ಅಪೊಸ್ತಲ 21:40 - ಕೊಡವ ಬೈಬಲ್

⁴⁰ ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 21:40 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:38

ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್, ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಯೋಹಾನ 19:13

ಪಿಲಾತ ಇದ್‍ನ ಕ್‍ೕಟದು, ಅಂವೊ ಯೇಸುನ ಪೊರಮೆ ಕಾಕಿಯಂಡ್ ಪೋಯಿತ್, ಅಂವೊ ನ್ಯಾಯತೀರ್ಪ್ ಕೊಡ್‍ಪಕ್ ಅಳ್‌ಪ, ಗಬ್ಬಥಾ ಎಣ್ಣಿಯಂಡ್ ಅರಾಮಿಯ ತಕ್ಕ್‌ಲ್ ಕಾಕುವ ಕಲ್ಲ್ ಇಟ್ಟಿತುಳ್ಳ ವೇದಿಕೆರ ಮೇಲೆ ಅಳ್‌ತತ್.

ಯೋಹಾನ 19:17

ಯೇಸು ಅಂವೊಂಡ ಶಿಲುಬೇನ ಪೊರ್‍ತಂಡ್ ಗೊಲ್ಗೊಥಾ ಎಣ್ಣುವ ಜಾಗಕ್ ಪೋಚಿ. ಗೊಲ್ಗೊಥಾ ಎಣ್ಣ್‌ಚೇಂಗಿ ಮಂಡೆರ ಓಡ್‍ೕಂದ್ ಅರಾಮಿಯ ತಕ್ಕ್‌ಲ್ ಅರ್ಥ ಆಪ.

ಯೋಹಾನ 19:20

ಯೇಸುನ ಶಿಲುಬೇಕ್ ಇಟ್ಟ ಜಾಗ ಪಟ್ಟಣತ್‍ರ ಪಕ್ಕ ಇಂಜಗುಂಡ್ ದುಂಬ ಯೆಹೂದ್ಯಂಗ ಈ ಜ್ಞಾಪನೇಲ್ ಒಳ್‌ದ್‌ನಾನ ಓದ್‌ಚಿ; ಇದ್‍ನ ಅರಾಮಿಯ, ಗ್ರೀಕ್ ಪಿಂಞ ಲ್ಯಾಟಿನ್ ತಕ್ಕ್‌ಲ್ ಒಳ್‍ದಿತ್ಂಜತ್.

ಯೋಹಾನ 5:2

ಪಟ್ಟಣತ್‍ರ ಒಳ್‍ಲ್, ಕೊರಿಯಡ ಪಡಿ ಎಣ್ಣುವ ಒರ್ ಪಡಿ ಉಂಡ್. ಅದ್ಂಡ ಪಕ್ಕತ್‍ಲ್ ಅರಾಮಿಯ ತಕ್ಕ್‌ಲ್ ಬೇತ್ಸಥಾಂದ್ ಕಾಕ್‌ವಕಿಂಜ ಒರ್ ಗುಂಡಿ ಇಂಜತ್. ಅದ್ಂಡ ಸುತ್ತ್‌ಲ್ ಅಂಜ್ ಅಟ್ಟ ಇಂಜತ್.

ಅಪೊಸ್ತಲ 1:19

ಇದ್ ಯೆರೂಸಲೇಮ್‍ಲ್ ಉಳ್ಳ ಜನಕೆಲ್ಲ ಗೊತ್ತಾಚಿ; ಆನಗುಂಡ್, ಆ ಜಾಗತ್‍ನ ಅಯಿಂಗಡ ತಕ್ಕ್‌ಲ್ ಅಕೆಲ್ದಮಾ ಎಣ್ಣಿಯಂಡ್ ಕಾಕ್‍ವಕಾಚಿ. ಅದ್ಂಡ ಅರ್ಥ ಎಂತ ಎಣ್ಣ್‌ಚೇಂಗಿ, ಚೋರೆರ ನೆಲ.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 13:16

ಅಕ್ಕ ಪೌಲ: ಎದ್ದಿತ್ ಅಯಿಂಗಕ್ ಕೈ ಸನ್ನೆ ಮಾಡಿತ್, ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ. ಇಸ್ರಾಯೇಲ್ ಜನಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಕ್‍ೕಳಿ.

ಅಪೊಸ್ತಲ 19:33

ಚೆನ್ನ ಯೆಹೂದ್ಯಂಗ ಅಲೆಕ್ಸಾಂದ್ರ ಎಣ್ಣುವ ಒಬ್ಬನ ವೇದಿಕೆಕ್ ತಳ್ಳ್‌ಚಿ. ಅಕ್ಕ ಅಲೆಕ್ಸಾಂದ್ರ ಜನಳ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡಿತ್, ಜನಕ್ ಉತ್ತರ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 21:35

ಪೌಲ ಕೊಡಿಕ್ ಬಪ್ಪಕ, ಜನ ದುಂಬ ನೂಕಿಯಂಡಿಂಜಗುಂಡ್, ಸಿಪಾಯಿಯಂಗ ಅಂವೊನ ಪೊರ್‍ತಂಡ್ ಪೋಪನೆಕೆ ಆಚಿ.

ಅಪೊಸ್ತಲ 22:2

ಅಂವೊ ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿವಾನ ಕ್‍ೕಟಿತ್ ಅಯಿಂಗ ಗಲಾಟೆ ಮಾಡತೆ ಇಂಞು ಶಾಂತಿಲ್ ಇಂಜತ್. ಅಕ್ಕ ಅಂವೊ:

ಅಪೊಸ್ತಲ 26:14

ನಂಗೆಲ್ಲಾರು ನೆಲಕ್ ಬೂವಕ: ಸೌಲ, ಸೌಲ, ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯ? ಮುಳ್ಳ್ ಕೋಲ್‍ಕ್ ಎದ್‍ರಾಯಿತ್ ಚೌಟ್‌ವದ್ ನೀಕೇ ಕಷ್ಟಾಂದ್ ಅರಾಮಿಯ ಬಾಷೆಲ್ ನಾಡ ಕೂಡೆ ತಕ್ಕ್ ಪರಿವ ಒರ್‌ ವಾಣಿ ನಾಕ್ ಕ್‍ೕಟತ್.

ಅಪೊಸ್ತಲ 6:1

ಇನ್ನನೆ ಆಯಂಡಿಂಜ ಕಾಲತ್‍ಲ್, ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಬಲ್ಯದಾಯಂಡಿಪ್ಪಕ, ಅಯಿಂಗಡ ಕೂಟ್‌ಲ್ ಗ್ರೀಕ್ ತಕ್ಕ್ ಪರಿಯುವಯಿಂಗ, ಇಬ್ರಿಯ ತಕ್ಕ್ ಪರಿಯುವಯಿಂಗಕ್ ವಿರೋದವಾಯಿತ್ ಗುಣುಗುಟ್ಟಿಯಂಡ್ ಇಂಜತ್. ಗ್ರೀಕ್ ತಕ್ಕ್ ಪರಿಯುವ ಜನ, ಅಯಿಂಗಡ ವಿದವೆಯಂಗಕ್ ದಿನದಿನಕ್ ಬೋಂಡಿಯಾನ ಆಹಾರತ್‍ರ ವಿಷಯತ್‍ಲ್ ಸರಿಯಾಯಿತ್ ನೋಟಿಯಂಡಿಲ್ಲೇಂದ್ ಎಣ್ಣ್‌ಚಿ.

ಪ್ರಕಟನೆ 16:16

ಆ ಕೂಳಿಯ, ರಾಜಂಗಳ ಎಲ್ಲಾ ಕೂಟಿಯಂಡ್, ಇಬ್ರಿಯ ತಕ್ಕ್‌ಲ್ ಹರ್ಮಗೆದೋನ್ ಎಣ್ಣುವ ಜಾಗಕ್ ಕಾಕಿಯಂಡ್ ಪೋಚಿ.

ಪ್ರಕಟನೆ 9:11

ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್.