ಅಪೊಸ್ತಲ 22:27 - ಕೊಡವ ಬೈಬಲ್

²⁷ ಸೇನೆರ ಅದಿಕಾರಿ, ಪೌಲಂಡ ಪಕ್ಕ ಬಂದಿತ್: ನೀನ್ ರೋಮ್‌ ರಾಜ್ಯತ್‍ರ ಪ್ರಜೆಯಾ, ನಾಕ್ ಎಣ್ಣ್‍ೕಂದ್ ಕ್‍ೕಟತ್. ಅದ್ಂಗ್ ಅಂವೊ: ಅಕ್ಕು ನಾನ್ ರೋಮ್ ರಾಜ್ಯತ್‍ರ ಪ್ರಜೆಯೇಂದ್ ಎಣ್ಣ್‌ಚಿ.

ಅಪೊಸ್ತಲ 22:27 ပူးပေါင်းရင်းမြစ်များ

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಅಪೊಸ್ತಲ 22:25

ಅಯಿಂಗ ಪೌಲನ ನೇರಾಯಿತ್ ನಿಪ್ಪ್‌ಚಿಟ್ಟಿತ್ ಕೆಟ್ಟ್‌ವಕ, ಪೌಲ ಅಂವೊಂಡ ಪಕ್ಕತ್‍ಲ್ ನಿಂದಂಡಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿನ ನೋಟಿತ್: ರೋಮ್‌ ರಾಜ್ಯತ್‍ರ ಪ್ರಜೆಯಾನ ನನ್ನ ನ್ಯಾಯ ವಿಚಾರಣೆ ಮಾಡತೆ ಕೊರಡಿಂಜ ಪೊಯ್ಯುವದ್ ನ್ಯಾಯವಾಂದ್ ಕ್‍ೕಟತ್.

ಅಪೊಸ್ತಲ 22:26

ಈ ತಕ್ಕ್‌ನ ನೂರ್ ಸಿಪಾಯಿಯಂಗಡ ಅದಿಕಾರಿ ಕ್‍ೕಪಕ, ಸೇನೆರ ಅದಿಕಾರಿರ ಪಕ್ಕ ಪೋಯಿತ್: ನೀನ್ ಮಾಡಂಡೂಂದ್ ಆಜ್ಞೆ ಇಟ್ಟ ವಿಷಯತ್‍ಲ್ ಎಚ್ಚರವಾಯಿತಿರ್, ಈ ಮನುಷ್ಯ ರೋಮ್ ರಾಜ್ಯತ್‍ರ ಪ್ರಜೆಯಾಯಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 22:28

ಅದ್ಂಗ್ ಸೇನೆರ ಅದಿಕಾರಿ: ನಾನ್ ದುಂಬ ಪಣ ಕೊಡ್‌ತಿತ್ ಈ ಹಕ್ಕ್‌ನ ಎಡ್‍ತಂಡಿಯೇಂದ್ ಎಣ್ಣ್‌ಚಿ. ಅದ್ಂಗ್ ಪೌಲ: ಆಚೇಂಗಿ, ನಾನ್ ರೋಮ್ ರಾಜ್ಯತ್‍ರ ಪ್ರಜೆಯಾಯಿತೇ ಪುಟ್ಟ್‌ನಂವೋಂದ್ ಎಣ್ಣ್‌ಚಿ.