ್ ಎಣ್ಣ್‌ವಾನೆಲ್ಲ ತಾಳ್ಮೆಯಿಂಜ ಕ್‍ೕಕಂಡೂಂದ್ ಬೋಡ್‍ವಿ.

ಅಪೊಸ್ತಲ 9:2

ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.