ಅಪೊಸ್ತಲ 24:17 - ಕೊಡವ ಬೈಬಲ್

¹⁷ ದುಂಬ ಕಾಲ ಕಯಿಂಜ ಪಿಂಞ ನಾನ್ ಯೆರೂಸಲೇಮ್‌ಕ್ ಬಂದಿಯೆ. ಅಲ್ಲಿ ಕಷ್ಟಪಟ್ಟಂಡುಳ್ಳ ನಾಡ ಜನಕ್ ದಾನ ಪಣತ್‍ನ ಕೊಡ್‌ಪಕು, ಕಾಣಿಕೆನ ಒಪ್ಪ್‌ಚಿಡ್‍ವಕು ನಾನ್ ಬಂದಿಯೆ.

ಅಪೊಸ್ತಲ 24:17 ပူးပေါင်းရင်းမြစ်များ

ಅಪೊಸ್ತಲ 20:16

ಕಯ್ಯುವೇಂಗಿ ಪಂಚಾಶತ್ತಮತ್‍ರ ನಮ್ಮೆಕ್ ಯೆರೂಸಲೇಮ್‍ಲ್ ಇರಂಡೂಂದ್ ಪೌಲ ಅವಸರಪಟ್ಟತ್. ಆನಗುಂಡ್ ಆಸ್ಯ ಸೀಮೆಲ್ ಕಾಲ ಕಳೆಯುವಕ್ ಮನಸ್ಸಿಲ್ಲತೆ, ಎಫೆಸ ಪಟ್ಟಣತ್‍ನ ದಾಟಿತ್ ಸಮುದ್ರತ್‍ರ ಮಾರ್ಗವಾಯಿತ್ ಪೋಂಡೂಂದ್ ತೀರ್ಮಾನ ಮಾಡಿಯಂಡತ್.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಅಪೊಸ್ತಲ 21:26

ಅಕ್ಕ, ಪಿತ್ಯಾಂದ್ ಪೌಲ ಆ ಮನುಷ್ಯಂಗಳ ಕಾಕಿಯಂಡ್ ಅಯಿಂಗಡ ಕೂಡೆ ತಾನು ಶುದ್ದಮಾಡಿಯಂಡ್ ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಯಿಂಗ ಒಬ್ಬೊಬ್ಬಂಗಕಾಯಿತ್ ಬಲಿ ಕೊಡ್‌ತಿತ್ ಪೂರೈಚಿಡ್‌ವಕತ್ತನೆ ಶುದ್ದ ಮಾಡ್‌ವ ಆಕೀರ್ ದಿವಸತ್‍ನ ನೆರೆವೇರಿಚಿಡುವೀಂದ್ ಎಣ್ಣ್‌ಚಿ.

ಅಪೊಸ್ತಲ 24:26

ಇದ್‍ಲ್ಲತೆ ತಾಂಗ್ ಪೌಲಂಡ ಕೈಯಿಂಜ ಪಣ ಕ್‍ಟ್ಟ್‌ವಾಂದ್ ಗೇನ ಮಾಡಿತ್, ಅಂವೊಂಡ ಪಕ್ಕ ದುಂಬ ಕುರಿ ಅಂವೊನ ಕಾಕಿತ್ ತಕ್ಕ್ ಪರ್ಂದಂಡಿಂಜತ್.

ರೋಮ್ 15:31

ಯೆಹೂದ್ಯ ಪ್ರಾಂತ್ಯತ್‍ಲ್, ಅಂವೊನ ನಂಬತಯಿಂಗಡ ಕೈಯಿಂಜ ನಾನ್ ತಪ್ಪಿಚಿಡ್‌ವಕು, ನಾನ್ ಯೆರೂಸಲೇಮ್‍ಲ್ ಉಳ್ಳ ದೇವಡ ಮಕ್ಕಕ್ ಮಾಡ್‌ವ ಪಣ ಸಹಾಯತ್‍ನ ಅಯಿಂಗ ಸ್ವೀಕಾರ ಮಾಡ್‌ವಕು ಪ್ರಾರ್ಥನೆ ಮಾಡಿ.

2 ಕೊರಿಂಥ 8:6

ಆನಗುಂಡ್, ತೀತ ಈ ದಾನತ್‍ರ ಸೇವೇನ ನಿಂಗಡಲ್ಲಿ ಸುರು ಮಾಡ್‍ನನೆಕೆ, ಅದ್‍ನ ಪೂರ್ತಿ ಮಾಡಂಡೂಂದ್ ನಂಗ ಅಂವೊನ ಬೋಡ್‍ಚಿ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

2 ಕೊರಿಂಥ 9:12

ಈ ಪಣದಾನ ಸೇವೆ ದೇವಡ ಮಕ್ಕಡ ಗರೀಬತನತ್‍ನ ಬದ್‍ಲ್ ಮಾಡ್‌ವ, ಅದಲ್ಲತೆ, ದುಂಬ ಜನ ದೇವಕ್ ವಂದನೆ ಎಣ್ಣ್‌ವಗುಂಡ್, ಪೂರ್ತಿ ಫಲವು ಕ್‍ಟ್ಟುವ.

ಗಲಾತ್ಯ 2:10

ಅಯಿಂಗ ನಂಗಕ್ ಎಣ್ಣ್‌ನದೆಲ್ಲ ಎಂತ ಎಣ್ಣ್‌ಚೇಂಗಿ, ನಂಗ ಗರೀಬಂಗಳ ಮರ್ಂದ್ ಪೋಕತೆ ಸಹಾಯ ಮಾಡಿಯಂಡ್ ಇರಂಡೂಂದ್ ನಂಗಕ್ ಎಣ್ಣ್‌ಚಿ. ಅನ್ನನೆ ಮಾಡ್‌ವಕ್ ಅಯಿಂಗ ಎಣ್ಣ್‌ವಕ್ ಮಿಂಞಲೇ ನಾನ್ ಗೇನಮಾಡಿತ್ಂಜ್.