ಅಪೊಸ್ತಲ 20:26 - ಕೊಡವ ಬೈಬಲ್

²⁶ ಆನಗುಂಡ್ ಈ ದಿವಸ ನಾನ್ ನಿಂಗಕ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡಲ್ಲಿ ದಾರಾಚೇಂಗಿಯು ನಿತ್ಯ ನಾಶಕ್ ಪಾಲ್‍ದಾರಂಗಳಾಯಿತ್ ಪೋಚೇಂಗಿ, ಅದ್ ನಾಡ ತಪ್ಪ್‌ ಅಲ್ಲ.

ಅಪೊಸ್ತಲ 20:26 ပူးပေါင်းရင်းမြစ်များ

ಯೋಹಾನ 12:17

ಲಾಜರ ಚತ್ತ್ ಪೋಯಿತ್ ಗೋರಿಲ್ ಇಪ್ಪಕ, ಯೇಸು ಲಾಜರನ ಜೀವವಾಯಿತ್ ಪೊರಮೆ ಬಪ್ಪಕ್ ಎಣ್ಣ್‌ವಕ, ಅಂವೊಂಡ ಕೂಡೆ ಇಂಜ ಜನ ಅಕ್ಕ ಅಲ್ಲಿ ಇಂಜತ್. ಅಯಿಂಗ ಅದ್‍ನ ವಿವರಿಚಿಟ್ಟತ್.

ಯೋಹಾನ 19:35

ಇದ್‍ನೆಲ್ಲಾ ಕಂಡ ಒಬ್ಬ ಇದ್ಂಡ ವಿಷಯತ್ ಸಾಕ್ಷಿ ಎಣ್ಣಿಯಂಡುಂಡ್; ಅಂವೊಂಡ ಸಾಕ್ಷಿ ಸತ್ಯ. ನಿಂಗಳು ನಂಬುವಕಾಯಿತ್ ಅಂವೊ ಎಣ್ಣ್‌ವದ್ ಸತ್ಯಾಂದ್ ಅಂವೊಂಗ್ ಗೊತ್ತುಂಡ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

2 ಕೊರಿಂಥ 1:23

ನಿಂಗಳ ನಾನ್ ಜೋರ್ ಮಾಡತನೆಕೆ ಇಪ್ಪಕಾಯಿತೇ ಇಲ್ಲಿಕತ್ತನೆ ಕೊರಿಂಥ ಪಟ್ಟಣಕ್ ಬಂತ್‌ಲ್ಲೇಂದ್ ದೇವಡ ಮೇಲೆ ನಾಡ ಸಾಕ್ಷಿಯಾಯಿತ್ ಎಣ್ಣ್‌ವಿ.

2 ಕೊರಿಂಥ 7:2

ನಿಂಗಡ ಮನಸ್ಸ್‌ಲ್ ನಂಗಕ್ ಜಾಗ ಕೊಡಿ; ನಂಗ ಒಬ್ಬಂಗು ಅನ್ಯಾಯ ಮಾಡಿತ್‌ಲ್ಲೆ, ಒಬ್ಬಂಗ್ ಸಹ ಕ್‍ೕಡ್ ಮಾಡಿತ್‌ಲ್ಲೆ, ಒಬ್ಬಂಗು ವಂಚನೆ ಮಾಡಿತ್‌ಲ್ಲೆ.

2 ಕೊರಿಂಥ 8:3

ಅದಲ್ಲತೆ, ಅಯಿಂಗ ಅಯಿಂಗಡ ಶಕ್ತಿಕ್ ತಕ್ಕಂತೆ ಪಿಂಞ ಅಯಿಂಗಡ ಶಕ್ತಿಕ್ ಜಾಸ್ತಿಯಾಯಿತು ಕೊಡ್‍ಪಕ್ ಮನಸ್ಸ್ ಉಳ್ಳಯಿಂಗಳಾಯಿತ್ ಇಂಜಾಂಗ್ ನಾನ್ ಸಾಕ್ಷಿಯಾಯಿತುಳ್ಳ.

1 ತಿಮೊಥೆಯ 5:22

ದೇವಡ ಸೇವೇಕ್ ನೇಮಿಚಿಡ್‍ವಕ್ ಏದ್ ಮನುಷ್ಯಂಡ ಮಂಡೆರ ಮೇಲೆ ಅವಸರತ್‌ಲ್ ಕೈ ಬೆಕ್ಕತೆ. ಅನ್ನನೆ ಮಾಡ್‍ಚೇಂಗಿ, ಬೋರೆಯಿಂಗ ಮಾಡ್‌ವ ಪಾಪತ್‍ಲ್ ನೀನ್ ಸಹ ಪಾಲ್‍ದಾರನಾಯಿತ್‌ಪ್ಪಿಯ, ನೀನ್ ಪವಿತ್ರ ಉಳ್ಳಂವೊನಾಯಿತಿರ್.