ಅಪೊಸ್ತಲ 21:27 - ಕೊಡವ ಬೈಬಲ್

²⁷ ಅನ್ನನೆ ಶುದ್ದ ಮಾಡ್‌ವ ಏಳ್ ದಿವಸ ನೆರವೇರುವಕ್ ಪಕ್ಕ ಆಪಕ, ಆಸ್ಯ ಸೀಮೆಯಿಂಜ ಬಂದಿತ್ಂಜ ಯೆಹೂದ್ಯಂಗ ಪೌಲನ ದೇವಾಲಯತ್‍ಲ್ ಕಂಡತ್. ಅಯಿಂಗ ಬಲ್ಯ ಗಲಾಟೆ ಮಾಡಿತ್ ಗುಂಪು ಕೂಟಿತ್ ಅಂವೊನ ಪುಡ್‌ಚಿರ್‌ತ್.

ಅಪೊಸ್ತಲ 21:27 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:12

ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 14:5

ಯೆಹೂದ್ಯರಲ್ಲತ ಬೋರೆ ಜನಳು, ಯೆಹೂದ್ಯಂಗಳು ತಂಗಡ ಅದಿಕಾರಿಯಂಗಡ ಕೂಡೆ ಕೂಡಿತ್ ಅಪೊಸ್ತಲಂಗಳ ಅವಮಾನಪಡುತಿತ್, ಕೊಲ್ಲಂಡೂಂದ್ ಕಲ್ಲ್ ಕನಿಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 17:13

ಪೌಲ ಬೆರೋಯತ್‍ಲ್ ದೇವಡ ವಾಕ್ಯತ್‍ನ ಎಣ್ಣಿಯಂಡುಂಡ್‍ೕಂದ್ ಥೆಸಲೊನೀಕತ್‍ರ ಯೆಹೂದ್ಯಂಗಕ್ ಗೊತ್ತಾಪಕ, ಅಯಿಂಗ ಅಲ್ಲಿಯು ಬಂತ್ ಜನಳ ಕೂಟಿತ್, ಕಲಹ ಮಾಡ್‍ಚಿ.

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ಅಪೊಸ್ತಲ 20:19

ನಾನ್ ದುಂಬ ತಾಳ್ಮೆಲ್, ದುಂಬ ಕನಿಕರತ್‌ಲ್ ಒಡೆಯಂಗಾಯಿತ್ ಸೇವೆ ಮಾಡಿಯೆ. ಇದ್‍ಲ್ಲತೆ ಯೆಹೂದ್ಯಂಗಡ ಮೂಲಕ ನಾಕ್ ಬಂದ ಎಲ್ಲಾ ಮೋಸವಾನ ಯೋಚನೆರ ಬಲ್ಯ ಸೋದನೆ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 24:11

ನಾನ್ ಆರಾದನೆ ಮಾಡ್‌ವಕಾಯಿತ್, ಯೆರೂಸಲೇಮ್‌ಕ್ ಪೋಯಿತ್ ಪನ್ನೆರಂಡ್ ದಿವಸ ಮಾತ್ರ ಆಚೀಂದ್ ನಿಂಗಕ್ ಬೆರಿಯ ಗೊತ್ತಾಪ.

ಅಪೊಸ್ತಲ 24:18

ದೇವಾಲಯತ್‍ಲ್ ಜನಡ ಗುಂಪ್ ಪಿಂಞ ಗಲಾಟೆರ ಗುಂಪ್ ಏದು ನಾಡ ಕೂಡೆ ಇಲ್ಲತಿಪ್ಪಕ, ನಾನ್ ದೇವಾಲಯತ್‍ಲ್ ಶುದ್ದ ಮಾಡ್‌ವ ಆಚಾರತ್‍ನ ಪೂರ್ತಿ ಮಾಡಿಯಂಡಿಂಜ, ಅಕ್ಕ ಆಸ್ಯ ದೇಶತ್ಂಜ ಬಂದ ಚೆನ್ನ ಯೆಹೂದ್ಯಂಗ ನನ್ನ ಕಂಡತ್.

ಅಪೊಸ್ತಲ 26:21

ಈ ಕಾರಣಕಾಯಿತ್ ಯೆಹೂದ್ಯಂಗ ದೇವಾಲಯತ್‍ಲ್ ನನ್ನ ಪುಡ್‌ಚಿತ್ ಕೊಲ್ಲ್‌ವಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 4:3

ಅಯಿಂಗ ಪೇತ್ರ ಪಿಂಞ ಯೋಹಾನನ ಪುಡ್‌ಚಿತ್, ಬಯಿಟಾಯಿತ್ಂಜಗುಂಡ್ ಅಯಿಂಗಳ ಪಿತ್ಯಾಂದ್ ಪೊಲಾಕಕತ್ತನೆ ಜೈಲ್‌ಕ್ ಇಟ್ಟತ್.

ಅಪೊಸ್ತಲ 5:18

ಅಯಿಂಗ ಅಪೊಸ್ತಲಂಗಳ ಪುಡ್‌ಚಿತ್ ಪಟ್ಟಣತ್‍ರ ಸೆರೆಮನೆಕ್ ಇಟ್ಟತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

2 ಕೊರಿಂಥ 11:26

ದುಂಬ ಕುರಿ ಪ್ರಯಾಣ ಮಾಡಿಯೆ, ಪೊಳೇರಗುಂಡ್ ಬಂದ ಅಪಾಯತ್‍ಲ್, ಕಳ್ಳಂಗಡಗುಂಡ್ ಬಂದ ಅಪಾಯತ್‍ಲ್, ನಾಡ ಸ್ವಂತ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಬೋರೆ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಪಟ್ಟಣತ್‍ಲ್ ಬಂದ ಅಪಾಯತ್‍ಲ್, ಮಣಬೂಮಿಲ್ ಬಂದ ಅಪಾಯತ್‍ಲ್, ಸಮುದ್ರತ್‍ಲ್ ಬಂದ ಅಪಾಯತ್‍ಲ್, ಕಳ್ಳಂಗಳಾನ ಅಣ್ಣತಮ್ಮಣಂಗಡಗುಂಡ್ ಬಂದ ಅಪಾಯತ್‍ರಗುಂಡ್,

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.