ಅಪೊಸ್ತಲ 21:1 - ಕೊಡವ ಬೈಬಲ್

¹ ನಂಗ ಅಯಿಂಗಳ ಬುಟ್ಟಿತ್ ಹಡಗ್ ಪತ್ತ್‌ನ ಪಿಂಞ, ನೇರೆ ಕೋಸ್ ದ್ವೀಪಕ್ ಕೂಡ್‍ಚಿ. ಪಿತ್ಯಾಂದ್ ರೋದ ದ್ವೀಪಕ್ ಪೋಯಿತ್ ಅಲ್ಲಿಂಜ ಪತರ ಎಣ್ಣ್‌ವ ಪಟ್ಟಣಕ್ ಬಾತ್.

ಅಪೊಸ್ತಲ 21:1 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:4

ಜನಕ್ ಬೋದನೆ ಮಾಡ್‍ನ ಪಿಂಞ ಚೆನ್ನ ಆಳವಾಯಿತುಳ್ಳ ಜಾಗಕ್ ದೋಣಿನ ಉಂದಿತ್ ಬಲೆನ ಬೀಚ್‍ೕಂದ್ ಸೀಮೋನಂಗ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:22

ಒರ್ ದಿವಸ ಯೇಸು ತಾಂಡ ಶಿಷ್ಯಂಗಡ ಕೂಡೆ ದೋಣಿಕ್ ಪತ್ತಿತ್: ನಂಗ ಕೆರೆರ ಆಬರಿಕ್ ಪೋಕನಾಂದ್ ಎಣ್ಣ್‌ಚಿ. ಅನ್ನನೆ ಅಯಿಂಗಳು ಪೊರಟತ್.

ಅಪೊಸ್ತಲ 27:2

ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.

ಅಪೊಸ್ತಲ 27:4

ನಂಗ ಅಲ್ಲಿಂಜ ಪೊರಟಿತ್, ಎದಿಕೆ ಗಾಳಿ ಬೀಜಿಯಂಡಿಂಜಗುಂಡ್ ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕುಪ್ರ ದ್ವೀಪತ್‍ರ ಆಬರಿಲ್ ಪ್ರಯಾಣ ಮಾಡ್‍ಚಿ.

1 ಥೆಸಲೊನೀಕ 2:17

ಪ್ರೀತಿರ ಅಣ್ಣತಮ್ಮಣಂಗಳೇ, ನಿಂಗಳ ಬುಟ್ಟಿತ್ ಚೆನ್ನ ಸಮಯ ದೂರ ಪೋಪನೆಕೆ ಆಯಿಪೋಚೇಂಗಿಯು, ನಂಗಡ ಮನಸ್ಸ್‌ಂಜ ನಿಂಗ ದೂರ ಪೋಯಿತ್‌ಲ್ಲೆ. ನಿಂಗಳ ಪುನಃ ಕಾಂಗಂಡೂಂದ್ ದುಂಬ ಆಸೇಲ್ ಎಚ್ಚಕೋ ಪೇಚಾಡಿಯತ್.