ಅಪೊಸ್ತಲ 24:15 - ಕೊಡವ ಬೈಬಲ್

¹⁵ ಇದ್‍ಲ್ಲತೆ ನೀತಿವಂತಯಿಂಗಳು, ಅನೀತಿವಂತಯಿಂಗಳು ಚತ್ತ ಪಿಂಞ ಜೀವವಾಯಿತ್ ಏವಾಂದ್ ಈಂಗ ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳನೆಕೆ, ನಾನ್ ಸಹ ನಿರೀಕ್ಷೆ ಬೆಚ್ಚಿತುಳ್ಳ.

ಅಪೊಸ್ತಲ 24:15 ပူးပေါင်းရင်းမြစ်များ

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:14

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನಿನ್ನ ಕಾಕಿತ್ ನೀಕ್ ಬದ್‍ಲ್ ತಪ್ಪಕಯ್ಯುಲೆ. ಅಕ್ಕ ನಿನ್ನ ದೇವ ಆಶೀರ್ವಾದ ಮಾಡ್‌ವ ಪಿಂಞ ನೀತಿವಂತಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪ ಕಾಲತ್‍ಲ್ ನೀಕ್ ಬದ್‍ಲ್ ಕ್‍ಟ್ಟ್‌ವ.

ಯೋಹಾನ 11:24

ಅದ್ಂಗ್ ಮಾರ್ಥ: ಕಡೆ ದಿವಸತ್‍ಲ್ ಎಲ್ಲಾರು ಜೀವತ್‍ಲ್ ಎದ್ದಿತ್ ಬಪ್ಪಕ ಇಂವೊನು ಎದ್ದಿತ್ ಬಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 24:21

ನಾನ್ ಈಂಗಡ ಮದ್ಯತ್‍ಲ್ ನಿಂದಂಡಿಪ್ಪಕ, ಚತ್ತಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪಾಂದ್ ಉಳ್ಳ ವಿಷಯತ್‍ರ ಕಾರಣತ್ಂಜ, ಇಕ್ಕ ನಿಂಗ ನನ್ನ ವಿಚಾರಣೆ ಮಾಡ್‌ವನೆಕೆ ಆಚೀಂದ್ ಕೂತ್ ಕೊಡ್‌ತದ್ ಅಲ್ಲತೆ ಬೋರೊಂದು ಅಯಿಂಗ ಎಣ್ಣ್‌ವಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.

ಪ್ರಕಟನೆ 20:6

ಆದ್ಯವಾಯಿತ್ ಜೀವತ್‍ಲ್ ಬಪ್ಪಕ್ ಯೋಗ್ಯವಾನಯಿಂಗ ಆಶೀರ್ವಾದ ಪಡ್ಂದಯಿಂಗಳು ಪವಿತ್ರವಾನಯಿಂಗಳು ಆಯಿತುಂಡ್; ಈಂಗಡ ಮೇಲೆ ದಂಡನೆ ಚಾವ್‍ಕ್ ಅದಿಕಾರ ಇಲ್ಲೆ; ಈಂಗ ಕ್ರಿಸ್ತಂಡ ಮಿಂಞ ದೇವಡ ಯಾಜಕಂಗಳಾಯಿತ್ ಇಂಜಂಡ್ ಅಂವೊಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‌ವ.