ಅಪೊಸ್ತಲ 21:6 - ಕೊಡವ ಬೈಬಲ್

⁶ ಅಯಿಂಗಕೆಲ್ಲ ನಂಗ ವಂದನೆ ಎಣ್ಣಿತ್ ಹಡಗ್‍ಲ್ ಪತ್ತ್‌ನ ಪಿಂಞ ಅಯಿಂಗೆಲ್ಲಾರು ಅಯಿಂಗಡ ಮನೆಕ್ ಪೋಚಿ.

ಅಪೊಸ್ತಲ 21:6 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:20

ಎದ್ದಿತ್ ಅಂವೊಂಡ ಅಪ್ಪಂಡ ಪಕ್ಕ ಪೋಚಿ. ಅಂವೊಂಡ ಅಪ್ಪ ತಾಂಡ ಮೋಂವೊ ದೂರತ್‍ಲ್ ಬಪ್ಪದ್‍ನ ಕಾಂಬಂಜಿ ಅಂವೊಂಗ್ ಕನಿಕರ ಆಚಿ. ಅಪ್ಪ ಮೋಂವೊಂಡ ಪಕ್ಕ ಓಡಿ ಪೋಯಿತ್, ಅಂವೊನ ತಬ್ಬಿಯಂಡ್ ಮುತ್ತ್ ಕೊಡ್‍ತತ್.

ಯೋಹಾನ 1:11

ಅಂವೊ ತಾಂಡ ಸ್ವಂತ ಜನತ್‍ರ ಪಕ್ಕ ಬಾತ್, ಆಚೇಂಗಿ ಅಂವೊಂಡ ಸ್ವಂತ ಜನ ಅಂವೊನ ಸ್ವೀಕಾರ ಮಾಡಿತ್‌ಲ್ಲೆ.

ಯೋಹಾನ 16:32

ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

ಯೋಹಾನ 19:27

ಪಿಂಞ ಅಂವೊ ಆ ಶಿಷ್ಯಂಗ್: ನೋಟ್, ಇವ ನೀಡ ಅವ್ವಾಂದ್ ಎಣ್ಣ್‌ಚಿ. ಆ ಗಳಿಗೆಯಿಂಜ ಅಂವೊ ಅವಳ ಕಾಕಿಯಂಡ್ ಪೋಯಿತ್ ತಾಂಡ ಮನೆಕ್ ಕೂಟಿಯಂಡತ್.

ಯೋಹಾನ 7:53

ಪಿಂಞ ಎಲ್ಲಾರು ಅಯಿಂಗಯಿಂಗಡ ಮನೆಕ್ ಪೋಚಿ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.