ಅಪೊಸ್ತಲ 22:25 - ಕೊಡವ ಬೈಬಲ್

²⁵ ಅಯಿಂಗ ಪೌಲನ ನೇರಾಯಿತ್ ನಿಪ್ಪ್‌ಚಿಟ್ಟಿತ್ ಕೆಟ್ಟ್‌ವಕ, ಪೌಲ ಅಂವೊಂಡ ಪಕ್ಕತ್‍ಲ್ ನಿಂದಂಡಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿನ ನೋಟಿತ್: ರೋಮ್‌ ರಾಜ್ಯತ್‍ರ ಪ್ರಜೆಯಾನ ನನ್ನ ನ್ಯಾಯ ವಿಚಾರಣೆ ಮಾಡತೆ ಕೊರಡಿಂಜ ಪೊಯ್ಯುವದ್ ನ್ಯಾಯವಾಂದ್ ಕ್‍ೕಟತ್.

ಅಪೊಸ್ತಲ 22:25 ပူးပေါင်းရင်းမြစ်များ

ಮತ್ತಾಯ 10:17

ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮತ್ತಾಯ 8:8

ಅದ್ಂಗ್ ಆ ನೂರ್ ಸಿಪಾಯಿಯರ ಅದಿಕಾರಿ: ಸ್ವಾಮೀ, ನೀನ್ ನಾಡ ಮನೆಕ್ ಬಪ್ಪಕ್ ನಾನ್ ಯೋಗ್ಯನಲ್ಲ. ನೀನ್ ಒರ್ ತಕ್ಕ್ ಮಾತ್ರ ಎಣ್ಣ್, ಅಕ್ಕ ನಾಡ ಆಳ್ ವಾಸಿಯಾಪ.

ಅಪೊಸ್ತಲ 10:1

ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 16:37

ಅದ್ಂಗ್ ಪೌಲ: ರೋಮ್ ರಾಜ್ಯತ್‍ರ ಪ್ರಜೆಯಳಾನ ನಂಗಳ, ಏದ್ ವಿಚಾರಣೆಯು ಮಾಡತೆ, ಎಲ್ಲಾಡ ಮಿಂಞತ್‍ಲ್ ಪೊಜ್ಜಿತ್, ಜೈಲ್‌ಕ್ ಇಟ್ಟತ್. ಇಕ್ಕ ಗುಟ್ಟಾಯಿತ್ ನಂಗಳ ಪೊರಮೆ ಅಯಿಪದಾ? ಅನ್ನನೆ ಆಪಕ್ಕಾಗ; ಅಯಿಂಗಳೇ ಬಂತ್ ನಂಗಳ ಪೊರಮೆ ಕಾಕಿಯಂಡ್ ಪೋಯಿತ್ ಅಯಿಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 22:26

ಈ ತಕ್ಕ್‌ನ ನೂರ್ ಸಿಪಾಯಿಯಂಗಡ ಅದಿಕಾರಿ ಕ್‍ೕಪಕ, ಸೇನೆರ ಅದಿಕಾರಿರ ಪಕ್ಕ ಪೋಯಿತ್: ನೀನ್ ಮಾಡಂಡೂಂದ್ ಆಜ್ಞೆ ಇಟ್ಟ ವಿಷಯತ್‍ಲ್ ಎಚ್ಚರವಾಯಿತಿರ್, ಈ ಮನುಷ್ಯ ರೋಮ್ ರಾಜ್ಯತ್‍ರ ಪ್ರಜೆಯಾಯಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:17

ಅಕ್ಕ ಪೌಲ, ಅಲ್ಲಿಯಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿ ಒಬ್ಬನ ಕಾಕಿತ್: ಈ ಬಾಲೆಕಾರನ ಸೇನೆರ ಅದಿಕಾರಿಯಡ ಪಕ್ಕ ಕಾಕಿಯಂಡ್ ಪೋ; ಅಂವೊಂಡ ಪಕ್ಕ ಎಣ್ಣ್‌ವಕ್ ಒರ್ ವಿಷಯ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:27

ಯೆಹೂದ್ಯಂಗ ಈ ಮನುಷ್ಯನ ಪುಡ್‌ಚಿತ್, ಕೊಲ್ಲ್‌ವಕ್ ಇಂಜ ಸಮಯತ್‍ಲ್, ನಾನ್ ಸಿಪಾಯಿಯಳ ಕಾಕಿಯಂಡ್ ಪೋಯಿತ್ ಅಂವೊ ರೋಮ್ ರಾಜ್ಯತ್‍ರ ಪ್ರಜೇಂದ್ ಅರಿಂಜಿತ್ ಅಂವೊನ ಬಚಾವ್ ಮಾಡ್‍ನ.

ಅಪೊಸ್ತಲ 25:16

ಅದ್ಂಗ್ ನಾನ್ ಅಯಿಂಗಕ್: ಒಬ್ಬಂಡ ಮೇಲೆ ಬೋರೆ ಒಬ್ಬ ಕುತ್ತ ಪರ್ಂದಿತ್, ನ್ಯಾಯಸಬೇಕ್ ಬಪ್ಪಕ, ದಾಡ ಮೇಲೆ ಕುತ್ತ ಪರ್ಂದಿತೋ ಅಂವೊಂಗ್ ತಾಂಡ ಮೇಲೆ ಎಣ್ಣ್‌ವ ಕುತ್ತಕ್ ಜವಾಬ್ ಕೊಡ್‍ಪಕ್ ಅವಕಾಶ ಕೊಡ್‍ಪಕ್ ಮಿಂಞ, ಅಂವೊನ ಮರಣ ದಂಡೆನೆಕ್ ಒಪ್ಪ್‌ಚಿಡ್‍ವದ್ ರೋಮ್ ರಾಜ್ಯತ್‍ರ ಪದ್ದತಿ ಅಲ್ಲಾಂದ್ ಎಣ್ಣ್‌ನ.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 27:3

ಪಿತ್ಯಾಂದ್ ನಂಗ ಸೀದೋನ್ ಎಣ್ಣುವ ಹಡಗ್ ನಿಪ್ಪಲ್ಲಿಕ್ ಎತ್ತಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಯೂಲ್ಯ ಪೌಲಂಗ್ ದಯೆ ಕಾಟಿತ್, ಪೌಲ ತಾಂಡ ಸ್ನೇಹಿತಂಗಡ ಪಕ್ಕ ಪೋಯಿತ್ ಅಂವೊಂಗ್ ಬೋಂಡಿಯಾನ ಸಹಾಯತ್‍ನ ಪಡೆಯುವನೆಕೆ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 27:43

ಆಚೇಂಗಿ ನೂರ್ ಸಿಪಾಯಿಯಂಗಡ ಅದಿಕಾರಿ, ಪೌಲನ ಕಾಪಾಡ್‌ವಕ್ ಮನಸ್ಸ್ ಬೆಚ್ಚಿತ್, ಅಯಿಂಗಡ ಆಲೋಚನೆನ ತಡ್‍ತತ್. ಅಂವೊ ಅಯಿಂಗಕ್: ಮೀಂದಿತ್ ಪೋಪಯಿಂಗ ನೀರ್‌ಕ್ ಪಾರಿತ್, ಮಿಂಞ ಕರೆಕ್ ಪೋಕಡೂಂದ್ ಎಣ್ಣ್‌ಚಿ.