ಅಪೊಸ್ತಲ 23:9 - ಕೊಡವ ಬೈಬಲ್

⁹ ಅಕ್ಕ, ಅಲ್ಲಿ ಬಲ್ಯ ಗಲಾಟೆ ಆಚಿ. ಫರಿಸಾಯಂಗಡ ಪಕ್ಷಕಾರಳಾನ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎದ್ದಿತ್: ಈ ಮನುಷ್ಯಂಡ ಮೇಲೆ ನಂಗ ಒರ್ ತಪ್ಪು ಕಾಂಬುಲೆ; ಒರ್ ಆತ್ಮ ಅಥವ ಒರ್ ದೇವದೂತ ಅಂವೊಂಡ ಕೂಡೆ ತಕ್ಕ್ ಪರ್ಂದಿತಿಕ್ಕೂಂದ್ ಆವೇಶತ್ ತರ್ಕ ಮಾಡ್‍ಚಿ.

ಅಪೊಸ್ತಲ 23:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:7

ಒಬ್ಬಂಡ ನಡ್‌ತೆ ಯೆಹೋವ ಮೆಚ್ಚುವನೆಕೆ ಇಂಜತೇಂಗಿ, ಅಂವೊಂಡ ವಿರೋದಿಯಳ ಸಹ ಅಂವೊಂಡ ಕೂಡೆ ಸಮಾದಾನ ಆಪನೆಕೆ ಮಾಡುವ.

ಮಾರ್ಕ 2:16

ಯೇಸು ಕಂದಾಯ ಎಡ್‌ಪಂವೊ ಪಿಂಞ ಸಮಾಜ ಪಾಪೀಂದ್ ಎಣ್ಣ್‌ವ ಜನಡ ಕೂಡೆ ಉಂಬದ್‌ನ ನ್ಯಾಯಪ್ರಮಾಣತ್‍ರ ಉಪಾದ್ಯಾಂಗಳಾನ ಫರಿಸಾಯಂಗ ನೋಟಿತ್, ಯೇಸುರ ಶಿಷ್ಯಂಗಡ ಪಕ್ಕ: ಎನ್ನಂಗ್ ಅಂವೊ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:22

ಮೂಂದನೆ ಕುರಿ: ಆಚೇಂಗಿ ಇಂವೊ ಎಂತ ತಪ್ಪ್ ಮಾಡ್‍ಚೀಂದ್ ಪಿಲಾತ ಕ್‍ೕಟತ್? ಇಂವೊನ ಕೊಲ್ಲ್‌ವಂತ ಒರ್ ತಪ್ಪು ನಾನ್ ಇಂವೊಂಡಲ್ಲಿ ಕಂಡಂಡಿಲ್ಲೆ. ಆನಗುಂಡ್ ಅಂವೊನ ಪೊಯ್ಯುವಂಜಿ, ನಾನ್ ಅಂವೊನ ಬುಟ್ಟ್‌ರ್‍ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:4

ಅಕ್ಕ ಪಿಲಾತ: ಮುಕ್ಯ ಯಾಜಕಂಗಕು ಪಿಂಞ ಜನಡ ಗುಂಪ್‌ಕು, ನಾನ್ ಅಂವೊನ ತೀರ್ಪ್ ಮಾಡ್‌ವಕ್, ಅಂವೊಂಡ ಮೇಲೆ ಒರ್ ತಪ್ಪು ಕಾಂಬ್‍ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 12:29

ಅಲ್ಲಿ ನಿಂದಂಡಿಂಜ ಜನ ಇದ್‍ನ ಕ್‍ೕಪಕ, ಚೆನ್ನ ಜನ ಗುಡ್‌ಗ್‍ೕಂದ್ ಎಣ್ಣ್‌ಚಿ. ಬೋರೆ ಚೆನ್ನ ಜನ ಇಲ್ಲೆ, ಒರ್ ದೇವದೂತ ಇಂವೊಂಡ ಕೂಡೆ ತಕ್ಕ್ ಪರ್ಂದತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 11:17

ಆನಗುಂಡ್, ಒಡೆಯನಾನ ಯೇಸು ಕ್ರಿಸ್ತನ ನಂಗ ನಂಬ್‌ವಕ, ನಂಗಕ್ ಕೊಡ್‍ತ ಅದೇ ವರತ್‍ನ ಯೆಹೂದ್ಯರಲ್ಲತ ಬೋರೆಯಿಂಗಕ್ ತಪ್ಪಕ, ದೇವನ ತಡ್‍ಪಕ್ ನಾನ್ ದಾರ್?

ಅಪೊಸ್ತಲ 22:6

ನಾನ್ ಪ್ರಯಾಣ ಮಾಡಿಯಂಡ್ ಮಜ್ಜಣತ್‍ರ ಸಮಯತ್‍ಲ್ ದಮಸ್ಕ ಪಟ್ಟಣತ್‍ರ ಪಕ್ಕ ಬಂದಂಡಿಂಜ, ಆ ಕ್ಷಣತ್‍ಲ್ ಪರಲೋಕತ್ಂಜ ಒರ್ ಬೊಳಿ ನಾಡ ಸುತ್ತ್‌ಲ್ ಮಿನ್ನ್‌ಚಿ.

ಅಪೊಸ್ತಲ 22:7

ನಾನ್ ನೆಲಕ್ ಬುದ್ದ್ ಪೋನ, ಅಕ್ಕ ಸೌಲ ಸೌಲ, ನೀನ್ ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯಾಂದ್ ಒರ್ ವಾಣಿ ಕ್‍ೕಟತ್.

ಅಪೊಸ್ತಲ 23:29

ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 23:8

ಎನ್ನಂಗೆಣ್ಣ್‌ಚೇಂಗಿ, ಚತ್ತಯಿಂಗ ಎದ್ದಿತ್ ಬಪ್ಪ್‌ಲೇಂದು, ದೇವದೂತಂಗಳು, ಆತ್ಮಾವು ಇಲ್ಲೇಂದ್ ಸದ್ದುಕಾಯಂಗ ನಂಬುವ; ಆಚೇಂಗಿ ಇದೆಲ್ಲಾ ಉಂಡ್‍ೕಂದ್ ಫರಿಸಾಯಂಗ ಒತ್ತವ.

ಅಪೊಸ್ತಲ 25:25

ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.

ಅಪೊಸ್ತಲ 26:31

ಅಲ್ಲಿಯಿಂಜ ಪೋಯಂಡಿಪ್ಪಕ, ಈ ಮನುಷ್ಯ ಮರಣ ಶಿಕ್ಷೆಕಾಡ್, ಜೈಲ್‍ಲ್ ಇಡ್‍ವಕಾಡ್ ತಕ್ಕಂತ ಒರ್ ಕುತ್ತವು ಮಾಡಿತ್‌ಲ್ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 27:23

ನಾಡ ಬದ್‍ಕ್‍ರ ಒಡೆಯನು, ನಾನ್ ಸೇವೆ ಮಾಡ್‍ವಂವೊನಾಯಿತುಳ್ಳ ದೇವದೂತ ನಿನ್ನಾಂದ್ ಬಯಿಟ್ ನಾಡ ಪಕ್ಕ ಬಂದಿತ್:

ಅಪೊಸ್ತಲ 5:39

ಆಚೇಂಗಿ, ಇದ್ ದೇವಡಗುಂಡ್ ಆಯಿತ್ಂಜತೇಂಗಿ, ಅದ್‍ನ ಪಾಳ್ ಮಾಡ್‌ವಕ್ ನಿಂಗಕ್ ಕಯ್ಯುಲೆ; ನಿಂಗ ದೇವಕ್ ವಿರೋದವಾಯಿತ್ ಯುದ್ದ ಮಾಡ್‌ವಯಿಂಗಡನೆಕೆ ಆಪಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 9:4

ಅಂವೊ ನೆಲಕ್ ಬುದ್ದತ್. ಅಕ್ಕ: ಸೌಲ, ಸೌಲ, ನೀನ್ ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯಾಂದ್ ಎಣ್ಣ್‌ವ ಒರ್ ವಾಣಿ ಅಂವೊಂಗ್ ಕ್‍ೕಟತ್.

1 ಕೊರಿಂಥ 10:22

ನಂಗ ಇನ್ನನೆ ಮಾಡ್‌ವಕ, ದೇವಕ್ ನಂಗಡ ಮೇಲೆ ಚೆಡಿ ಆಪನೆಕೆ ಮಾಡಿಯಂಡುಂಡಲ್ಲಾ? ಅಂವೊಗಿಂಜ ನಂಗ ದುಂಬ ಬಲಶಾಲಿಯಾ?