ಅಪೊಸ್ತಲ 23:29 - ಕೊಡವ ಬೈಬಲ್

²⁹ ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 23:29 ပူးပေါင်းရင်းမြစ်များ

ಅಪೊಸ್ತಲ 18:15

ಆಚೇಂಗಿ ನಿಂಗ ಕುತ್ತ ಪರಿಯುವ ವಿಷಯ, ಬೋದನೆರ ವಿಷಯವಾಯಿತು, ಪೆದತ್‍ರ ವಿಷಯವಾಯಿತು ಪಿಂಞ ನಿಂಗಡ ಸ್ವಂತ ನ್ಯಾಯಪ್ರಮಾಣತ್‍ರ ವಿಷಯವಾಯಿತುಳ್ಳಗುಂಡ್, ಇದ್‍ನ ವಿಚಾರಣೆ ಮಾಡ್‌ವಕ್ ನಾಕ್ ಕುಶಿ ಇಲ್ಲೆ, ನಿಂಗಳೇ ಸರಿ ಮಾಡಿಯೊಳೀಂದ್ ಎಣ್ಣ್‌ಚಿ.

ಅಪೊಸ್ತಲ 25:11

ನಾನ್ ಅನ್ಯಾಯ ಮಾಡಿತ್, ಮರಣ ದಂಡನೆಕ್ ಯೋಗ್ಯನಾಯಿತ್ಂಜತೇಂಗಿ, ಆ ಶಿಕ್ಷೆಯಿಂಜ ತಪ್ಪಿಚಿಡ್‌ವಕ್ ನಾನ್ ಪ್ರಯತ್ನ ಪಡುಲೆ. ಆಚೇಂಗಿ ಈ ಯೆಹೂದ್ಯಂಗ ನಾಡ ಮೇಲೆ ಎಣ್ಣುವ ಕುತ್ತತ್‍ಲ್ ಸತ್ಯ ಇಲ್ಲತಪೋನಕ, ಈಂಗಡ ಪಕ್ಕ ನನ್ನ ಒಪ್ಪ್‌ಚಿಡುವಕ್ ದಾರ್‌ಕು ಅದಿಕಾರ ಇಲ್ಲೆ. ಆನಗುಂಡ್ ಕೈಸರ ನನ್ನ ವಿಚಾರಣೆ ಮಾಡ್‌ವಕ್ ಬೋಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 25:25

ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.

ಅಪೊಸ್ತಲ 26:31

ಅಲ್ಲಿಯಿಂಜ ಪೋಯಂಡಿಪ್ಪಕ, ಈ ಮನುಷ್ಯ ಮರಣ ಶಿಕ್ಷೆಕಾಡ್, ಜೈಲ್‍ಲ್ ಇಡ್‍ವಕಾಡ್ ತಕ್ಕಂತ ಒರ್ ಕುತ್ತವು ಮಾಡಿತ್‌ಲ್ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 28:18

ಅಯಿಂಗ ನನ್ನ ವಿಚಾರಣೆ ಮಾಡಿತ್, ನಾಡ ಪಕ್ಕ ಮರಣ ದಂಡನೆಕ್ ಒರ್ ಕಾರಣವು ಇಲ್ಲತೆಗುಂಡ್, ನನ್ನ ಬುಡ್‌ತ್‌ವಕ್ ನೋಟ್‌ಚಿ.