ಅಪೊಸ್ತಲ 23:30 - ಕೊಡವ ಬೈಬಲ್

³⁰ ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ಅಪೊಸ್ತಲ 23:30 ပူးပေါင်းရင်းမြစ်များ

ಅಪೊಸ್ತಲ 23:12

ಪಿತ್ಯಾಂದ್ ಪೊಲಾಕ ಚೆನ್ನ ಯೆಹೂದ್ಯಂಗ ಒಟ್ಟ್ ಕೂಡಿತ್ ಒಳಸಂಚ್ ಮಾಡಿತ್, ಅಯಿಂಗೆಲ್ಲ, ಪೌಲನ ಕೋಲ್ಲ್‌ವಕತ್ತನೆ ಕೂಳ್ ಪಿಂಞ ನೀರ್ ಮುಟ್ಟ್‌ಲೇಂದ್ ಪರ್‍ಕೆ ಎಡ್‍ತಂಡತ್.

ಅಪೊಸ್ತಲ 23:20

ಅದ್ಂಗ್ ಅಂವೊ: ಯೆಹೂದ್ಯಂಗ ಪೌಲಂಡ ವಿಷಯತ್‍ನ ಇಂಞು ವಿವರವಾಯಿತ್ ವಿಚಾರಣೆ ಮಾಡ್‌ವಕ್ ಮನಸ್ಸುಳ್ಳಯಿಂಗಡನೆಕೆ, ನೀನ್ ಅಂವೊನ ನಾಳೆ ಆಲೋಚನೆ ಸಬೇಕ್ ಕಾಕಿಯಂಡ್ ಬಪ್ಪನೆಕೆ ಬೋಡ್‍ವಕ್ ಒತ್ತಂಡುಂಡ್.

ಅಪೊಸ್ತಲ 23:31

ಸಿಪಾಯಿಯಂಗ ಅಯಿಂಗಕ್ ಹುಕುಮ್ ಕ್‍ಟ್ಟ್‌ನನೆಕೆ ಬಯಿಟ್ ನೇರತ್ ಪೌಲನ ಅಂತಿಪತ್ರಿ ಊರ್‌ಕ್ ಕಾಕಿಯಂಡ್ ಪೋಚಿ.

ಅಪೊಸ್ತಲ 23:35

ನೀಡ ಮೇಲೆ ಕುತ್ತ ಪರಿಯುವಯಿಂಗ ಬಪ್ಪಕ ನೀಡ ವಿಷಯತ್‍ನ ವಿವರವಾಯಿತ್ ವಿಚಾರಣೆ ಮಾಡ್‌ವೀಂದ್ ಎಣ್ಣಿತ್, ಪೌಲನ ಹೆರೋದಂಡ ಅರಮನೇಲ್ ಉಳ್ಳ ಜೈಲ್‍ಲ್ ಬೆಚ್ಚಿತ್ ಕಾಪಕಾಯಿತ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 24:19

ನನ್ನ ಕಂಡಯಿಂಗಕ್ ನಾಡ ಮೇಲೆ ವಿರೋದ ಇಂಜತೇಂಗಿ, ಅಯಿಂಗಳೇ ಇಲ್ಲಿ ಬಂದಿತ್, ನಿಂಗಡ ಮಿಂಞತ್ ನಾಡ ಮೇಲೆ ಕುತ್ತ ಪರಿಯಡ್.

ಅಪೊಸ್ತಲ 25:16

ಅದ್ಂಗ್ ನಾನ್ ಅಯಿಂಗಕ್: ಒಬ್ಬಂಡ ಮೇಲೆ ಬೋರೆ ಒಬ್ಬ ಕುತ್ತ ಪರ್ಂದಿತ್, ನ್ಯಾಯಸಬೇಕ್ ಬಪ್ಪಕ, ದಾಡ ಮೇಲೆ ಕುತ್ತ ಪರ್ಂದಿತೋ ಅಂವೊಂಗ್ ತಾಂಡ ಮೇಲೆ ಎಣ್ಣ್‌ವ ಕುತ್ತಕ್ ಜವಾಬ್ ಕೊಡ್‍ಪಕ್ ಅವಕಾಶ ಕೊಡ್‍ಪಕ್ ಮಿಂಞ, ಅಂವೊನ ಮರಣ ದಂಡೆನೆಕ್ ಒಪ್ಪ್‌ಚಿಡ್‍ವದ್ ರೋಮ್ ರಾಜ್ಯತ್‍ರ ಪದ್ದತಿ ಅಲ್ಲಾಂದ್ ಎಣ್ಣ್‌ನ.

ಅಪೊಸ್ತಲ 9:24

ಆಚೇಂಗಿ, ಅಯಿಂಗಡ ಆಲೋಚನೆ ಸೌಲಂಗ್ ಗೊತ್ತಾಚಿ. ಅಂವೊನ ಕೊಲ್ಲ್‌ವಕಾಯಿತ್ ಅಯಿಂಗ ಪೊಲಾಕ ಬಯಿಟ್ ಪಟ್ಟಣತ್‍ರ ಪಡಿರ ಪಕ್ಕ ಕಾಪಕಿಂಜತ್.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.