ಅಪೊಸ್ತಲ 24:10 - ಕೊಡವ ಬೈಬಲ್

¹⁰ ಪೌಲ ತಕ್ಕ್ ಪರಿಯುಲೂಂದ್ ದೇಶಾದಿಪತಿ ಸನ್ನೆ ಮಾಡ್‌ವಕ ಪೌಲ: ನಿಂಗ ದುಂಬ ಕಾಲತ್ಂಜ ಈ ದೇಶತ್‍ರ ಜನಕ್ ನ್ಯಾಯಾದಿಪತಿಯಾಯಿತುಳ್ಳಿರಾಂದ್ ಅರ್ಂಜಿತ್ ನಾನ್ ದೈರ್ಯವಾಯಿತ್ ಕುಶೀಲ್ ನಾಕಾಯಿತ್ ವಾದ ಮಾಡ್‌ವಿ.

ಅಪೊಸ್ತಲ 24:10 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:14

ನಾಡ ಸ್ನೇಹಿತನೇ: ನಿಂಗಡ ಆಸ್ತಿನ ದಂಡಾಳ್‌ಕ್ ಪಾಲ್ ಮಾಡ್‌ವಕು, ನ್ಯಾಯಾದಿಪತಿಯಾಯಿತ್ ದಾರ್ ನನ್ನ ನೇಮಿಚಿಟ್ಟತ್‍ೕಂದ್ ಯೇಸು ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:2

ಒರ್ ಊರ್‌ಲ್ ಒರ್ ನ್ಯಾಯಾದಿಪತಿ ಇಂಜತ್. ಅಂವೊ ದೇವಕು ಬೊತ್ತ್‌ವಕಿಂಜಿಲೆ, ಮನುಷ್ಯಂಗು ಬೆಲೆ ಕೊಡ್‌ಪಕಿಂಜಿಲೆ.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 13:16

ಅಕ್ಕ ಪೌಲ: ಎದ್ದಿತ್ ಅಯಿಂಗಕ್ ಕೈ ಸನ್ನೆ ಮಾಡಿತ್, ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ. ಇಸ್ರಾಯೇಲ್ ಜನಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಕ್‍ೕಳಿ.

ಅಪೊಸ್ತಲ 18:15

ಆಚೇಂಗಿ ನಿಂಗ ಕುತ್ತ ಪರಿಯುವ ವಿಷಯ, ಬೋದನೆರ ವಿಷಯವಾಯಿತು, ಪೆದತ್‍ರ ವಿಷಯವಾಯಿತು ಪಿಂಞ ನಿಂಗಡ ಸ್ವಂತ ನ್ಯಾಯಪ್ರಮಾಣತ್‍ರ ವಿಷಯವಾಯಿತುಳ್ಳಗುಂಡ್, ಇದ್‍ನ ವಿಚಾರಣೆ ಮಾಡ್‌ವಕ್ ನಾಕ್ ಕುಶಿ ಇಲ್ಲೆ, ನಿಂಗಳೇ ಸರಿ ಮಾಡಿಯೊಳೀಂದ್ ಎಣ್ಣ್‌ಚಿ.

ಅಪೊಸ್ತಲ 19:33

ಚೆನ್ನ ಯೆಹೂದ್ಯಂಗ ಅಲೆಕ್ಸಾಂದ್ರ ಎಣ್ಣುವ ಒಬ್ಬನ ವೇದಿಕೆಕ್ ತಳ್ಳ್‌ಚಿ. ಅಕ್ಕ ಅಲೆಕ್ಸಾಂದ್ರ ಜನಳ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡಿತ್, ಜನಕ್ ಉತ್ತರ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 23:24

ಕುದ್‌ರೆಯಳ ತಯಾರ್ ಮಾಡಿತ್ ಪೌಲನ ಅದ್‍ಲ್ ಪತ್ತ್‌ವಕ್ ಮಾಡಿತ್, ದೇಶಾದಿಪತಿಯಾನ ಫೇಲಿಕ್ಸಂಡ ಪಕ್ಕ ಬದ್ರವಾಯಿತ್ ಕಾಕಿಯಂಡ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 26:1

ಅಕ್ಕ ಅಗ್ರಿಪ್ಪ ಪೌಲಂಗ್: ನೀನ್ ನೀಕಾಯಿತ್ ತಕ್ಕ್ ಪರೀಂದ್ ಎಣ್ಣ್‌ಚಿ. ಅಕ್ಕ ಪೌಲ: ಕೈ ನ್‍ೕಟಿತ್ ಅಂವೊಂಗಾಯಿತ್ ವಾದ ಮಾಡ್‌ವಕ್ ಸುರು ಮಾಡ್‍ಚಿ.

1 ಪೇತ್ರ 3:15

ಆಚೇಂಗಿ, ಕ್ರಿಸ್ತಂಗ್ ನಿಂಗಡ ಹೃದಯತ್‍ಲ್ ಮರ್ಯಾದೆ ಕೊಡ್‍ಕಂಡು, ಅಂವೊನ ಒಡೆಯನಾಯಿತ್ ಗನಪಡ್‌ತಂಡು. ನಿಂಗಡ ನಿರಿಕ್ಷೇರ ವಿಷಯತ್ ದಾರಾಚೇಂಗಿ ಪ್ರಶ್ನೆ ಇಟ್ಟತೇಂಗಿ, ಅಯಿಂಗ ಎಲ್ಲಾರ್‌ಕು ಉತ್ತರ ಕೊಡ್‍ಪನೆಕೆ, ತಾಯಾರಾಯಿತ್ ಇರಿ. ಆಚೇಂಗಿ ಅದ್‍ನ ಮರ್ಯಾದೆಲ್ ಶಾಂತತ್‍ಲ್ ಮಾಡಂಡು.