ಅಪೊಸ್ತಲ 21:8 - ಕೊಡವ ಬೈಬಲ್

⁸ ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ಅಪೊಸ್ತಲ 21:8 ပူးပေါင်းရင်းမြစ်များ

ಅಪೊಸ್ತಲ 10:1

ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 16:10

ಅಂವೊಂಗ್ ಆ ದರ್ಶನ ಕ್‍ಟ್ಟ್‌ನ ಪಿಂಞ, ದೇವ ಆ ಸೀಮೆಲ್ ಉಳ್ಳಯಿಂಗಕ್ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಂಗಳ ಕಾಕ್‍ಚೀಂದ್ ನಂಗಕ್ ಕಂಡಿತವಾಯಿತ್ ಗೊತ್ತಾನಗುಂಡ್, ನಂಗ ಮಕೆದೋನ್ಯಕ್ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 16:13

ಸಬ್ಬತ್ ದಿವಸತ್‍ಲ್, ಪಟ್ಟಣತ್‍ರ ಪೊರಮೆ ಪೋಯಿತ್, ಪೊಳೆರ ಕರೆಲ್, ಜನ ಎಕ್ಕಾಲು ಅಲ್ಲಿ ಪ್ರಾರ್ಥನೆ ಮಾಡ್‌ವಾಂದ್ ಗೇನ ಮಾಡಿತ್ ನಂಗ ಅಲ್ಲಿ ಅಳ್‌ತತ್. ಅಲ್ಲಿ ಕೂಡಿ ಬಂದಿತ್ಂಜ ಪೊಣ್ಣಾಳುವಕ್ ನಂಗ ಉಪದೇಶ ಮಾಡ್‍ಚಿ.

ಅಪೊಸ್ತಲ 16:16

ಒರ್ ಕುರಿ, ನಂಗ ಪ್ರಾರ್ಥನೆ ಮಾಡ್‌ವ ಆ ಜಾಗಕ್ ಪೋಯಂಡಿಪ್ಪಕ, ಕೂಳಿ ಪುಡ್‍ಚಿತ್ಂಜ ಒರ್ ಆಳ್ ಮೂಡಿ ನಂಗಡ ಮಿಂಞತ್ ಬಾತ್. ಅವ ಮಿಂಞಕ್ ಆಪಕುಳ್ಳ ವಿಷಯತ್‍ನ ಎಣ್ಣ್‌ವಗುಂಡ್, ಅದ್ಂಡ ಮೂಲಕ, ಅವಡ ಎಜಮಾನಂಗ್ ದುಂಬ ಆದಾಯ ಮಾಡಿ ಕೊಡ್‍ತಂಡಿಂಜತ್.

ಅಪೊಸ್ತಲ 18:22

ಅನ್ನನೆ, ಕೈಸರೈಯ ಪಟ್ಟಣಕ್ ಬಾತ್. ಅಲ್ಲಿಂಜ ಯೆರೂಸಲೇಮ್‌ಕ್ ಪೋಯಿತ್ ಸಬೆರ ಜನಕ್ ವಂದನೆ ಮಾಡಿತ್ ಅಂತಿಯೋಕ್ಯಕ್ ವಾಪಸ್ ಬಾತ್.

ಅಪೊಸ್ತಲ 20:13

ಪೌಲ ಅಸ್ಸೊಸಿ ಪಟ್ಟಣಕತ್ತನೆ ನಡ್ಂದಂಡ್ ಪೊಪಕಿಂಜಗುಂಡ್, ನಂಗಳ ಅಂವೊಕಿಂಜ ಮಿಂಞಲೇ ಅಲ್ಲಿಕ್ ಪೋಪಕ್ ಅಪ್ಪಣೆ ಕೊಡ್‍ತತ್. ನಂಗ ಅಲ್ಲಿಂಜ ಪೌಲನ ಹಡಗ್‍ಲ್ ಪತ್ತ್‌ಚಿಟ್ಟಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡ್‌ವಕಿಂಜತ್.

ಅಪೊಸ್ತಲ 20:6

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆ ಆನ ಪಿಂಞ ನಂಗ ಫಿಲಿಪ್ಪಿ ಪಟ್ಟಣತ್ಂಜ ಪೊರಟಿತ್ ಹಡಗ್ ಪತ್ತಿತ್, ಅಂಜ್ ದಿನ ಆನ ಪಿಂಞ ತ್ರೋವ ಪಟ್ಟಣಕ್ ಬಂತ್ ಎತ್ತಿಯೆ. ಅಲ್ಲಿ ನಂಗ ಅಯಿಂಗಡ ಕೂಡೆ ಏಳ್ ದಿವಸ ಒಳಿಂಜಿತ್.

ಅಪೊಸ್ತಲ 21:16

ಕೈಸರೈತ್ಂಜ ಚೆನ್ನ ಯೇಸುನ ನಂಬ್‍ನಯಿಂಗ ನಂಗಡ ಕೂಡೆ ಬಾತ್. ಅಯಿಂಗ ಮ್ನಾಸೋನ ಎಣ್ಣ್‌ವಂವೊಂಡ ಮನೆಲ್ ನಂಗ ಇಪ್ಪಕ್ ಜಾಗ ಇಂಜಗುಂಡ್ ಅಲ್ಲಿಕ್ ಕಾಕಿಯಂಡ್ ಬಾತ್. ಇಂವೊ ಕುಪ್ರ ದೇಶತ್ಂಜ ಬಂದಂವೊನು, ಯೇಸುರ ಮೇಲೆ ಮಿಂಞಲೇ ನಂಬಿಕೆ ಇಟ್ಟಂವೊನು ಆಯಿತ್ಂಜತ್.

ಅಪೊಸ್ತಲ 23:23

ಅಲ್ಲಿಂಜ ಅಂವೊ ನೂರ್ ಸಿಪಾಯಿಯಡ ಅದಿಕಾರಿಯಂಗಯಿಂಜ ದಂಡ್ ಅದಿಕಾರಿಯಂಗಳ ಕಾಕುವಂಜಿ, ಬಯಿಟ್ ಒಯಿಂಬದ್ ಗಂಟೆಕ್, ಕೈಸರೈಯ ಪಟ್ಟಣಕತ್ತನೆ ಪೋಪಕಾಯಿತ್ ಇರ್‌ನೂರ್ ಸಿಪಾಯಿಯಂಗಳ, ಎಳ್‌ವದ್ ಕುದ್‌ರೆ ಸಿಪಾಯಿಯಂಗಳ ಪಿಂಞ ಇರ್‌ನೂರ್ ಈಟಿ ಸಿಪಾಯಿಯಂಗಳ ತಯಾರ್ ಮಾಡೀಂದ್ ಎಣ್ಣಿತ್,

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:11

ಮೂಂದ್ ತಿಂಗ ಆನ ಪಿಂಞ, ಆ ದ್ವೀಪತ್‍ಲ್ ಕುಳ್‌ರ್ ಕಾಲಕಾಯಿತ್ ಅಲ್ಲೇ ನಿಂದಂಡಿಂಜ ಹಡಗ್‍ಲ್ ಪತ್ತಿತ್ ನಂಗ ಪೊರಟತ್. ಆ ಹಡಗ್ ಅಲೆಕ್ಸಾಂದ್ರಿಯತ್ಂಜ ಬಂದಿತ್ಂಜತ್. ಒಮ್ಮಕೆ ಜೊತೇಲ್ ಇಪ್ಪ ಎಣೆ ದೇವಡ ಮೂರ್ತಿರ ಗುರ್‌ತ್ ಅದ್ಂಡ ಮಂಡೆಲ್ ಇಂಜತ್.

ಅಪೊಸ್ತಲ 28:16

ನಂಗ ರೋಮ್ ಪಟ್ಟಣಕ್ ಎತ್ತ್‌ವಕ, ಪೌಲ, ಅಂವೊನ ಕಾತಂಡಿಂಜ ಸಿಪಾಯಿರ ಕೂಡೆ ಬೋರೆಯಾಯಿತ್ ಇಪ್ಪಕ್ ಅನುಮತಿ ಕ್‍ಟ್ಟ್‌ಚಿ.

ಅಪೊಸ್ತಲ 6:5

ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 9:30

ಅಂವೊಂಡ ಕೂಡೆ ಇಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಇದ್ ಗೊತ್ತಾಪಕ ಅಯಿಂಗ ಅಂವೊನ ಕೈಸರೈಕ್ ಕಾಕಿಯಂಡ್ ಪೋಯಿತ್ ಅಲ್ಲಿಂಜ ಅಂವೊನ ಅಂವೊಂಡ ಸ್ವಂತ ಊರಾನ ತಾರ್ಸಕ್ ಅಯಿಚತ್.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

2 ತಿಮೊಥೆಯ 4:5

ಆಚೇಂಗಿ ನೀನ್ ಎಲ್ಲಾ ವಿಷಯತ್‍ಲು ಮನಸ್ಸ್ ತೆಳ್ಂಗ್‍ನಂವೊನಾಯಿತ್ ಇರ್, ಕಷ್ಟ ಅನುಬವಿಚಿಡ್‍ವಕ್ ಕುಶಿ ಪಡ್, ನಲ್ಲ ಸುದ್ದಿರ ಬೋದನೆಕಾರಂಡ ಕರ್ತವ್ಯತ್‍ನ ಮಾಡ್, ದೇವ ನೀಕ್ ತಂದ ಸೇವೇನ ಪೂರ್ತಿಮಾಡ್.