ಅಪೊಸ್ತಲ 20:34 - ಕೊಡವ ಬೈಬಲ್

³⁴ ನಿಂಗಕ್ ಗೊತ್ತುಳ್ಳನೆಕೆ, ನಾಕ್ ಪಿಂಞ ನಾಡ ಕೂಡೆ ಇಂಜಯಿಂಗಕ್ ಬೋಂಡಿಯಾನದ್‍ನೆಲ್ಲ ಎಡ್‍ಪಕ್ ನಾಡ ಸ್ವಂತ ಕೈಯಿಂಜಲೇ ಕೆಲಸ ಮಾಡಿಯೆ.

ಅಪೊಸ್ತಲ 20:34 ပူးပေါင်းရင်းမြစ်များ

ಅಪೊಸ್ತಲ 18:3

ಅಯಿಂಗ ಗುಡಾರ ಕೆಲಸ ಮಾಡ್‌ವಯಿಂಗಳಾಯಿತ್ಂಜತ್. ಪೌಲ ಸಹ ಗುಡಾರ ಮಾಡ್‍ಂವವೊನಾಯಿತ್ಂಜಗುಂಡ್, ಅಂವೊ ಅಯಿಂಗಡ ಪಕ್ಕ ಪೋಯಿತ್, ಕೆಲಸ ಮಾಡಿಯಂಡ್ ಅಲ್ಲಿಯೇ ವಾಸ ಮಾಡಿಯಂಡ್ ಇಂಜತ್.

ಅಪೊಸ್ತಲ 19:22

ಅಂವೊ ತಾಂಡಕೂಡೆ ಸೇವೆ ಮಾಡಿಯಂಡಿಂಜ ತಿಮೊಥೆಯ ಪಿಂಞ ಎರಸ್ತನ ಮಕೆದೋನ್ಯಕ್ ಅಯಿಚತ್; ಆಚೇಂಗಿ ಅಂವೊ ಆಸ್ಯ ಸೀಮೆಲ್ ಇಂಞು ಚೆನ್ನ ಸಮಯ ಒಳಿಂಜತ್.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

1 ಕೊರಿಂಥ 4:12

ನಂಗ ನಂಗಡ ಕೈಯಿಂಜ ಕಷ್ಟಪಟ್ಟಿತ್ ಕೆಲಸ ಮಾಡ್‌ವ. ನಂಗಳ ದಾರ್ ಅವಮಾನ ಮಾಡ್‍ಚೇಂಗಿಯು ನಂಗ ಅಯಿಂಗಳ ಆಶೀರ್ವಾದ ಮಾಡ್‌ವ. ನಂಗಳ ಹಿಂಸೆ ಮಾಡ್‌ವಯಿಂಗಡ ಮೇಲೆ ನಂಗ ತಾಳ್ಮೆನ ಕಾಟುವ.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:15

ನಾಡ ಪಕ್ಕ ಉಳ್ಳ ಎಲ್ಲಾರು ನೀಕ್ ಪ್ರೀತಿರ ವಂದನೆ ಎಣ್ಣಿಯಂಡುಂಡ್. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಂಗಳ ಪ್ರೀತಿ ಮಾಡ್‌ವಯಿಂಗಕ್ ವಂದನೆ ಎಣ್ಣ್. ದೇವಡ ಕೃಪೆ ನಿಂಗ ಎಲ್ಲಾಡ ಕೂಡೆ ಇರಡ್.