ಅಪೊಸ್ತಲ 20:27 - ಕೊಡವ ಬೈಬಲ್

²⁷ ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ಅಪೊಸ್ತಲ 20:27 ပူးပေါင်းရင်းမြစ်များ

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:30

ಆಚೇಂಗಿ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ, ದೇವಕ್ ಬಗ್ಗಿತ್ ನಡ್‍ಪಕ್ ಒತ್ತತೆ, ಯೋಹಾನನಗುಂಡ್ ದೀಕ್ಷಾಸ್ನಾನ ಎಡ್‌ಪ ಆಲೋಚನೆನ ಅಲ್ಲಗೆಳೆದ್‌ಚಿ.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಅಪೊಸ್ತಲ 13:36

ಈ ವಾಕ್ಯ ದಾವೀದಂಡ ವಿಷಯತ್‍ನ ಎಣ್ಣಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಅಂವೊ ಬದ್‍ಕ್‍ನ ಕಾಲತ್‍ಲ್ ತಾಂಡ ಜನಾಂಗಕ್ ದೇವಡ ಚಿತ್ತತ್‍ರನೆಕೆ ಸೇವೆ ಮಾಡ್‍ನ ಪಿಂಞ ಚತ್ತ್ ಪೋಚಿ. ಪಿಂಞ ಅಜ್ಜಂಗಡ ಕೂಡೆ ಅಂವೊಂಡ ತಡೀನ ಜನ ಪೂತತ್. ಅಂವೊಂಡ ತಡಿ ಕೀಂಜಿ ಪೋಚಿ.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 20:20

ನಿಂಗಕ್ ಪ್ರಯೋಜನವಾನದ್‍ನ ಒಂದು ಒಳ್‌ಪ್‍ಚೆಡತೆ, ಎಲ್ಲಾನ ಎಲ್ಲಾಡ ಮಿಂಞತ್, ಮನೆ ಮನೆಲ್ ಬೋದನೆ ಮಾಡಿತ್, ಪ್ರಸಂಗ ಮಾಡಿಯೆ.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

1 ಕೊರಿಂಥ 11:23

ನಾನ್ ಒಪ್ಪ್‌ಚಿಟ್ಟ ಈ ಬೋದನೆನ, ದೇವಡಯಿಂಜ ನಾನ್ ಪಡ್ಂದಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಒಡೆಯನಾನ ಯೇಸುನ ವಿರೋದಿಯಂಗಡ ಕೈಯಿಕ್ ಪುಡ್‍ಚಿ ಕೊಡ್‍ಪಕ್ ಮಿಂಞ, ಆ ಬಯಿಟ್ ಒಟ್ಟಿನ ಎಡ್‌ಪಂಜಿ,

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

ಗಲಾತ್ಯ 4:16

ಇನ್ನನೆ ನಿಂಗಕ್ ಸತ್ಯತ್‍ನ ಎಣ್ಣ್‌ನಗುಂಡ್, ನಾನ್ ನಿಂಗಕ್ ಶತ್ರು ಆಯಿ ಪೋನನಾ?

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.