ಅಪೊಸ್ತಲ 21:31 - ಕೊಡವ ಬೈಬಲ್

³¹ ಅಯಿಂಗ ಅಂವೊನ ಕೊಲ್ಲ್‌ವಕ್ ಪ್ರಯತ್ನಪಡ್‍ವಕ, ಯೆರೂಸಲೇಮ್‍ಲ್ ಬಲ್ಯ ಗಲಿಬಿಲಿ ಆಯಂಡುಂಡ್‍ೕಂದ್ ರೋಮ್ ರಾಜ್ಯತ್‍ರ ಸೇನೆರ ಅದಿಪತಿಕ್ ಸುದ್ದಿ ಬಾತ್.

ಅಪೊಸ್ತಲ 21:31 ပူးပေါင်းရင်းမြစ်များ

ಮತ್ತಾಯ 26:5

ಆಚೇಂಗಿಯು ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ನಮ್ಮೆರ ದಿವಸತ್‍ಲ್ ಮಾಡ್‍ಚೇಂಗಿ, ಜನ ನಂಗಡ ಮೇಲೆ ದಂಗೆ ಏವಾಂದ್ ಅಯಿಂಗ ತೀರ್ಮಾನ ಎಡ್‍ತತ್.

ಮತ್ತಾಯ 27:27

ಅಕ್ಕ ಅದಿಪತಿರ ಸಿಪಾಯಿಯಂಗ ಯೇಸುನ ಅಂವೊಂಡ ಅರಮನೆಕ್ ಕಾಕಿಯಂಡ್ ಪೋಯಿತ್, ಬೋರೆ ಎಲ್ಲಾ ಸಿಪಾಯಿಯಳ ಅಂವೊಂಡ ಪಕ್ಕ ಕೂಟ್‌ಚಿ.

ಮಾರ್ಕ 14:2

ನಂಗ ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಅನ್ನನೆ ಮಾಡ್‍ಚೇಂಗಿ ಜನ ಅಯಿಂಗಯಿಂಗಳೇ ಜಗಳ ಮಾಡ್‌ವಾಂದ್ ಎಣ್ಣಿಯಂಡಿಂಜತ್.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಅಪೊಸ್ತಲ 10:1

ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 19:40

ಇಂದ್ ಉಂಟಾನ ಕಲಹತ್‍ರ ವಿಷಯಕ್ ನ್ಯಾಯವಾನ ಕಾರಣವಿಲ್ಲತಗುಂಡ್, ನ್ಯಾಯ ವಿಚಾರಣೆ ಬಪ್ಪಕ, ನಂಗಡ ಮೇಲೆ ಬಪ್ಪಕುಳ್ಳ ಕುತ್ತಕ್ ಉತ್ತರ ಕೊಡ್‍ಪಕ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 21:38

ಚೆನ್ನ ದಿವಸತ್‍ರ ಮಿಂಞ ಸರ್ಕಾರಕ್ ವಿರೋದವಾಯಿತ್ ಗಲಾಟೆ ಮಾಡಿತ್ ಮುಕ್ಯಪಟ್ಟಯಿಂಗಳ ಕೊಲ್ಲ್‌ವಂತ ನಾಲಾಯಿರ ಉಗ್ರವಾದಿಯಳ ಮಣಬೂಮಿಕ್ ಕಾಕಿಯಂಡ್ ಪೋನ ಐಗುಪ್ತ ದೇಶತ್‍ರ ಮನುಷ್ಯ ನೀನ್ ತಾನೇಂದ್ ಕ್‍ೕಟತ್.

ಅಪೊಸ್ತಲ 22:22

ಈ ತಕ್ಕ್‌ಕತ್ತನೆ ಜನ ಕ್‍ೕಟಂಡಿಂಜತ್. ಬಯ್ಯ: ಇಂಥಂವೊನ ಬೂಮಿಯಿಂಜ ಎಡ್‍ತ್‍ರಿ; ಇಂವೊಂಗ್ ಬದ್‍ಕ್‍ವಕ್ ಯೋಗ್ಯತೆ ಇಲ್ಲೇಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 23:17

ಅಕ್ಕ ಪೌಲ, ಅಲ್ಲಿಯಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿ ಒಬ್ಬನ ಕಾಕಿತ್: ಈ ಬಾಲೆಕಾರನ ಸೇನೆರ ಅದಿಕಾರಿಯಡ ಪಕ್ಕ ಕಾಕಿಯಂಡ್ ಪೋ; ಅಂವೊಂಡ ಪಕ್ಕ ಎಣ್ಣ್‌ವಕ್ ಒರ್ ವಿಷಯ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 24:22

ಫೇಲಿಕ್ಸ ಕ್ರಿಸ್ತಂಡ ಮಾರ್ಗತ್‍ನ ಚಾಯಿತೆ ಅರಿಂಜಂವೊನಾನಗುಂಡ್, ಇದ್‍ನೆಲ್ಲ ಕ್‍ೕಪಕ, ಅಂವೊ ಅಯಿಂಗಳ ನೋಟಿತ್: ಸೇನೆರ ಅದಿಕಾರಿಯಾನ ಲೂಸ್ಯ ಬಪ್ಪಕ, ಈ ಕಾರ್ಯತ್‍ನ ತೀರ್ಮಾನ ಮಾಡ್‌ವೀಂದ್ ಎಣ್ಣಿತ್ ವಿಚಾರಣೆನ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 24:6

ಇಂವೊ ಯೆರೂಸಲೇಮ್‍ರ ದೇವಾಲಯತ್‍ನ ಅಶುದ್ದ ಮಾಡ್‌ವಕ್ ಪ್ರಯತ್ನಪಟ್ಟತ್; ಆನಗುಂಡ್ ನಂಗ ಇಂವೊನ ಪುಡ್‌ಚಿತ್, ನ್ಯಾಯಪ್ರಮಾಣತ್‍ರನೆಕೆ ವಿಚಾರಣೆ ಮಾಡ್‌ವಕ್ ಇಂಜತ್.

ಅಪೊಸ್ತಲ 24:7

ಆಚೇಂಗಿ ಸೇನೆರ ಅದಿಕಾರಿಯಾನ ಲೂಸ್ಯನು ಬಂದಿತ್, ಒತ್ತಾಯ ಮಾಡಿತ್ ಅಂವೊನ ನಂಗಡಿಂಜ ಬಲ್‍ಚಂಡ್ ಪೋಯಿರ್‌ತ್.

ಅಪೊಸ್ತಲ 25:23

ಪಿತ್ಯಾಂದ್ ಅಗ್ರಿಪ್ಪ ರಾಜನು ಬೆರ್ನಿಕೆ ರಾಣಿಯು ರಾಜ್ಯತ್‍ರ ಬಲ್ಯ ಆಡಂಬರತ್‌ಲ್, ಸೇನೆರ ಅದಿಪತಿಯಂಗ ಪಿಂಞ ಪಟ್ಟಣತ್‍ರ ಮುಕ್ಯಪಟ್ಟಯಿಂಗಡ ಕೂಡೆ ವಿಚಾರಣೆ ಸ್ತಳಕ್ ಬಾತ್. ಅಕ್ಕ ಫೆಸ್ತ ಹುಕುಮ್ ಕೊಡ್‌ಪಕ, ಪೌಲನ ಅಲ್ಲಿಕ್ ಕಾಕಿಯಂಡ್ ಬಾತ್.

ಅಪೊಸ್ತಲ 26:21

ಈ ಕಾರಣಕಾಯಿತ್ ಯೆಹೂದ್ಯಂಗ ದೇವಾಲಯತ್‍ಲ್ ನನ್ನ ಪುಡ್‌ಚಿತ್ ಕೊಲ್ಲ್‌ವಕ್ ಪ್ರಯತ್ನಪಟ್ಟತ್.