ಅಪೊಸ್ತಲ 22:21 - ಕೊಡವ ಬೈಬಲ್

²¹ ಅದ್ಂಗ್ ಅಂವೊ: ನೀನ್ ಪೋ, ನಾನ್ ನಿನ್ನ ದೂರ, ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 22:21 ပူးပေါင်းရင်းမြစ်များ

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

ರೋಮ್ 11:13

ಯೆಹೂದ್ಯಂಗಲ್ಲತ ನಿಂಗಡ ಕೂಡೆ ಇಕ್ಕ ನಾನ್ ತಕ್ಕ್ ಪರಿವಿ; ಯೆಹೂದ್ಯಂಗಲ್ಲತ ನಿಂಗಕಾಯಿತ್ ನಾನ್ ಅಪೊಸ್ತಲನಾಯಿತ್ ಉಳ್ಳಾಂಗ್, ನಾಡ ಸೇವೇನೆ ಬಲ್ಯದಾಯಿತ್ ಎಣ್ಣ್‌ವಿ.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 16:26

ಆಚೇಂಗಿ ಇಕ್ಕ ಪ್ರವಾದಿಯಂಗ ಒಳ್‍ದಿ ಬೆಚ್ಚಿತುಳ್ಳ ಮೂಲಕವು, ನಿತ್ಯವಾನ ದೇವ ಹುಕುಮ್ ಕೊಡ್‍ತನೆಕೆ, ಎಲ್ಲಾ ಯೆಹೂದ್ಯರಲ್ಲತಯಿಂಗಳು ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ, ಈ ಸುದ್ದಿ ಯೆಹೂದ್ಯ ಅಲ್ಲತ ಎಲ್ಲಾ ಜನತ್‍ರ ಗುಂಪ್‌ಕು ಗೊತ್ತ್ ಮಾಡ್‍ಚಿ.

ಎಫೆಸ 3:3

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗ ಅಲ್ಲತಯಿಂಗಕ್ ದೇವ ಬೆಚ್ಚಿತುಳ್ಳ ಗುಟ್ಟ್‌ನ ನಾನ್ ಗೊತ್ತಾಪನೆಕೆ ಕಾಂಬ್‍ಚಿಟ್ಟತ್. ಇದ್ಂಡ ವಿಷಯತ್‍ನ ನಾನ್ ಮಿಂಞಲೇ ಚೆನ್ನ ಒಳ್‍ದಿತುಂಡ್.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

2 ತಿಮೊಥೆಯ 1:11

ಈ ನಲ್ಲ ಸುದ್ದಿಕಾಯಿತ್ ದೇವ ನನ್ನ ಒರ್ ಪ್ರಸಂಗಿಯಾಯಿತ್, ಒರ್ ಅಪೊಸ್ತಲನಾಯಿತ್ ಪಿಂಞ ಬೋದಕನಾಯಿತ್ ನೇಮಿಚಿಟ್ಟಿತುಂಡ್.