ಅಪೊಸ್ತಲ 22:28 - ಕೊಡವ ಬೈಬಲ್

²⁸ ಅದ್ಂಗ್ ಸೇನೆರ ಅದಿಕಾರಿ: ನಾನ್ ದುಂಬ ಪಣ ಕೊಡ್‌ತಿತ್ ಈ ಹಕ್ಕ್‌ನ ಎಡ್‍ತಂಡಿಯೇಂದ್ ಎಣ್ಣ್‌ಚಿ. ಅದ್ಂಗ್ ಪೌಲ: ಆಚೇಂಗಿ, ನಾನ್ ರೋಮ್ ರಾಜ್ಯತ್‍ರ ಪ್ರಜೆಯಾಯಿತೇ ಪುಟ್ಟ್‌ನಂವೋಂದ್ ಎಣ್ಣ್‌ಚಿ.

ಅಪೊಸ್ತಲ 22:28 ပူးပေါင်းရင်းမြစ်များ

ಅಪೊಸ್ತಲ 22:27

ಸೇನೆರ ಅದಿಕಾರಿ, ಪೌಲಂಡ ಪಕ್ಕ ಬಂದಿತ್: ನೀನ್ ರೋಮ್‌ ರಾಜ್ಯತ್‍ರ ಪ್ರಜೆಯಾ, ನಾಕ್ ಎಣ್ಣ್‍ೕಂದ್ ಕ್‍ೕಟತ್. ಅದ್ಂಗ್ ಅಂವೊ: ಅಕ್ಕು ನಾನ್ ರೋಮ್ ರಾಜ್ಯತ್‍ರ ಪ್ರಜೆಯೇಂದ್ ಎಣ್ಣ್‌ಚಿ.

ಅಪೊಸ್ತಲ 22:29

ಅಂವೊನ ವಿಚಾರಣೆ ಮಾಡ್‌ವಕ್ ಇಂಜಯಿಂಗ ಅಕ್ಕಣೆ ಅಂವೊನ ಬುಟ್ಟ್‌ರ್‌ತ್. ಪೌಲ ರೋಮ್ ರಾಜ್ಯತ್‍ರ ಪ್ರಜೇಂದ್ ಸೇನೆರ ಅದಿಕಾರಿಕ್ ಗೊತ್ತಾಯಿತ್ ಅಂವೊನ ಕೆಟ್ಟ್‌ನಾಂಗ್ ಅಂವೊಂಗ್ ಪೋಡಿಯಾಚಿ.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,