ಅಪೊಸ್ತಲ 23:1 - ಕೊಡವ ಬೈಬಲ್

¹ ಅಕ್ಕ ಪೌಲ: ಯೆಹೂದ್ಯಂಗಡ ಆಲೋಚನೆ ಸಬೆರ ಪೆರಿಯಯಿಂಗಡ ಮೂಡ್‍ಕ್ ನೋಟ್‌ವಂಜಿ: ನಾಡ ಅಣ್ಣತಮ್ಮಣಂಗಳೇ, ನಾನ್ ಈ ದಿವಸಕತ್ತನೆ ನಲ್ಲ ಮನಸಾಕ್ಷಿಯಿಂಜ ದೇವಡ ಮಿಂಞತ್‍ಲ್ ಬದ್‍ಕಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 23:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:1

ದಾರು ಓಡಿಚಿಡತೆ ಪೋಚೇಂಗಿಯು ದುಷ್ಟ ಓಡಿ ಪೋಪ. ಆಚೇಂಗಿ ನೀತಿವಂತಯಿಂಗ ಸಿಂಹತ್‌ರನೆಕೆ ದೈರ್ಯತ್‌ಲ್‌ ಇಪ್ಪ.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ಅಪೊಸ್ತಲ 22:30

ಪೌಲಂಡ ಮೇಲೆ ಯೆಹೂದ್ಯಂಗ ಎಂತ ಕುತ್ತ ಪರ್ಂದಂಡ್ ಉಂಡ್‍ೕಂದ್ ಚಾಯಿತೆ ಗೊತ್ತಾಪಕಾಯಿತ್, ಪಿತ್ಯಾಂದ್ ಪೌಲಂಡ ಸರ್ಪಣಿನ ಉತ್ತಿತ್ ಮುಕ್ಯ ಯಾಜಕಂಗಳ ಪಿಂಞ ಯೆಹೂದ್ಯಂಗಡ ಆಲೋಚನೆ ಸಬೇನ ಕೂಡಿ ಬಪ್ಪಕ್ ಅಪ್ಪಣೆ ಕೊಡ್‌ತಿತ್ಂಜತ್. ಪಿಂಞ ಪೌಲನ ಕಾಕಿಯಂಡ್ ಪೋಯಿತ್ ಅಯಿಂಗಡ ಮಿಂಞ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 22:5

ಇದ್ಂಗ್ ಮಹಾ ಯಾಜಕಂಗ ಪಿಂಞ ಪೆರಿಯಯಿಂಗ ಎಲ್ಲಾರು ಸಾಕ್ಷಿಯಳಾಯಿತುಂಡ್; ದಮಸ್ಕತ್‍ಲ್ ಉಳ್ಳ ಕ್ರಿಸ್ತಂಡ ಜನಕ್ ಶಿಕ್ಷೆ ಕ್‍ಟ್ಟ್‌ವನೆಕೆ, ಅಯಿಂಗಳ ಸರ್ಪಣಿಲ್ ಕೆಟ್ಟಿತ್, ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್ ದಮಸ್ಕತ್‍ಲ್ ಉಳ್ಳ ಅಯಿಂಗಡ ಅಣ್ಣತಮ್ಮಣಂಗಕ್, ಅಯಿಂಗಳೇ ನಾಕ್ ಕಾಗದ ಕೊಡ್‍ತತ್.

ಅಪೊಸ್ತಲ 23:15

ಆನಗುಂಡ್ ನಿಂಗ, ಆಲೋಚನೆ ಸಬೇರಯಿಂಗಡ ಕೂಡೆ ಪೋಯಿತ್, ಪೌಲಂಡ ವಿಷಯತ್‍ನ ಇಂಞು ವಿವರವಾಯಿತ್ ವಿಚಾರಣೆ ಮಾಡ್‌ವಕ್ ಮನಸ್ಸುಳ್ಳಯಿಂಗಡನೆಕೆ ಸೇನೆರ ಅದಿಕಾರಿಕ್ ಕಾಟಿತ್, ಅಂವೊ ನಾಳೆ ಪೌಲನ ನಿಂಗಡ ಪಕ್ಕ ಕಾಕಿಯಂಡ್ ಬಪ್ಪಕ್ ಕ್‍ೕಳಿ. ಅನ್ನನೆ ಅಯಿಂಗ ಅಂವೊನ ಕೋಟೆಯಿಂಜ ಕಾಕಿಯಂಡ್ ಬಪ್ಪಕ, ನಂಗ ಅಂವೊನ ಕೊಲೆ ಮಾಡ್‌ವಕ್ ತಯಾರಾಯಿತ್ ಇಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 23:20

ಅದ್ಂಗ್ ಅಂವೊ: ಯೆಹೂದ್ಯಂಗ ಪೌಲಂಡ ವಿಷಯತ್‍ನ ಇಂಞು ವಿವರವಾಯಿತ್ ವಿಚಾರಣೆ ಮಾಡ್‌ವಕ್ ಮನಸ್ಸುಳ್ಳಯಿಂಗಡನೆಕೆ, ನೀನ್ ಅಂವೊನ ನಾಳೆ ಆಲೋಚನೆ ಸಬೇಕ್ ಕಾಕಿಯಂಡ್ ಬಪ್ಪನೆಕೆ ಬೋಡ್‍ವಕ್ ಒತ್ತಂಡುಂಡ್.

ಅಪೊಸ್ತಲ 23:28

ಇದ್‍ಲ್ಲತೆ ಇಂವೊಂಡ ಮೇಲೆ ಎಣ್ಣ್‌ನ ಕುತ್ತತ್‍ನ ನಾನ್ ಅರಿವಕಾಯಿತ್ ಇಂವೊನ ಅಯಿಂಗಡ ಆಲೋಚನೆ ಸಬೇಕ್ ಕಾಕಿಯಂಡ್ ಪೋನ.

ಅಪೊಸ್ತಲ 23:6

ಪೌಲ ಅಲ್ಲಿ ಕೂಡಿ ಬಂದಿತ್ಂಜ ಯೆಹೂದ್ಯಂಗಡ ಆಲೋಚನೆ ಸಬೇನ ನೋಟ್‍ವಕ, ಅಲ್ಲಿ ಇಂಜಯಿಂಗ ಚೆನ್ನ ಜನ ಸದ್ದುಕಾಯಂಗಳು, ಇಂಞು ಚೆನ್ನ ಜನ ಫರಿಸಾಯಂಗಳು ಆಯಿತ್ ಉಳ್ಳದ್ ಗೊತ್ತಾಚಿ; ಅಕ್ಕ ಅಂವೊ, ಅಣ್ಣತಮ್ಮಣಂಗಳೇ, ನಾನ್ ಫರಿಸಾಯಂಗಡ ನಂಬಿಕೇಕ್ ಕೂಡ್‍ನಂವೊನು, ಫರಿಸಾಯಂಡ ಮೋಂವೊನು ಆಯಿತುಳ್ಳ. ಚತ್ತಯಿಂಗ ಎಲ್ಲಾರು ಜೀವವಾಯಿತ್ ಎದ್ದಿತ್ ಬಪ್ಪಾಂದ್ ಉಳ್ಳ ನಾಡ ನಿರಿಕ್ಷೇರ ಕಾರಣವಾಯಿತೇ ನನ್ನ ವಿಚಾರಣೆ ಮಾಡಿಯಂಡುಂಡ್‍ೕಂದ್ ಸಬೇಲ್ ಕೂತ್ ಕೊಡ್‍ತತ್.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ಅಪೊಸ್ತಲ 6:15

ಅಕ್ಕ ಆಲೋಚನೆ ಸಬೇಲ್ ಅಳ್‌ತಂಡ್ ಇಂಜಯಿಂಗ ಎಲ್ಲಾರು ಸ್ತೆಫನಂಡ ಮೂಡ್‌ನೇ ನೋಟಿಯಂಡಿಂಜತ್. ಎನ್ನಂಗೆಣ್ಣ್‌ಚೇಂಗಿ, ಅಂವೊಂಡ ಮೂಡ್ ದೇವದೂತಂಡ ಮೂಡ್‍ರನೆಕೆ ಇಪ್ಪದ್‍ನ ಕಂಡತ್.

1 ಕೊರಿಂಥ 4:4

ನಾಡ ಮನಸಾಕ್ಷಿ ಶುದ್ದವಾಯಿತ್ ಉಂಡ್, ಆಚೇಂಗಿ ನಾನ್ ಸರಿಯಾನಂವೋಂದ್ ಎಣ್ಣ್‌ವಕ್ ಅದ್ ಆದಾರ ಆಪುಲೆ. ಅದ್‍ನ ಒಡೆಯನೇ ತೀರ್ಪ್ ಮಾಡಂಡು.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ತಿಮೊಥೆಯ 1:3

ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.

ಇಬ್ರಿಯ 13:18

ನಂಗಕಾಯಿತ್ ಪ್ರಾರ್ಥನೆ ಮಾಡಿ; ನಂಗಕ್ ಶುದ್ದ ಮನಸಾಕ್ಷಿ ಉಂಡ್‍ೕಂದ್ ಗೊತ್ತುಂಡ್, ಪಿಂಞ ಎಲ್ಲಾ ವಿಷಯತ್‍ಲು ಯೋಗ್ಯವಾಯಿತ್ ನಡ್‍ಪಕ್ ನಂಗ ಕುಶೀಲ್ ಉಂಡ್.

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.