ಅಪೊಸ್ತಲ 21:39 - ಕೊಡವ ಬೈಬಲ್

³⁹ ಅದ್ಂಗ್ ಪೌಲ, ನಾನ್ ಒರ್ ಯೆಹೂದ್ಯ ಮನುಷ್ಯ, ಕಿಲಿಕ್ಯ ಪ್ರಾಂತ್ಯತ್‍ರ ಮುಕ್ಯಪಟ್ಟ ಪಟ್ಟಣವಾನ ತಾರ್ಸ ಪಟ್ಟಣತ್‍ರ ಪ್ರಜೆ. ಈ ಜನಡ ಕೂಡೆ ಚೆನ್ನ ತಕ್ಕ್ ಪರಿಯುವಕ್ ನಾಕ್ ಅಪ್ಪಣೆ ತರಂಡೂಂದ್ ಕ್‍ೕಟತ್.

ಅಪೊಸ್ತಲ 21:39 ပူးပေါင်းရင်းမြစ်များ

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:41

ಅಕ್ಕ ಅಯಿಂಗ ಅಲ್ಲಿಂಜ ಪೊರಟಿತ್ ಸಿರಿಯ ಕಿಲಿಕ್ಯ ಸೀಮೆಲ್ ಪ್ರಯಾಣ ಮಾಡಿತ್, ಅಲ್ಲಿ ಇಂಜ ಸಬೇನೆಲ್ಲ ದೃಡಪಡ್‍ತ್‍ಚಿ.

ಅಪೊಸ್ತಲ 16:37

ಅದ್ಂಗ್ ಪೌಲ: ರೋಮ್ ರಾಜ್ಯತ್‍ರ ಪ್ರಜೆಯಳಾನ ನಂಗಳ, ಏದ್ ವಿಚಾರಣೆಯು ಮಾಡತೆ, ಎಲ್ಲಾಡ ಮಿಂಞತ್‍ಲ್ ಪೊಜ್ಜಿತ್, ಜೈಲ್‌ಕ್ ಇಟ್ಟತ್. ಇಕ್ಕ ಗುಟ್ಟಾಯಿತ್ ನಂಗಳ ಪೊರಮೆ ಅಯಿಪದಾ? ಅನ್ನನೆ ಆಪಕ್ಕಾಗ; ಅಯಿಂಗಳೇ ಬಂತ್ ನಂಗಳ ಪೊರಮೆ ಕಾಕಿಯಂಡ್ ಪೋಯಿತ್ ಅಯಿಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 21:37

ಪೌಲನ ಕೋಟೆರ ಒಳ್‍ಕ್ ಕೊಂಡ್ ಪೋಪಕ್ ಮಿಂಞ, ಅಂವೊ ಸೇನೆರ ಅದಿಪತಿನ ನೋಟಿತ್: ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯ್ಯುವಾಂದ್ ಕ್‍ೕಟತ್. ಅದ್ಂಗ್ ಅಂವೊ: ಪೌಲನ ನೋಟಿತ್ ನೀಕ್ ಗ್ರೀಕ್ ತಕ್ಕ್ ಪರಿಯುವಕ್ ಗೊತ್ತುಂಡಾ?

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

ಅಪೊಸ್ತಲ 23:27

ಯೆಹೂದ್ಯಂಗ ಈ ಮನುಷ್ಯನ ಪುಡ್‌ಚಿತ್, ಕೊಲ್ಲ್‌ವಕ್ ಇಂಜ ಸಮಯತ್‍ಲ್, ನಾನ್ ಸಿಪಾಯಿಯಳ ಕಾಕಿಯಂಡ್ ಪೋಯಿತ್ ಅಂವೊ ರೋಮ್ ರಾಜ್ಯತ್‍ರ ಪ್ರಜೇಂದ್ ಅರಿಂಜಿತ್ ಅಂವೊನ ಬಚಾವ್ ಮಾಡ್‍ನ.

ಅಪೊಸ್ತಲ 23:34

ದೇಶಾದಿಪತಿ ಆ ಕಾಗದತ್‍ನ ಓದಿತ್: ಪೌಲ ಏದ್ ಪ್ರಾಂತ್ಯಕ್ ಕೂಡ್‍ನಂವೋಂದ್ ಕ್‍ೕಪಕ, ಅಂವೊ ಕಿಲಿಕ್ಯ ಪ್ರಾಂತ್ಯಕ್ ಕೂಡ್‍ನಂವೋಂದ್ ಗೊತ್ತಾಚಿ.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ಅಪೊಸ್ತಲ 9:11

ಒಡೆಯ ಅಂವೊಂಗ್: ನೀನ್ ಎದ್ದಿತ್ ನೇರೆಬೀದಿ ಎಣ್ಣುವ ಬೀದಿಕ್ ಪೋಯಿತ್, ಯೂದಂಡ ಮನೆಲ್ ತಾರ್ಸ ಪಟ್ಟಣತ್‍ರ ಸೌಲ ಎಣ್ಣ್‌ವಂವೊನ ತ್‍ೕಡ್. ಅಂವೊ ಇಕ್ಕ ಪ್ರಾರ್ಥನೆ ಮಾಡಿಯಂಡುಂಡ್.

ಅಪೊಸ್ತಲ 9:30

ಅಂವೊಂಡ ಕೂಡೆ ಇಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಇದ್ ಗೊತ್ತಾಪಕ ಅಯಿಂಗ ಅಂವೊನ ಕೈಸರೈಕ್ ಕಾಕಿಯಂಡ್ ಪೋಯಿತ್ ಅಲ್ಲಿಂಜ ಅಂವೊನ ಅಂವೊಂಡ ಸ್ವಂತ ಊರಾನ ತಾರ್ಸಕ್ ಅಯಿಚತ್.

1 ಪೇತ್ರ 3:15

ಆಚೇಂಗಿ, ಕ್ರಿಸ್ತಂಗ್ ನಿಂಗಡ ಹೃದಯತ್‍ಲ್ ಮರ್ಯಾದೆ ಕೊಡ್‍ಕಂಡು, ಅಂವೊನ ಒಡೆಯನಾಯಿತ್ ಗನಪಡ್‌ತಂಡು. ನಿಂಗಡ ನಿರಿಕ್ಷೇರ ವಿಷಯತ್ ದಾರಾಚೇಂಗಿ ಪ್ರಶ್ನೆ ಇಟ್ಟತೇಂಗಿ, ಅಯಿಂಗ ಎಲ್ಲಾರ್‌ಕು ಉತ್ತರ ಕೊಡ್‍ಪನೆಕೆ, ತಾಯಾರಾಯಿತ್ ಇರಿ. ಆಚೇಂಗಿ ಅದ್‍ನ ಮರ್ಯಾದೆಲ್ ಶಾಂತತ್‍ಲ್ ಮಾಡಂಡು.