ಅಪೊಸ್ತಲ 21:13 - ಕೊಡವ ಬೈಬಲ್

¹³ ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 21:13 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:6

ಅಕ್ಕಣೆಕ್ ಹಡ್‌ಗ್‌ರ ನಾಯಕ ಅಂವೊಂಡ ಪಕ್ಕ ಬಂತ್: ನೀನ್‌ ಎನ್ನಂಗ್‌ ಇನ್ನನೆ ಒರ್ವೊ? ಎದ್ದಿತ್‌ ನೀಡ ದೇವಕ್‌ ಮೊರೆ ಇಡ್. ನಂಗ ನಾಶ ಆಯಿಪೋಕತೆ ನೀಡ ದೇವ ಒಮ್ಮಕೆ ನಂಗಳ ರಕ್ಷಣೆ ಮಾಡುವೊ ಎಂತೋಂದ್‌ ಎಣ್ಣ್‌ಚಿ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 20:37

ಅಕ್ಕ ಅಯಿಂಗೆಲ್ಲಾರು ಮೊರಟಿತ್, ಅಂವೊನ ತಬ್ಬಿಯಂಡ್ ಮುತ್ತ್ ಕೊಡ್‍ತತ್

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ಅಪೊಸ್ತಲ 9:16

ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

1 ಕೊರಿಂಥ 15:31

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಕ್ಕ ಬೋಂಡ್‍ಚೇಂಗಿಯು ಚಾವನೆಕೆ ಉಂಡ್; ಒಡೆಯನಾನ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‌ರಗುಂಡ್, ಇದ್‍ಲ್ ನಾನ್ ಹೆಮ್ಮೆ ಪಡ್‌ವಿ, ಇದ್ಂಗಾಯಿತ್ ನಾನ್ ಇನ್ನನೆ ಎಣ್ಣ್‌ವಿ.

ಫಿಲಿಪ್ಪಿ 2:17

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ನಂಬಿಕೇರ ಆರಾದನೆನ ನಿಂಗ ದೇವಕ್ ಅರ್ಪಿಚಿಡುವಕಾಯಿತ್, ನಾಡ ಜೀವತ್‍ನ ನೀರ್‌ರನೆಕೆ ದೇವಕ್ ಬೂಕಿತ್ ಕಳಂದತೇಂಗಿಯು ಅದ್‍ಲ್ ನಾನ್ ಕುಶಿ ಪಡುವಿ. ಅನ್ನನೆ ನಡ್ಂದತೇಂಗಿ ಆ ಕುಶೀನ ನಿಂಗೆಲ್ಲಾರು ಪಾಲ್ ಮಾಡಂಡೂಂದ್ ನಾನ್ ಎಣ್ಣ್‌ವಿ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

2 ತಿಮೊಥೆಯ 1:4

ನೀನ್ ಕಣ್ಣೀರ್ ಇಟ್ಟದ್ ನಾಕ್ ಇಂಞು ಗೇನ ಉಳ್ಳಗುಂಡ್, ನಿನ್ನ ಕಾಂಗಂಡೂಂದ್ ನಾನ್ ದುಂಬ ಆಸೇಲ್ ಉಳ್ಳ. ಅನ್ನನೆ, ನಿನ್ನ ಕಂಡತೇಂಗಿ ನಾಕ್ ದುಂಬ ಕುಶಿ ಆಪ.

2 ತಿಮೊಥೆಯ 4:6

ಎನ್ನಂಗೆಣ್ಣ್‌ಚೇಂಗಿ, ನಾಡ ಬದ್‍ಕ್‍ನ ದೇವಕ್ ಬಲಿ ಕೊಡ್‍ಪಕ್ ನಾನ್ ತಯಾರಾಯಿತುಳ್ಳ. ನಾನ್ ಈ ಲೋಕತ್‍ನ ಬುಟ್ಟಿತ್ ಪೋಪಕುಳ್ಳ ಸಮಯ ಪಕ್ಕ ಬಾತ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.