ಅಪೊಸ್ತಲ 21:34 - ಕೊಡವ ಬೈಬಲ್

³⁴ ಅದ್ಂಗ್ ಚೆನ್ನ ಜನ ಒರ್ ವಿಷಯತ್‍ನ, ಇಂಞು ಚೆನ್ನ ಜನ ಬೋರೆ ಒರ್ ವಿಷಯತ್‍ನ ಬಲ್ಯ ಸ್ವರತ್‍ಲ್ ಎಣ್ಣಿಯಂಡ್ ಇಂಜತ್. ಜನ ಜೋರಾಯಿತ್ ಕೂತ್ ಕೊಡ್‍ತಂಡಿಂಜಗುಂಡ್ ಅಯಿಂಗ ಎಂತ ಎಣ್ಣಿಯಂಡುಂಡ್‍ೕಂದ್ ಆ ಅದಿಪತಿಕ್ ಗೊತ್ತ್‌ಮಾಡ್‍ವಕ್ ಕಯಿಂಜಿತ್‌ಲ್ಲೆ. ಆನಗುಂಡ್ ಅಂವೊನ, ಕೋಟೆರ ಒಳ್‍ಕ್ ಕಾಕಿಯಂಡ್ ಪೋಪಕ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 21:34 ပူးပေါင်းရင်းမြစ်များ

ಅಪೊಸ್ತಲ 19:32

ಅಲ್ಲಿ ಬಲ್ಯ ಕಲಹ ಆಚಿ. ಚೆನ್ನ ಜನ ಇನ್ನನೇಂದ್ ಇಂಞು ಚೆನ್ನ ಜನ ಅನ್ನನೇಂದ್ ಕೂತ್ ಕೊಡ್‍ತಂಡಿಂಜತ್. ದುಂಬ ಜನಕ್ ಅಯಿಂಗ ಕೂಡಿ ಬಂದ ಕಾರಣ ಗೊತ್ತಿಲ್ಲತೆ ಇಂಜತ್.

ಅಪೊಸ್ತಲ 21:37

ಪೌಲನ ಕೋಟೆರ ಒಳ್‍ಕ್ ಕೊಂಡ್ ಪೋಪಕ್ ಮಿಂಞ, ಅಂವೊ ಸೇನೆರ ಅದಿಪತಿನ ನೋಟಿತ್: ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯ್ಯುವಾಂದ್ ಕ್‍ೕಟತ್. ಅದ್ಂಗ್ ಅಂವೊ: ಪೌಲನ ನೋಟಿತ್ ನೀಕ್ ಗ್ರೀಕ್ ತಕ್ಕ್ ಪರಿಯುವಕ್ ಗೊತ್ತುಂಡಾ?

ಅಪೊಸ್ತಲ 22:24

ಅನ್ನನೆ ಅಯಿಂಗ ಮಾಡಿಯಂಡಿಪ್ಪಕ, ಎನ್ನಂಗ್ ಇನ್ನನೆ ಅಂವೊಂಗ್ ವಿರೋದವಾಯಿತ್ ಜನ ಕೂತ್ ಕೊಡ್‍ತಂಡುಂಡ್‍ೕಂದ್ ಗೊತ್ತಾಪಕಾಯಿತ್, ಅಂವೊನ ಕೋಟೆರ ಒಳ್‍ಕ್ ಕೊಂಡ್‌ಬಂತ್, ಕೊರಡ್‍ಲ್ ಪೊಜ್ಜಿತ್ ವಿಚಾರಣೆ ಮಾಡಂಡೂಂದ್ ಸೇನೆರ ಅದಿಪತಿ ಆಜ್ಞೆ ಕೊಡ್‍ತತ್.

ಅಪೊಸ್ತಲ 22:30

ಪೌಲಂಡ ಮೇಲೆ ಯೆಹೂದ್ಯಂಗ ಎಂತ ಕುತ್ತ ಪರ್ಂದಂಡ್ ಉಂಡ್‍ೕಂದ್ ಚಾಯಿತೆ ಗೊತ್ತಾಪಕಾಯಿತ್, ಪಿತ್ಯಾಂದ್ ಪೌಲಂಡ ಸರ್ಪಣಿನ ಉತ್ತಿತ್ ಮುಕ್ಯ ಯಾಜಕಂಗಳ ಪಿಂಞ ಯೆಹೂದ್ಯಂಗಡ ಆಲೋಚನೆ ಸಬೇನ ಕೂಡಿ ಬಪ್ಪಕ್ ಅಪ್ಪಣೆ ಕೊಡ್‌ತಿತ್ಂಜತ್. ಪಿಂಞ ಪೌಲನ ಕಾಕಿಯಂಡ್ ಪೋಯಿತ್ ಅಯಿಂಗಡ ಮಿಂಞ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 23:16

ಆಚೇಂಗಿ, ಇನ್ನನೆ ಅಯಿಂಗ ಒಳಸಂಚ್ ತಕ್ಕ್ ಪರಿಯುವಾನ ಪೌಲಂಡ ಅಕ್ಕಂಡ ಮೋಂವೊ ಕ್‍ೕಟಿತ್, ಪೌಲ ಇಂಜ ಕೋಟೆರ ಒಳ್‍ಕ್ ಪೋಯಿತ್ ಪೌಲಂಗ್ ಎಣ್ಣ್‌ಚಿ.

ಅಪೊಸ್ತಲ 23:32

ಪಿತ್ಯಾಂದ್ ಅಯಿಂಗಡ ಕುದ್‌ರೆ ಸಿಪಾಯಿಯಂಗಳ ಪೌಲಂಡ ಕೂಡೆ ಪೋಪನೆಕೆ ಬುಟ್ಟಿತ್, ಬೋರೆ ಸಿಪಾಯಿಯಂಗ ಕೋಟೆಕ್ ಬಾತ್.

ಅಪೊಸ್ತಲ 25:26

ಆಚೇಂಗಿ, ಇಂವೊಂಡ ವಿಷಯತ್‍ಲ್ ಚಕ್ರವರ್ತಿರ ಗೌರವಕ್ ಯೋಗ್ಯವಾಯಿತ್ ಒಳ್‍ದ್‍ವಕ್ ದೃಡವಾಯಿತ್ ಒಂದು ಇಲ್ಲೆ. ಆನಗುಂಡ್, ಚಕ್ರವರ್ತಿಕ್ ದೃಡವಾಯಿತ್ ಎಂತಾಂಚು ಒಳ್‍ದ್‌ವಕಾಯಿತ್, ಇಂವೊನ ನಿಂಗಡ ಮಿಂಞ ಮುಕ್ಯವಾಯಿತ್ ಅಗ್ರಿಪ್ಪ ರಾಜನೇ ನೀಡ ಮಿಂಞಕ್ ವಿಚಾರಣೆಕ್ ಕೊಂಡ್ ಬಂದಿಯೆ.