ಅಪೊಸ್ತಲ 23:12 - ಕೊಡವ ಬೈಬಲ್

¹² ಪಿತ್ಯಾಂದ್ ಪೊಲಾಕ ಚೆನ್ನ ಯೆಹೂದ್ಯಂಗ ಒಟ್ಟ್ ಕೂಡಿತ್ ಒಳಸಂಚ್ ಮಾಡಿತ್, ಅಯಿಂಗೆಲ್ಲ, ಪೌಲನ ಕೋಲ್ಲ್‌ವಕತ್ತನೆ ಕೂಳ್ ಪಿಂಞ ನೀರ್ ಮುಟ್ಟ್‌ಲೇಂದ್ ಪರ್‍ಕೆ ಎಡ್‍ತಂಡತ್.

ಅಪೊಸ್ತಲ 23:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:18

ಅಯಿಂಗ ಯೋಸೇಫ ದೂರತ್‌ಲ್‌ ಬಪ್ಪನ ಕಂಡಿತ್, ಅಯಿಂಗಡ ಪಕ್ಕ ಬಪ್ಪಕ್‌ ಮಿಂಞಲೇ ಅಂವೊನ ಕೊಲ್ಲ್‌ವಕ್‌ ಬಟ್ಟೆ ನೋಟಿಯಂಡಿಂಜತ್.

ಎಸ್ತೆರ್‌ 2:22

ಈ ವಿಷಯ ಮೋರ್ದೆಕೈಕ್‌ ಗೊತ್ತಾಯಿತ್, ರಾಣಿಯಾನ ಎಸ್ತೇರಂಗ್‌ ಅರಿಚಿಟ್ಟತ್; ಈ ವಿಷಯತ್‌ನ ಮೋರ್ದೆಕೈಯನೇ ಎಣ್ಣ್‌ಚೀಂದ್‌ ಎಸ್ತೇರ್‌ ರಾಜಂಗ್‌ ಎಣ್ಣ್‌ಚಿ.

ಮತ್ತಾಯ 26:4

ಯೇಸುನ ಎನ್ನನಾಚೇಂಗಿಯು ಪುಡ್‌ಚಿತ್ ಕೊಲ್ಲ್‌ವಕ್ ಆಲೋಚನೆ ಮಾಡ್‍ಚಿ.

ಮತ್ತಾಯ 26:74

ಅಕ್ಕ ಅಂವೊ: ಸತ್ಯ ಮಾಡಿತ್, ನಾಕ್ ಅಂವೊನ ಗೊತ್ತ್‌ಲ್ಲೆ, ಅನ್ನನೆ ನಾನ್ ಪೊಟ್ಟ್‌ಪರಿಯುವೇಂಗಿ ನಾಡ ಮೇಲೆ ಶಾಪ ಬರಡ್‍ೕಂದ್ ಎಣ್ಣ್‌ಚಿ, ಅಕ್ಕಣೆಕ್ ಮಲ್ಲಂಗೋಳಿ ಕೂಂದತ್.

ಮತ್ತಾಯ 27:25

ಅಕ್ಕ ಎಲ್ಲಾ ಜನಳು ಒಮ್ಮಕೆ: ಅಂವೊಂಡ ಚಾವ್‍ರ ಜವಾಬ್ದಾರಿ ನಂಗಡ ಮೇಲೆ ಪಿಂಞ ನಂಗಡ ಮಕ್ಕಡ ಮೇಲೆ ಇರಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:13

ಇನ್ನನೆ ಮಾಡ್‍ನಯಿಂಗ ಸುಮಾರ್ ನಾಪದ್ ಜನಕಿಂಜ ದುಂಬ ಇಂಜತ್.

ಅಪೊಸ್ತಲ 23:14

ಈಂಗೆಲ್ಲಾರು, ಮುಕ್ಯ ಯಾಜಕಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಯಿತ್, ಪೌಲನ ಕೋಲ್ಲ್‌ವಕತ್ತನೆ ಬಾಯಿಲ್ ಒಂದು ಇಡ್‌ಲೇಂದ್ ನಂಗ ಪರ್‍ಕೆ ಮಾಡಿಯಂಡತ್,

ಅಪೊಸ್ತಲ 23:21

ಆಚೇಂಗಿ ನೀನ್ ಅಯಿಂಗಡ ತಕ್ಕ್‌ಕ್ ಒತ್ತತೆ; ಎನ್ನಂಗೆಣ್ಣ್‌ಚೇಂಗಿ ಪೌಲನ ಕೊಲ್ಲ್‌ವನೆಕೆ ಅಯಿಂಗ ಉಂಡ್, ಅಂವೊನ ಕೋಲ್ಲ್‌ವಕತ್ತನೆ ಕೂಳ್ ಪಿಂಞ ನೀರ್ ಮುಟ್ಟ್‌ಲೇಂದ್ ನಾಪದ್ ಜನಕಿಂಜ ದುಂಬ ಜನ ಪರ್‌ಕೆ ಮಾಡಿತುಂಡ್. ಇಕ್ಕ ಅಯಿಂಗ ತಯಾರಾಯಿತ್, ನೀಡ ಅಪ್ಪಣೆಕಾಯಿತ್ ಪಾರಕಾತಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:30

ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ಅಪೊಸ್ತಲ 25:3

ಅಯಿಂಗಡ ಮೇಲೆ ದಯೆ ಕಾಟ್‌ವದಾಚೇಂಗಿ, ಪೌಲನ ಬೆರಿಯ ಯೆರೂಸಲೇಮ್‌ಕ್ ಕಾಕಿಯಂಡ್ ಬರಂಡೂಂದ್ ಬೋಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಪೌಲನ ಯೆರೂಸಲೇಮ್‌ಕ್ ಕಾಕಿಯಂಡ್ ಬಪ್ಪಕ, ಬಟ್ಟೇಲ್ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡಿತ್ ತೀರ್ಮಾನ ಮಾಡಿತ್ಂಜತ್.

ಅಪೊಸ್ತಲ 9:23

ದುಂಬ ದಿವಸ ಆನ ಪಿಂಞ ಯೆಹೂದ್ಯಂಗ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡ್‍ಚಿ.

ಅಪೊಸ್ತಲ 9:24

ಆಚೇಂಗಿ, ಅಯಿಂಗಡ ಆಲೋಚನೆ ಸೌಲಂಗ್ ಗೊತ್ತಾಚಿ. ಅಂವೊನ ಕೊಲ್ಲ್‌ವಕಾಯಿತ್ ಅಯಿಂಗ ಪೊಲಾಕ ಬಯಿಟ್ ಪಟ್ಟಣತ್‍ರ ಪಡಿರ ಪಕ್ಕ ಕಾಪಕಿಂಜತ್.

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

2 ಕೊರಿಂಥ 11:26

ದುಂಬ ಕುರಿ ಪ್ರಯಾಣ ಮಾಡಿಯೆ, ಪೊಳೇರಗುಂಡ್ ಬಂದ ಅಪಾಯತ್‍ಲ್, ಕಳ್ಳಂಗಡಗುಂಡ್ ಬಂದ ಅಪಾಯತ್‍ಲ್, ನಾಡ ಸ್ವಂತ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಬೋರೆ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಪಟ್ಟಣತ್‍ಲ್ ಬಂದ ಅಪಾಯತ್‍ಲ್, ಮಣಬೂಮಿಲ್ ಬಂದ ಅಪಾಯತ್‍ಲ್, ಸಮುದ್ರತ್‍ಲ್ ಬಂದ ಅಪಾಯತ್‍ಲ್, ಕಳ್ಳಂಗಳಾನ ಅಣ್ಣತಮ್ಮಣಂಗಡಗುಂಡ್ ಬಂದ ಅಪಾಯತ್‍ರಗುಂಡ್,

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.