ಅಪೊಸ್ತಲ 23:10 - ಕೊಡವ ಬೈಬಲ್

¹⁰ ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 23:10 ပူးပေါင်းရင်းမြစ်များ

ಅಪೊಸ್ತಲ 21:37

ಪೌಲನ ಕೋಟೆರ ಒಳ್‍ಕ್ ಕೊಂಡ್ ಪೋಪಕ್ ಮಿಂಞ, ಅಂವೊ ಸೇನೆರ ಅದಿಪತಿನ ನೋಟಿತ್: ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯ್ಯುವಾಂದ್ ಕ್‍ೕಟತ್. ಅದ್ಂಗ್ ಅಂವೊ: ಪೌಲನ ನೋಟಿತ್ ನೀಕ್ ಗ್ರೀಕ್ ತಕ್ಕ್ ಪರಿಯುವಕ್ ಗೊತ್ತುಂಡಾ?

ಅಪೊಸ್ತಲ 22:24

ಅನ್ನನೆ ಅಯಿಂಗ ಮಾಡಿಯಂಡಿಪ್ಪಕ, ಎನ್ನಂಗ್ ಇನ್ನನೆ ಅಂವೊಂಗ್ ವಿರೋದವಾಯಿತ್ ಜನ ಕೂತ್ ಕೊಡ್‍ತಂಡುಂಡ್‍ೕಂದ್ ಗೊತ್ತಾಪಕಾಯಿತ್, ಅಂವೊನ ಕೋಟೆರ ಒಳ್‍ಕ್ ಕೊಂಡ್‌ಬಂತ್, ಕೊರಡ್‍ಲ್ ಪೊಜ್ಜಿತ್ ವಿಚಾರಣೆ ಮಾಡಂಡೂಂದ್ ಸೇನೆರ ಅದಿಪತಿ ಆಜ್ಞೆ ಕೊಡ್‍ತತ್.

ಅಪೊಸ್ತಲ 23:16

ಆಚೇಂಗಿ, ಇನ್ನನೆ ಅಯಿಂಗ ಒಳಸಂಚ್ ತಕ್ಕ್ ಪರಿಯುವಾನ ಪೌಲಂಡ ಅಕ್ಕಂಡ ಮೋಂವೊ ಕ್‍ೕಟಿತ್, ಪೌಲ ಇಂಜ ಕೋಟೆರ ಒಳ್‍ಕ್ ಪೋಯಿತ್ ಪೌಲಂಗ್ ಎಣ್ಣ್‌ಚಿ.

ಅಪೊಸ್ತಲ 23:27

ಯೆಹೂದ್ಯಂಗ ಈ ಮನುಷ್ಯನ ಪುಡ್‌ಚಿತ್, ಕೊಲ್ಲ್‌ವಕ್ ಇಂಜ ಸಮಯತ್‍ಲ್, ನಾನ್ ಸಿಪಾಯಿಯಳ ಕಾಕಿಯಂಡ್ ಪೋಯಿತ್ ಅಂವೊ ರೋಮ್ ರಾಜ್ಯತ್‍ರ ಪ್ರಜೇಂದ್ ಅರಿಂಜಿತ್ ಅಂವೊನ ಬಚಾವ್ ಮಾಡ್‍ನ.

ಅಪೊಸ್ತಲ 23:28

ಇದ್‍ಲ್ಲತೆ ಇಂವೊಂಡ ಮೇಲೆ ಎಣ್ಣ್‌ನ ಕುತ್ತತ್‍ನ ನಾನ್ ಅರಿವಕಾಯಿತ್ ಇಂವೊನ ಅಯಿಂಗಡ ಆಲೋಚನೆ ಸಬೇಕ್ ಕಾಕಿಯಂಡ್ ಪೋನ.

ಅಪೊಸ್ತಲ 23:32

ಪಿತ್ಯಾಂದ್ ಅಯಿಂಗಡ ಕುದ್‌ರೆ ಸಿಪಾಯಿಯಂಗಳ ಪೌಲಂಡ ಕೂಡೆ ಪೋಪನೆಕೆ ಬುಟ್ಟಿತ್, ಬೋರೆ ಸಿಪಾಯಿಯಂಗ ಕೋಟೆಕ್ ಬಾತ್.

ಅಪೊಸ್ತಲ 24:7

ಆಚೇಂಗಿ ಸೇನೆರ ಅದಿಕಾರಿಯಾನ ಲೂಸ್ಯನು ಬಂದಿತ್, ಒತ್ತಾಯ ಮಾಡಿತ್ ಅಂವೊನ ನಂಗಡಿಂಜ ಬಲ್‍ಚಂಡ್ ಪೋಯಿರ್‌ತ್.

2 ಕೊರಿಂಥ 11:26

ದುಂಬ ಕುರಿ ಪ್ರಯಾಣ ಮಾಡಿಯೆ, ಪೊಳೇರಗುಂಡ್ ಬಂದ ಅಪಾಯತ್‍ಲ್, ಕಳ್ಳಂಗಡಗುಂಡ್ ಬಂದ ಅಪಾಯತ್‍ಲ್, ನಾಡ ಸ್ವಂತ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಬೋರೆ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಪಟ್ಟಣತ್‍ಲ್ ಬಂದ ಅಪಾಯತ್‍ಲ್, ಮಣಬೂಮಿಲ್ ಬಂದ ಅಪಾಯತ್‍ಲ್, ಸಮುದ್ರತ್‍ಲ್ ಬಂದ ಅಪಾಯತ್‍ಲ್, ಕಳ್ಳಂಗಳಾನ ಅಣ್ಣತಮ್ಮಣಂಗಡಗುಂಡ್ ಬಂದ ಅಪಾಯತ್‍ರಗುಂಡ್,

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.