ಅಪೊಸ್ತಲ 21:20 - ಕೊಡವ ಬೈಬಲ್

²⁰ ಇದ್‍ನೆಲ್ಲ ಅಯಿಂಗ ಕ್‍ೕಪಕ, ಅಯಿಂಗ ದೇವನ ತುದಿಚತ್. ಅಕ್ಕ ಅಯಿಂಗ ಅಂವೊನ ನೋಟಿತ್: ಪ್ರೀತಿರ ಪೌಲನೇ, ಯೆಹೂದ್ಯಂಗಡಡೆ‍ಲ್ ಯೇಸುನ ನಂಬ್‍ನಯಿಂಗ ಎಚ್ಚಕ್ ಆಯಿರ ಜನ ಉಂಡ್‍ೕಂದ್ ನೀನ್ ನೋಟಿಯಂಡುಳ್ಳಿಯಲ್ಲ. ಅಯಿಂಗೆಲ್ಲಾರು ನ್ಯಾಯಪ್ರಮಾಣಕ್ ತಗ್ಗಿತ್ ನಡ್ಂದಂಡ್, ಅಚ್ಚಕ್ ವೈರಾಗ್ಯತ್‍ಲ್ ಉಂಡ್.

ಅಪೊಸ್ತಲ 21:20 ပူးပေါင်းရင်းမြစ်များ

ಮತ್ತಾಯ 9:8

ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಯೋಹಾನ 12:24

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಒರ್ ಗೋದಿರ ಕಾಳ್ ನೆಲಕ್ ಬುದ್ದಿತ್ ಚಾವತೆ ಪೋಚೇಂಗಿ ಅದ್ ಒರ್ ಕಾಳಾ‍ಯಿತ್ ಮಾತ್ರ ಇಪ್ಪ, ಆಚೇಂಗಿ ಅದ್ ಚತ್ತತೇಂಗಿ, ದುಂಬ ಫಲತ್‍ನ ತಪ್ಪ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 4:4

ಆಚೇಂಗಿ, ಪೇತ್ರ ಪಿಂಞ ಯೋಹಾನಂಡ ವಾಕ್ಯತ್‍ನ ಕ್‍ೕಟ ದುಂಬ ಜನ ಅದ್‍ನ ನಂಬ್‍ಚಿ. ಆಣಾಳ್‍ವ ಮಾತ್ರ ಸುಮಾರ್ ಅಂಜಾಯಿರಚ್ಚಕ್ ಇಲ್ಲಿಕತ್ತನೆ ಆಚಿ.

ಅಪೊಸ್ತಲ 6:7

ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಗಲಾತ್ಯ 1:24

ನಾಕಾಯಿತ್ ಅಯಿಂಗ ದೇವನ ತುದಿಚತ್.

2 ಥೆಸಲೊನೀಕ 1:10

ಅನ್ನನೆ ಅಂವೊ ಬಪ್ಪಕ, ಅಂವೊನ ನಂಬ್‍ನ ಪವಿತ್ರವಾನಯಿಂಗಡಲ್ಲಿ ಮಹಿಮೆ ಪಟ್ಟಿತ್, ಅಂವೊನ ನಂಬ್‍ನಯಿಂಗಡಗುಂಡ್ ಬಲ್ಯ ಗನತ್‍ನ ಪಡೆಯುವ. ಅಕ್ಕ, ನಿಂಗಳು ಅಯಿಂಗಡ ಕೂಡೆ ಇಪ್ಪಿರ, ಎನ್ನಂಗೆಣ್ಣ್‌ಚೇಂಗಿ, ನಂಗ ಎಣ್ಣ್‌ನ ಸಾಕ್ಷಿನ ನಿಂಗ ನಂಬಿತುಳ್ಳಿರ.