ಅಪೊಸ್ತಲ 20:4 - ಕೊಡವ ಬೈಬಲ್

⁴ ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ಅಪೊಸ್ತಲ 20:4 ပူးပေါင်းရင်းမြစ်များ

ಅಪೊಸ್ತಲ 14:20

ಪಿಂಞ, ಯೇಸುನ ನಂಬ್‍ನಯಿಂಗ ಅಂವೊಂಡ ಸುತ್ತ್‌ಲ್ ನಿಂದಂಡಿಪ್ಪಕ ಅಂವೊ, ಎದ್ದಿತ್ ಊರ್‌ರ ಒಳ್‍ಕ್ ಪೋಚಿ. ಪಿತ್ಯಾಂದ್ ಬಾರ್ನಬಂಡ ಕೂಡೆ ದೆರ್ಬೆಕ್ ಪೊರಟತ್.

ಅಪೊಸ್ತಲ 14:6

ಅಪೊಸ್ತಲಂಗ ಇದ್‍ನ ಅರಿಂಜಂಡ್ ಲುಕವೋನ್ಯ ಸೀಮೆರ ಲುಸ್ತ್ರ ಪಿಂಞ ದೆರ್ಬೆ ಪಟ್ಟಣತ್‍ರ ಪಕ್ಕ ಓಡಿ ಪೋಯಿತ್,

ಅಪೊಸ್ತಲ 16:1

ಅಲ್ಲಿಂಜ ಪೌಲ ದೆರ್ಬೆ ಪಿಂಞ ಲುಸ್ತ್ರ ಎಣ್ಣ್‌ವ ಜಾಗಕ್ ಬಾತ್. ಅಲ್ಲಿ ತಿಮೊಥೆಯ ಎಣ್ಣುವ ಯೇಸುನ ನಂಬ್‍ನ ಒಬ್ಬ ಇಂಜತ್; ಅಂವೊಂಡ ಅವ್ವ ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಒರ್ ಯೆಹೂದ್ಯ ಪೊಣ್ಣಾಳಾಯಿತ್ಂಜತ್, ಆಚೇಂಗಿ ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೊನಾಯಿತ್ಂಜತ್.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 17:13

ಪೌಲ ಬೆರೋಯತ್‍ಲ್ ದೇವಡ ವಾಕ್ಯತ್‍ನ ಎಣ್ಣಿಯಂಡುಂಡ್‍ೕಂದ್ ಥೆಸಲೊನೀಕತ್‍ರ ಯೆಹೂದ್ಯಂಗಕ್ ಗೊತ್ತಾಪಕ, ಅಯಿಂಗ ಅಲ್ಲಿಯು ಬಂತ್ ಜನಳ ಕೂಟಿತ್, ಕಲಹ ಮಾಡ್‍ಚಿ.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ಅಪೊಸ್ತಲ 20:16

ಕಯ್ಯುವೇಂಗಿ ಪಂಚಾಶತ್ತಮತ್‍ರ ನಮ್ಮೆಕ್ ಯೆರೂಸಲೇಮ್‍ಲ್ ಇರಂಡೂಂದ್ ಪೌಲ ಅವಸರಪಟ್ಟತ್. ಆನಗುಂಡ್ ಆಸ್ಯ ಸೀಮೆಲ್ ಕಾಲ ಕಳೆಯುವಕ್ ಮನಸ್ಸಿಲ್ಲತೆ, ಎಫೆಸ ಪಟ್ಟಣತ್‍ನ ದಾಟಿತ್ ಸಮುದ್ರತ್‍ರ ಮಾರ್ಗವಾಯಿತ್ ಪೋಂಡೂಂದ್ ತೀರ್ಮಾನ ಮಾಡಿಯಂಡತ್.

ಅಪೊಸ್ತಲ 20:18

ಅಯಿಂಗ ಬಂದ ಪಿಂಞ, ಪೌಲ ಅಯಿಂಗಳ ನೋಟಿತ್: ನಾನ್ ಆಸ್ಯ ಸೀಮೆಲ್ ಬಂದ ಕಾಲತ್ಂಜ ಇಲ್ಲಿಕತ್ತನೆ ನಿಂಗಡ ಮದ್ಯತ್‍ಲ್ ಎನ್ನನೆ ಇಂಜ್‍ೕಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 21:29

ಅಯಿಂಗ ಇನ್ನನೆ ಎಣ್ಣುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಮಿಂಞತ್‍ರ ದಿವಸತ್‍ಲ್ ಎಫೆಸ ಪಟ್ಟಣತ್ಂಜ ಬಂದಿತ್ಂಜ ತ್ರೊಫಿಮ ಎಣ್ಣುವ ಒಬ್ಬನ ಪೌಲಂಡ ಕೂಡೆ ಪಟ್ಟಣತ್‍ಲ್ ಕಂಡಿತ್ಂಜತ್, ಅಂವೊ ಗ್ರೀಕ್ ತಕ್ಕ್ ಪರಿಯುಂವೊನಾಯಿತ್ಂಜತ್. ಆನಗುಂಡ್ ಪೌಲ ಅಂವೊನ ದೇವಾಲಯತ್‍ರ ಒಳ್‍ಕ್ ಕಾಕಿಯಂಡ್ ಬಂದಿತ್‌ಪ್ಪಾಂದ್ ಅಯಿಂಗ ಅನುಮಾನ ಪಟ್ಟತ್.

ಅಪೊಸ್ತಲ 27:2

ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.

ರೋಮ್ 16:21

ನಾಡ ಕೂಡೆ ಸೇವೆ ಮಾಡ್‌ವ ತಿಮೊಥೆಯನು ನಾಡ ಬೆಂದ್‌ವಳಾನ ಲೂಕ್ಯನು, ಯಾಸೋನ ಪಿಂಞ ಸೋಸಿಪತ್ರನು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 1:19

ನಾನು, ಸಿಲ್ವಾನನೂ ತಿಮೊಥೆಯನು ನಿಂಗಡ ಮದ್ಯತ್‍ಲ್ ಬೋದನೆ ಮಾಡ್‍ನ ದೇವಡ ಮೋಂವೊನಾನ ಯೇಸು ಕ್ರಿಸ್ತನು ಅಕ್ಕೂಂದು, ಇಲ್ಲೇಂದು ಇಕ್ಕತೆ, ಅಕ್ಕೂಂದ್ ಮಾತ್ರ ಉಂಡ್.

ಎಫೆಸ 6:21

ನಾನ್ ಎನ್ನನೆ ಉಂಡ್‍ೕಂದು, ನಾನ ಎಂತ ಮಾಡಿಯಂಡುಳ್ಳ್‌ಂದು, ನಂಗಡ ಪ್ರೀತಿರ ತಮ್ಮಣನು ಒಡೆಯಂಡಲ್ಲಿ ನಂಬಿಕಸ್ತನು ಆಯಿತುಳ್ಳ ಸೇವಕನಾನ ತುಖಿಕ ನಿಂಗಕ್ ಚಾಯಿತೆ ಎಣ್ಣಿ ತಪ್ಪ.

ಫಿಲಿಪ್ಪಿ 2:19

ಒಡೆಯನಾನ ಯೇಸುಕ್ ಚಿತ್ತ ಉಂಡೇಂಗಿ, ತಿಮೊಥೆಯನ ನಿಂಗಡ ಪಕ್ಕ ಬೆರಿಯ ಅಯಿಕಂಡೂಂದ್ ಗೇನ ಮಾಡಿತುಳ್ಳ. ಅಂವೊ ನಾಡ ಪಕ್ಕ ಬಂದಿತ್ ನಿಂಗಡ ವಿಷಯತ್‍ನ ಎಣ್ಣಿತ್ ನನ್ನ ಕುಶಿಪಡ್‌ತ್‌ವ.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

ಕೊಲೊಸ್ಸೆ 4:7

ಪ್ರೀತಿರ ತಮ್ಮಣ ತುಖಿಕ, ನಿಂಗಕ್ ನಾಡ ವಿಷಯತ್‌ನೆಲ್ಲ ಎಣ್ಣಿ ತಪ್ಪ. ಅಂವೊ ನಂಬಿಕಸ್ತನಾನ ಸೇವಕನು, ನಂಗಡ ಕೂಡೆ ಒಡೆಯಂಡ ಸೇವೆ ಮಾಡ್‍ವಂವೊನಾಯಿತು ಉಂಡ್.

1 ತಿಮೊಥೆಯ 1:1

ನಂಗಡ ರಕ್ಷಕನಾನ ದೇವ ಪಿಂಞ ನಂಗಡ ನಿರೀಕ್ಷೆಯಾಯಿತುಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಆಜ್ಞೆರ ಪ್ರಕಾರ, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

2 ತಿಮೊಥೆಯ 1:2

ನಾಡ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ನೀಕ್ ಕ್‍ಟ್ಟಡ್.

2 ತಿಮೊಥೆಯ 4:12

ನಾನ್ ತುಖಿಕನ ಎಫೆಸಕ್ ಅಯಿಚಿಯೆ.

2 ತಿಮೊಥೆಯ 4:20

ಎರಸ್ತ, ಕೊರಿಂಥ ಪಟ್ಟಣತ್‍ಲ್ ಒಳಿಂಜತ್. ತ್ರೋಫಿಮನಂಗ್, ಸೌಕ್ಯ ಇಲ್ಲತೆ ಇಪ್ಪಕ ಮಿಲೇತಲ್ ಬುಟ್ಟಿತ್ ಬಂದ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:12

ನಾನ್ ನೀಡ ಪಕ್ಕ ಅರ್ತೆಮನ ಎಣ್ಣ್‌ವಂವೊನ ಪಿಂಞ ತುಖಿಕ ಎಣ್ಣ್‌ವಂವೊನ ಅಯಿಪಕ, ನೀನ್ ನಿಕೊಪೊಲಿ ಎಣ್ಣುವ ಪಟ್ಟಣಕ್ ನಾಡ ಪಕ್ಕ ಬಪ್ಪಕ್ ಪ್ರಯತ್ನಪಡ್; ಎನ್ನಂಗೆಣ್ಣ್‌ಚೇಂಗಿ, ಕುಳ್‌ರ್ ಕಾಲತ್‍ಲ್ ನಾನ್ ಅಲ್ಲಿ ಇಪ್ಪಕ್ ಗೇನ ಮಾಡಿಯೆ.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,