ಅಪೊಸ್ತಲ 23:22 - ಕೊಡವ ಬೈಬಲ್

²² ಅಕ್ಕ ಸೇನೆರ ಅದಿಕಾರಿ, ಆ ಬಾಲೆಕಾರಂಗ್: ನೀನ್ ಈ ಸಂಗತಿನ ನಾಕ್ ಎಣ್ಣಿಯಾಂದ್ ದಾರ್‌ಕು ಎಣ್ಣಂಡಾಂದ್ ಆಜ್ಞೆ ಕೊಡ್‌ತಿತ್ ಅಂವೊನ ಅಯಿಚಿರ್‌ತ್.

ಅಪೊಸ್ತಲ 23:22 ပူးပေါင်းရင်းမြစ်များ

ಮತ್ತಾಯ 10:5

ಈ ಪನ್ನೆರಂಡ್ ಶಿಷ್ಯಂಗಳ ಯೇಸು ಅಯಿಪಕ, ಇನ್ನನೆ ಎಚ್ಚರಿಕೆ ಮಾಡಿತ್ ಅಯಿಚತ್: ಯೆಹೂದ್ಯಂಗ ಇಲ್ಲತ ಜಾಗಕ್ ಪೋಕತಿ ಪಿಂಞ ಸಮಾರ್ಯ ಪಟ್ಟಣತ್‍ಲ್ ಕಾಲಿಡತಿ.

ಮಾರ್ಕ 1:44

ಆಚೇಂಗಿಯು, ನೀನ್ ನೇರೆ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್; ಅಂವೊ ನಿನ್ನ ಪರೀಕ್ಷೆ ಮಾಡಡ್; ಪಿಂಞ ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ಮೋಶೇರ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಎಣ್ಣ್‌ಚಿ.

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಅಪೊಸ್ತಲ 23:21

ಆಚೇಂಗಿ ನೀನ್ ಅಯಿಂಗಡ ತಕ್ಕ್‌ಕ್ ಒತ್ತತೆ; ಎನ್ನಂಗೆಣ್ಣ್‌ಚೇಂಗಿ ಪೌಲನ ಕೊಲ್ಲ್‌ವನೆಕೆ ಅಯಿಂಗ ಉಂಡ್, ಅಂವೊನ ಕೋಲ್ಲ್‌ವಕತ್ತನೆ ಕೂಳ್ ಪಿಂಞ ನೀರ್ ಮುಟ್ಟ್‌ಲೇಂದ್ ನಾಪದ್ ಜನಕಿಂಜ ದುಂಬ ಜನ ಪರ್‌ಕೆ ಮಾಡಿತುಂಡ್. ಇಕ್ಕ ಅಯಿಂಗ ತಯಾರಾಯಿತ್, ನೀಡ ಅಪ್ಪಣೆಕಾಯಿತ್ ಪಾರಕಾತಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:23

ಅಲ್ಲಿಂಜ ಅಂವೊ ನೂರ್ ಸಿಪಾಯಿಯಡ ಅದಿಕಾರಿಯಂಗಯಿಂಜ ದಂಡ್ ಅದಿಕಾರಿಯಂಗಳ ಕಾಕುವಂಜಿ, ಬಯಿಟ್ ಒಯಿಂಬದ್ ಗಂಟೆಕ್, ಕೈಸರೈಯ ಪಟ್ಟಣಕತ್ತನೆ ಪೋಪಕಾಯಿತ್ ಇರ್‌ನೂರ್ ಸಿಪಾಯಿಯಂಗಳ, ಎಳ್‌ವದ್ ಕುದ್‌ರೆ ಸಿಪಾಯಿಯಂಗಳ ಪಿಂಞ ಇರ್‌ನೂರ್ ಈಟಿ ಸಿಪಾಯಿಯಂಗಳ ತಯಾರ್ ಮಾಡೀಂದ್ ಎಣ್ಣಿತ್,