ಅಪೊಸ್ತಲ 20:9 - ಕೊಡವ ಬೈಬಲ್

⁹ ಪೌಲ ದುಂಬ ನೇರ ತಕ್ಕ್ ಪರ್ಂದಂಡೇ ಇಪ್ಪಕ, ಯೂತಿಕ ಎಣ್ಣ್‌ವ ಒರ್ ಬಾಲೆಕಾರ ಕಿಡ್‍ಕೆಲ್ ಅಳ್‍ತಂಡಿಂಜತ್, ಅಂವೊಂಗ್ ವರ್‌ಕ್ ದುಂಬ ಬಂದಗುಂಡ್, ವರ್‌ಕ್ ತೂಂಗಿಯಂಡ್, ಅಂವೊ ಮೂಂದನೆ ಮಾಡಿಯಿಂಜ ಅಡಿಕ್ ಬುದ್ದತ್; ಅಂವೊನ ಎಡ್‍ತಿತ್ ನೋಟ್‍ವಕ ಅಂವೊ ಚತ್ತ್ ಪೋಯಿತ್ಂಜತ್.

ಅಪೊಸ್ತಲ 20:9 ပူးပေါင်းရင်းမြစ်များ

ಮಾರ್ಕ 13:36

ನಿಂಗ ಗೇನ ಮಾಡತ ಸಮಯತ್‍ಲ್ ಅಂವೊ ಬಂತ್, ನಿಂಗ ವರಿಯಂಡಿಪ್ಪದ್‍ನ ಕಾಂಗತನೆಕೆ ಎಚ್ಚರವಾಯಿತಿರಿ.

ಮಾರ್ಕ 9:26

ಆ ಕೂಳಿಯು ಜೋರ್‌ಲ್ ಕೂತ್ ಕೊಡ್‌ತಂಡ್ ಆ ಕ್‌ಣ್ಣನ ನೆಲಕ್ ತಳ್ಳ್‌ವಂಜಿ ಚತ್ತನೆಕೆ ಮಾಡ್‌ವಂಜಿ ಪೊರಮೆ ಬಾತ್. ಎಲ್ಲಾರು ಈ ಕ್‍ಣ್ಣ ಚತ್ತ್ ಪೋಚೀಂದ್ ಎಣ್ಣಿಯಂಡಿಂಜತ್.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 20:10

ಆಚೇಂಗಿ, ಪೌಲ ಇಳಿಂಜಿ ಪೋಯಿತ್ ಅಂವೊಂಡ ಮೇಲೆ ಬುದ್ದಿತ್, ಅಂವೊನ ತಬ್ಬಿಯಂಡ್: ಬೇಜಾರ್ ಮಾಡತಿ, ಅಂವೊಂಡ ಜೀವ ಅಂವೊಂಡ ಒಳ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

ಅಪೊಸ್ತಲ 20:8

ನಂಗ ಕೂಡಿ ಬಂದಿತ್ಂಜ ಕೊಡಿರ ಕೋಂಬರೆಲ್ ದುಂಬ ಬೊಳ್‍ಚ ಇಂಜತ್.