ಅಪೊಸ್ತಲ 21:19 - ಕೊಡವ ಬೈಬಲ್

¹⁹ ಪೌಲ ಅಯಿಂಗಕೆಲ್ಲ ವಂದನೆ ಎಣ್ಣಿತ್, ತಾಂಡ ಸೇವೇನಗುಂಡ್ ದೇವ ಯೆಹೂದ್ಯಂಗಲ್ಲತ ಬೋರೆ ಜನಡ ಮದ್ಯತ್‍ಲ್ ಮಾಡ್‍ನ ಕಾರ್ಯತ್‍ನ ಒಂದೊಂದಾಯಿತ್ ವಿವರಿಚಿಟ್ಟತ್.

ಅಪೊಸ್ತಲ 21:19 ပူးပေါင်းရင်းမြစ်များ

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಅಪೊಸ್ತಲ 1:17

ಯೂದ ನಂಗಡ ಕೂಟ್‌ಲ್ ಒಬ್ಬನಾಯಿತ್ಂಜತ್. ದೇವಡ ಸೇವೇಲ್ ಪಾಲ್‍ದಾರನಾಯಿತ್ಂಜತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

2 ಕೊರಿಂಥ 12:12

ಅಪೊಸ್ತಲಂಗಕುಳ್ಳ ಗುರ್‍ತ್‍ನ ಎಲ್ಲಾ ವಿದವಾನ ಪೊರುಮೆಯಿಂಜ ಆಶ್ಚರ್ಯತ್ಂಜ, ಅದ್ಬುತತ್‌ಂಜ, ಶಕ್ತಿರ ಕೈಯಿಂಜ ನಿಂಗಡ ಮದ್ಯತ್‍ಲ್ ನಡ್ಂದತಲ್ಲಾ?

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಕೊಲೊಸ್ಸೆ 1:29

ಅದ್ಂಗಾಯಿತೇ, ನಾನ್ ನಾಡ ಒಳ್‍ಲ್ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡುಳ್ಳ ಅಂವೊಂಡ ಶಕ್ತಿಯಿಂಜ ಕ್ರಿಯೆ ಮಾಡಿತ್, ದುಂಬ ಪ್ರಯತ್ನ ಪಟ್ಟಂಡುಳ್ಳ.