ಅಪೊಸ್ತಲ 23:19 - ಕೊಡವ ಬೈಬಲ್

¹⁹ ಅಕ್ಕ, ಆ ಸೇನೆರ ಅದಿಕಾರಿ: ಆ ಬಾಲೆಕಾರಂಡ ಕೈಯಿನ ಪುಡ್‌ಚಿತ್, ಆಬರಿಕ್ ಕಾಕಿಯಂಡ್ ಪೋಯಿತ್, ನೀನ್ ನಾಡ ಪಕ್ಕ ಎಣ್ಣ್‌ವಕುಳ್ಳ ವಿಷಯ ಎಂತ್‍ೕಂದ್ ಕ್‍ೕಟತ್.

ಅಪೊಸ್ತಲ 23:19 ပူးပေါင်းရင်းမြစ်များ

ಎಸ್ತೆರ್‌ 5:3

ಅಕ್ಕ ರಾಜ ಅವಳ ನೋಟಿತ್: ಎಸ್ತೇರ್‌ ರಾಣಿಯೇ, ನೀಕ್‌ ಎಂತ ಬೋಂಡೂ? ನೀಡ ಬೋಡಿಕೆ ಎಂತ? ನೀನ್‌ ಈ ರಾಜ್ಯತ್‌ರ ಪಾದಿ ಬಾಗತ್‌ನ ಕ್‍ೕಟತೇಂಗಯು, ಅದ್‌ ನೀಕ್‌ ಕ್‌ಟ್ಟ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 7:2

ದ್ರಾಕ್ಷಿರಸ ಬಳಂಬ್‌ವ ನೇರತ್‌ ರಾಜ ಎಸ್ತೇರಳ ನೋಟಿತ್: ಎಸ್ತೇರ್‌ ರಾಣಿಯೇ, ನೀಕ್‌ ಎಂತ ಬೋಂಡು? ಅದ್‌ನ ನೆರವೇರಿಚಿಡುವಿ. ನೀಡ ಬೋಡಿಕೆ ಎಂತ? ನೀನ್‌ ಈ ರಾಜ್ಯತ್‌ರ ಪಾದಿ ಬಾಗತ್‌ನ ಕ್‍ೕಟತೇಂಗಯು, ಅದ್‌ ನೀಕ್‌ ಕ್‌ಟ್ಟ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 9:12

ಅಕ್ಕ ರಾಜ ಎಸ್ತೇರ್‌ ರಾಣಿನ ನೋಟಿತ್: ಯೆಹೂದ್ಯಂಗ ಶೂಷನ್‌ ಅರಮನೆಲ್‌ ಅಂಞ್ಞೂರ್‌ ಜನಳ ಪಿಂಞ ಹಾಮಾನಂಡ ಪತ್ತ್‌ ಕ್‌ಣ್ಣ ಮಕ್ಕಳ ಕೊಂದಿತ್‌ ನಾಶ ಮಾಡಿರ್‌ತ್. ರಾಜಂಡ ಬೋರೆ ಪ್ರಾಂತ್ಯತ್‌ಲ್‌ ಎಂತ ಮಾಡೀತಿಕ್ಕೋ? ಇಕ್ಕ ನೀಡ ಬೋಡಿಕೆ ಎಂತ? ಅದ್‌ ನೀಕ್‌ ಕ್‌ಟ್ಟುವ. ನೀಡ ಮೊರೆ ಎಂತ? ಅನ್ನನೆ ನೀಕ್‌ ಆಪ ಎಣ್ಣಿಯಂಡ್‌ ಎಣ್ಣ್‌ಚಿ.

ಮಾರ್ಕ 10:51

ಯೇಸು ಅಂವೊನ ನೋಟಿತ್: ನಾನ್ ನೀಕ್ ಎಂತ ಮಾಡಂಡೂಂದ್ ಕ್‍ೕಟತ್? ಅದ್ಂಗ್ ಅಂವೊ: ನಲ್ಲ ಉಪಾದ್ಯನೇ ನಾಕ್ ಕಣ್ಣ್ ಕಾಂಬನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 8:23

ಯೇಸು ಆ ಮನುಷ್ಯಂಡ ಕೈ ಪುಡ್‍ಚಿ ಕಾಕಿಯಂಡ್ ಊರ್‌ರ ಆಬರಿಕ್ ಪೋಯಿತ್, ಆ ಮನುಷ್ಯಂಡ ಕಣ್ಣ್‌ಕ್ ತುಪ್ಪಿತ್, ಅಂವೊಂಡ ಮೇಲೆ ಕೈ ಬೆಚ್ಚಿತ್, ನೀಕ್ ಎಂತೇಂಗಿಯು ಕಾಂಬಕ್ ಕಯ್ಯುವಾಂದ್ ಕ್‍ೕಟತ್.

ಮಾರ್ಕ 9:27

ಆಚೇಂಗಿ ಯೇಸು ಆ ಕ್‍ಣ್ಣಂಡ ಕೈಯಿನ ಪುಡ್‌ಚಿತ್ ಏವಕ್ ಸಹಾಯ ಮಾಡ್‍ಚಿ. ಅಕ್ಕಣೆ ಆ ಕ್‍ಣ್ಣ ಎದ್ದತ್.

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಅಪೊಸ್ತಲ 17:19

ಅಯಿಂಗ ಪೌಲನ ಕಾಕಿಯಂಡ್ ಆ ಪಟ್ಟಣತ್‍ರ ಅರಿಯೊಪಾಗ ಎಣ್ಣುವ ಆಲೋಚನೆ ಸಬೆರ ವೇದಿಕೆಕ್ ಕಾಕಿಯಂಡ್ ಪೋಯಿತ್: ನೀನ್ ಎಣ್ಣುವ ಈ ಪುದಿಯ ಬೋದನೆ ಎಂ‍ತಾಂದ್ ನಂಗಕ್ ಎಣ್ಣ್‍ೕಂದ್ ಕ್‍ೕಟತ್.

ಅಪೊಸ್ತಲ 23:18

ಅನ್ನನೆ ಅಂವೊನ ಕಾಕಿಯಂಡ್ ಪೋಯಿತ್, ಸರ್ಪಣಿಲ್ ಉಳ್ಳ ಪೌಲ ನನ್ನ ಕಾಕಿತ್ ಈ ಬಾಲೆಕಾರನ ನಿಂಗಡ ಪಕ್ಕ ಕಾಕಿಯಂಡ್ ಬಪ್ಪಕ್ ಬೋಡಿಯಂಡತ್‍ೕಂದ್ ಎಣ್ಣ್‌ಚಿ

ಅಪೊಸ್ತಲ 23:20

ಅದ್ಂಗ್ ಅಂವೊ: ಯೆಹೂದ್ಯಂಗ ಪೌಲಂಡ ವಿಷಯತ್‍ನ ಇಂಞು ವಿವರವಾಯಿತ್ ವಿಚಾರಣೆ ಮಾಡ್‌ವಕ್ ಮನಸ್ಸುಳ್ಳಯಿಂಗಡನೆಕೆ, ನೀನ್ ಅಂವೊನ ನಾಳೆ ಆಲೋಚನೆ ಸಬೇಕ್ ಕಾಕಿಯಂಡ್ ಬಪ್ಪನೆಕೆ ಬೋಡ್‍ವಕ್ ಒತ್ತಂಡುಂಡ್.