ಅಪೊಸ್ತಲ 22:24 - ಕೊಡವ ಬೈಬಲ್

²⁴ ಅನ್ನನೆ ಅಯಿಂಗ ಮಾಡಿಯಂಡಿಪ್ಪಕ, ಎನ್ನಂಗ್ ಇನ್ನನೆ ಅಂವೊಂಗ್ ವಿರೋದವಾಯಿತ್ ಜನ ಕೂತ್ ಕೊಡ್‍ತಂಡುಂಡ್‍ೕಂದ್ ಗೊತ್ತಾಪಕಾಯಿತ್, ಅಂವೊನ ಕೋಟೆರ ಒಳ್‍ಕ್ ಕೊಂಡ್‌ಬಂತ್, ಕೊರಡ್‍ಲ್ ಪೊಜ್ಜಿತ್ ವಿಚಾರಣೆ ಮಾಡಂಡೂಂದ್ ಸೇನೆರ ಅದಿಪತಿ ಆಜ್ಞೆ ಕೊಡ್‍ತತ್.

ಅಪೊಸ್ತಲ 22:24 ပူးပေါင်းရင်းမြစ်များ

ಯೋಹಾನ 19:1

ಅಲ್ಲಿಂಜ ಪಿಲಾತ ಯೇಸುನ ಒಳ್‍ಕ್ ಕೊಂಡ್ ಪೋಯಿತ್ ಕೊರಡ್‍ಲ್ ಪೊಯ್ಯುವಕ್ ಎಣ್ಣ್‌ಚಿ.

ಅಪೊಸ್ತಲ 16:37

ಅದ್ಂಗ್ ಪೌಲ: ರೋಮ್ ರಾಜ್ಯತ್‍ರ ಪ್ರಜೆಯಳಾನ ನಂಗಳ, ಏದ್ ವಿಚಾರಣೆಯು ಮಾಡತೆ, ಎಲ್ಲಾಡ ಮಿಂಞತ್‍ಲ್ ಪೊಜ್ಜಿತ್, ಜೈಲ್‌ಕ್ ಇಟ್ಟತ್. ಇಕ್ಕ ಗುಟ್ಟಾಯಿತ್ ನಂಗಳ ಪೊರಮೆ ಅಯಿಪದಾ? ಅನ್ನನೆ ಆಪಕ್ಕಾಗ; ಅಯಿಂಗಳೇ ಬಂತ್ ನಂಗಳ ಪೊರಮೆ ಕಾಕಿಯಂಡ್ ಪೋಯಿತ್ ಅಯಿಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 21:34

ಅದ್ಂಗ್ ಚೆನ್ನ ಜನ ಒರ್ ವಿಷಯತ್‍ನ, ಇಂಞು ಚೆನ್ನ ಜನ ಬೋರೆ ಒರ್ ವಿಷಯತ್‍ನ ಬಲ್ಯ ಸ್ವರತ್‍ಲ್ ಎಣ್ಣಿಯಂಡ್ ಇಂಜತ್. ಜನ ಜೋರಾಯಿತ್ ಕೂತ್ ಕೊಡ್‍ತಂಡಿಂಜಗುಂಡ್ ಅಯಿಂಗ ಎಂತ ಎಣ್ಣಿಯಂಡುಂಡ್‍ೕಂದ್ ಆ ಅದಿಪತಿಕ್ ಗೊತ್ತ್‌ಮಾಡ್‍ವಕ್ ಕಯಿಂಜಿತ್‌ಲ್ಲೆ. ಆನಗುಂಡ್ ಅಂವೊನ, ಕೋಟೆರ ಒಳ್‍ಕ್ ಕಾಕಿಯಂಡ್ ಪೋಪಕ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 21:37

ಪೌಲನ ಕೋಟೆರ ಒಳ್‍ಕ್ ಕೊಂಡ್ ಪೋಪಕ್ ಮಿಂಞ, ಅಂವೊ ಸೇನೆರ ಅದಿಪತಿನ ನೋಟಿತ್: ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯ್ಯುವಾಂದ್ ಕ್‍ೕಟತ್. ಅದ್ಂಗ್ ಅಂವೊ: ಪೌಲನ ನೋಟಿತ್ ನೀಕ್ ಗ್ರೀಕ್ ತಕ್ಕ್ ಪರಿಯುವಕ್ ಗೊತ್ತುಂಡಾ?

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 23:27

ಯೆಹೂದ್ಯಂಗ ಈ ಮನುಷ್ಯನ ಪುಡ್‌ಚಿತ್, ಕೊಲ್ಲ್‌ವಕ್ ಇಂಜ ಸಮಯತ್‍ಲ್, ನಾನ್ ಸಿಪಾಯಿಯಳ ಕಾಕಿಯಂಡ್ ಪೋಯಿತ್ ಅಂವೊ ರೋಮ್ ರಾಜ್ಯತ್‍ರ ಪ್ರಜೇಂದ್ ಅರಿಂಜಿತ್ ಅಂವೊನ ಬಚಾವ್ ಮಾಡ್‍ನ.

ಅಪೊಸ್ತಲ 28:18

ಅಯಿಂಗ ನನ್ನ ವಿಚಾರಣೆ ಮಾಡಿತ್, ನಾಡ ಪಕ್ಕ ಮರಣ ದಂಡನೆಕ್ ಒರ್ ಕಾರಣವು ಇಲ್ಲತೆಗುಂಡ್, ನನ್ನ ಬುಡ್‌ತ್‌ವಕ್ ನೋಟ್‌ಚಿ.

ಇಬ್ರಿಯ 11:35

ಚತ್ತ್ ಪೋನಯಿಂಗಳ, ಪೊಣ್ಣಾಳುವ ಪುನಃ ಜೀವತ್‍ಲ್ ಪಡ್ಂದತ್; ಬೋರೆ ಚೆನ್ನ ಜನ ಬಲ್ಯ ವಿಶೇಷವಾಯಿತುಳ್ಳ ಜೀವತ್‍ನ ಪಡೆಯುವಕಾಯಿತ್ ಬುಡುಗಡೆ ಆಪಕ್ ಒತ್ತತೆ, ಹಿಂಸೆನೆ ಸಹಿಸಿಯಂಡತ್.