ಅಪೊಸ್ತಲ 24:18 - ಕೊಡವ ಬೈಬಲ್

¹⁸ ದೇವಾಲಯತ್‍ಲ್ ಜನಡ ಗುಂಪ್ ಪಿಂಞ ಗಲಾಟೆರ ಗುಂಪ್ ಏದು ನಾಡ ಕೂಡೆ ಇಲ್ಲತಿಪ್ಪಕ, ನಾನ್ ದೇವಾಲಯತ್‍ಲ್ ಶುದ್ದ ಮಾಡ್‌ವ ಆಚಾರತ್‍ನ ಪೂರ್ತಿ ಮಾಡಿಯಂಡಿಂಜ, ಅಕ್ಕ ಆಸ್ಯ ದೇಶತ್ಂಜ ಬಂದ ಚೆನ್ನ ಯೆಹೂದ್ಯಂಗ ನನ್ನ ಕಂಡತ್.

ಅಪೊಸ್ತಲ 24:18 ပူးပေါင်းရင်းမြစ်များ

ಯೋಹಾನ 18:21

ನನ್ನ ಎನ್ನಂಗ್ ನಿಂಗ ಪ್ರಶ್ನೆ ಕ್‍ೕಟಂಡ್ ಉಳ್ಳಿರಾ? ಜನಳ ಕ್‍ೕಳಿ ನಾನ್ ಎಂತ ಅಯಿಂಗಕ್ ಬೋದನೆ ಮಾಡಿಯೇಂದು, ನಾನ್ ಎಂತ ಎಣ್ಣಿಯೇಂದು ಅಯಿಂಗಕ್ ಗೊತ್ತುಂಡ್‍ೕಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ಅಪೊಸ್ತಲ 21:24

ನೀನ್ ಅಯಿಂಗಳ ಕೂಟಿಯಂಡ್ ಪೋಯಿತ್ ಅಯಿಂಗಡ ಕೂಡೆ ನಿನ್ನ ಶುದ್ದ ಮಾಡ್‌ವ ಆಚಾರತ್‍ಲ್ ಅಯಿಂಗ ತಂಗಡ ತೆಲ್‍ಮಿನ ಬೋಳ್‍ಚಿಡ್‌ವಕ್ ಆಪಂತ ಪಣತ್‍ನ ಕರ್ಚ್‌ಮಾಡ್: ಇನ್ನನೆ ಮಾಡ್‍ಚೇಂಗಿ ನಿಂಗಡ ವಿಷಯತ್ ಕ್‍ೕಟ ತಕ್ಕ್ ನೇರಲ್ಲಾಂದು, ನಿಂಗಳು ಸಹ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಂಡುಂಡ್‍ೕಂದು ಎಲ್ಲಾ ಜನಕು ಗೊತ್ತಾಪ.

ಅಪೊಸ್ತಲ 24:12

ದೇವಾಲಯತ್‍ಲ್ ನಾನ್ ಒಬ್ಬಂಡ ಕೂಡೆಯಾಚೇಂಗಿಯು ವಾದ ಮಾಡ್‍ನದಾಡ್, ಸಬಾಮಂದಿರತ್‍ಲ್ ಪಿಂಞ ಪಟ್ಟಣತ್‍ರ ಏದ್ ಜಾಗತ್‌ಲು ನಾನ್ ಜನಳ ಗುಂಪು ಕೂಟಿತ್ ಕಲಹ ಮಾಡ್‍ನದಾಡ್ ಈಂಗ ಕಂಡಿತ್‌ಲ್ಲೆ.

ಅಪೊಸ್ತಲ 26:21

ಈ ಕಾರಣಕಾಯಿತ್ ಯೆಹೂದ್ಯಂಗ ದೇವಾಲಯತ್‍ಲ್ ನನ್ನ ಪುಡ್‌ಚಿತ್ ಕೊಲ್ಲ್‌ವಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.