ಅಪೊಸ್ತಲ 22:16 - ಕೊಡವ ಬೈಬಲ್

¹⁶ ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 22:16 ပူးပေါင်းရင်းမြစ်များ

ಯೋಹಾನ 13:8

ಅಕ್ಕ ಪೇತ್ರ: ನೀನ್ ನಾಡ ಕಾಲ್‌ನ ಕತ್ತ್‌ವಕ್ ನಾನ್ ಬುಡ್‍ಲೇಂದ್ ಎಣ್ಣ್‌ಚಿ. ಅಂವೊಂಗ್ ಯೇಸು: ನಾನ್ ನೀಡ ಕಾಲ್‌ನ ಕತ್ತತೆ ಪೋನಕ ನೀಕ್ ನಾಡಲ್ಲಿ ಬಾದ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 2:21

ಆಚೇಂಗಿ, ಒಡೆಯಂಡ ಪೆದತ್‍ನ ಕಾಕ್‌ವಯಿಂಗೆಲ್ಲ ಬಚಾವಾಪಾಂದ್ ದೇವ ಎಣ್ಣಿತುಂಡ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 7:59

ಅಯಿಂಗ ಸ್ತೆಫನಂಡ ಮೇಲೆ ಕಲ್ಲ್ ಕನ್‍ಚಂಡಿಪ್ಪಕ, ಅಂವೊ: ಒಡೆಯನಾನ ಯೇಸು ಕ್ರಿಸ್ತನೇ, ನಾಡ ಆತ್ಮತ್‌ನ ಸ್ವೀಕಾರ ಮಾಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 9:14

ಪಿಂಞ ಇಲ್ಲಿಯು ನೀಡ ಪೆದತ್‍ಲ್ ಆರಾದನೆ ಮಾಡ್‌ವಯಿಂಗಳ ಬಂದನೆ ಮಾಡ್‌ವ ಅದಿಕಾರತ್‍ನ ಮುಕ್ಯ ಯಾಜಕಯಿಂಜ ಪಡ್ಂದಿತುಂಡ್.

ಅಪೊಸ್ತಲ 9:18

ಅಕ್ಕಲೆ ಅಂವೊಂಡ ಕಣ್ಣಿಂಜ ಮೀನ್‌ರ ಚೊಳಿಕೆರನೆಕೆ ಎಂತದೊ ಒಂದ್ ಬುದ್ದತ್. ಅಕ್ಕಲೆ ಅಂವೊಂಗ್ ಕಣ್ಣ್ ತೊರಂದಿತ್, ಎದ್ದಿತ್, ದೀಕ್ಷಾಸ್ನಾನ ಎಡ್‍ತತ್.

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಗಲಾತ್ಯ 3:27

ಎನ್ನಂಗೆಣ್ಣ್‌ಚೇಂಗಿ, ದಾರೆಲ್ಲಾ ಕ್ರಿಸ್ತಂಡಲ್ಲಿ ದೀಕ್ಷಾಸ್ನಾನ ಎಡ್‍ತತೋ ಅಯಿಂಗೆಲ್ಲಾ, ಒಬ್ಬ ಪುದಿಯ ಬಟ್ಟೇನ ಇಡ್‍ವನೆಕೆ ಕ್ರಿಸ್ತನ ಇಟ್ಟಿತುಂಡ್.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:5

ನಂಗ ಮಾಡ್‍ನ ನೀತಿರ ಕೆಲಸತ್‍ರಗುಂಡ್ ನಂಗಳ ರಕ್ಷಣೆ ಮಾಡತೆ, ಅಂವೊಂಡ ಕರುಣೇರಗುಂಡ್ ನಂಗಳ ರಕ್ಷಣೆ ಮಾಡ್‍ಚಿ. ಅನ್ನನೆ ನಂಗಡ ಪಾಪತ್‍ನ ಕತ್ತಿತ್, ಪುನಃ ಪುದಿಯದಾಯಿತ್ ಪುಟ್ಟಿತುಳ್ಳನೆಕೆ ನಂಗಕ್ ಪುದಿಯ ಜೀವ ತಂದಿತ್, ನಂಗಡ ಮನಸ್ಸ್‌ನ ಪವಿತ್ರಾತ್ಮಂಡ ಮೂಲಕ ಬದ್‍ಲ್ ಮಾಡ್‍ಚಿ.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.