ಅಪೊಸ್ತಲ 20:38 - ಕೊಡವ ಬೈಬಲ್

³⁸ ನಿಂಗ ಇಂಞು ಮಿಂಞಕ್, ನಾಡ ಮೂಡ್‍ನ ಕಾಂಬ್‍ಲೇಂದ್ ಪೌಲ ಎಣ್ಣ್‌ನ ತಕ್ಕ್ ಮಾತ್ರ ಅಯಿಂಗಳ ದುಂಬ ಬೇಜಾರ್ ಮಾಡ್‍ಚಿ. ಪಿಂಞ ಅಯಿಂಗ ಎಲ್ಲಾರು ಅಂವೊನ ಅಯಿಪಕ್ ಅಂವೊಂಡ ಕೂಡೆ ಹಡಗ್‍ಕತ್ತನೆ ಪೋಚಿ.

ಅಪೊಸ್ತಲ 20:38 ပူးပေါင်းရင်းမြစ်များ

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 20:25

ನೋಟಿ: ಇಚ್ಚಕ್ ದಿವಸ ನಿಂಗಡ ಕೂಡೆ ವಾಸ ಮಾಡಿತ್, ದೇವಡ ರಾಜ್ಯತ್‍ರ ಸತ್ಯತ್‍ನ ಬೋದನೆ ಮಾಡ್‍ನ ನನ್ನ ಇಂಞು ಮಿಂಞಕ್ ನಿಂಗಡಲ್ಲಿ ಒಬ್ಬನು ನಾಡ ಮೂಡ್‍ನ ಕಾಂಬ್‍ಲೇಂದ್ ನಾಕ್ ಇಕ್ಕ ಗೊತ್ತುಂಡ್.

ಅಪೊಸ್ತಲ 21:16

ಕೈಸರೈತ್ಂಜ ಚೆನ್ನ ಯೇಸುನ ನಂಬ್‍ನಯಿಂಗ ನಂಗಡ ಕೂಡೆ ಬಾತ್. ಅಯಿಂಗ ಮ್ನಾಸೋನ ಎಣ್ಣ್‌ವಂವೊಂಡ ಮನೆಲ್ ನಂಗ ಇಪ್ಪಕ್ ಜಾಗ ಇಂಜಗುಂಡ್ ಅಲ್ಲಿಕ್ ಕಾಕಿಯಂಡ್ ಬಾತ್. ಇಂವೊ ಕುಪ್ರ ದೇಶತ್ಂಜ ಬಂದಂವೊನು, ಯೇಸುರ ಮೇಲೆ ಮಿಂಞಲೇ ನಂಬಿಕೆ ಇಟ್ಟಂವೊನು ಆಯಿತ್ಂಜತ್.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 25:26

ಆಚೇಂಗಿ, ಇಂವೊಂಡ ವಿಷಯತ್‍ಲ್ ಚಕ್ರವರ್ತಿರ ಗೌರವಕ್ ಯೋಗ್ಯವಾಯಿತ್ ಒಳ್‍ದ್‍ವಕ್ ದೃಡವಾಯಿತ್ ಒಂದು ಇಲ್ಲೆ. ಆನಗುಂಡ್, ಚಕ್ರವರ್ತಿಕ್ ದೃಡವಾಯಿತ್ ಎಂತಾಂಚು ಒಳ್‍ದ್‌ವಕಾಯಿತ್, ಇಂವೊನ ನಿಂಗಡ ಮಿಂಞ ಮುಕ್ಯವಾಯಿತ್ ಅಗ್ರಿಪ್ಪ ರಾಜನೇ ನೀಡ ಮಿಂಞಕ್ ವಿಚಾರಣೆಕ್ ಕೊಂಡ್ ಬಂದಿಯೆ.

1 ಕೊರಿಂಥ 16:11

ಆನಗುಂಡ್ ದಾರೂ ಅಂವೊನ ಕೀಳಾಯಿತ್ ಕಾಂಗತಿ. ಅಂವೊ ನಾಡ ಪಕ್ಕ ಬಪ್ಪಕ್, ನಿಂಗ ಅಂವೊನ ಸಮಾದಾನತ್‍ಲ್ ಅಯಿಚಿರಿ. ಬಾಕಿ ತಮ್ಮಣಂಗಡ ಕೂಡೆ ಅಂವೊ ಇಲ್ಲಿ ಬಪ್ಪಾಂದ್ ನಾನ್ ಪಾರಕಾತಂಡುಂಡ್.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.