ಅಪೊಸ್ತಲ 20:22 - ಕೊಡವ ಬೈಬಲ್

²² ಇಕ್ಕ ನಾನ್ ಯೆರೂಸಲೇಮ್‌ಕ್ ಪೋಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ಪವಿತ್ರ ಆತ್ಮ ಅಲ್ಲಿ ಪೋಪಕ್ ಎಣ್ಣಿಯಂಡುಂಡ್. ಅಲ್ಲಿ ನಾಕ್ ಎಂತ ಆಪಾಂದ್ ಗೊತ್ತ್‌ಲ್ಲೆ.

ಅಪೊಸ್ತಲ 20:22 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:50

ದುಂಬ ಕಷ್ಟತ್‍ರ ಸೋದನೆಲ್ ನಾನ್ ಬೆರಿಯ ಪೋಕಂಡು. ಅದ್ ಪೂರ್ತಿ ಆಪಕತ್ತನೆ ನಾನ್ ದುಂಬ ನೊಂಬಲ ಅನುಬವಿಚಿಡಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:51

ಪರಲೋಕಕ್ ಅಂವೊನ ಎಡ್‌ತ ಪೋಪಕ್ ಸಮಯ ಪಕ್ಕ ಬಂದಂಡಿಪ್ಪಕ, ಯೇಸು ಯೆರೂಸಲೇಮ್‌ಕ್ ಪೋಪಕ್ ಗೇನ ಮಾಡ್‍ಚಿ.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 18:4

ಯೇಸು ಅಂವೊಂಗ್ ಎಂತೆಲ್ಲಾ ಆಪಾಂದ್ ಗೊತ್ತಾಯಿತ್, ಅಯಿಂಗಡ ಮಿಂಞಕ್ ಪೋಯಿತ್, ನಿಂಗ ದಾರ್‌ನ ನೋಟಿಯಂಡ್ ಉಳ್ಳಿರಾಂದ್ ಕ್‍ೕಟತ್.

ಅಪೊಸ್ತಲ 17:16

ಪೌಲ ಅಯಿಂಗಕಾಯಿತ್ ಅಥೇನೆ ಪಟ್ಟಣತ್‍ಲ್ ಪಾರಕಾತಂಡ್ ಇಪ್ಪಕ, ಆ ಪಟ್ಟಣತ್‍ಲ್ ಎಲ್ಲಿ ನೋಟ್‍ಚೇಂಗಿಯು ವಿಗ್ರಹ ದುಂಬಿತ್ ಉಳ್ಳಾನ ಕಂಡಿತ್, ಅಂವೊಂಡ ಆತ್ಮಕ್ ಸಮಾದಾನ ಇಲ್ಲತನೆಕೆ ಬೇಜಾರ್ ಆಚಿ.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 20:16

ಕಯ್ಯುವೇಂಗಿ ಪಂಚಾಶತ್ತಮತ್‍ರ ನಮ್ಮೆಕ್ ಯೆರೂಸಲೇಮ್‍ಲ್ ಇರಂಡೂಂದ್ ಪೌಲ ಅವಸರಪಟ್ಟತ್. ಆನಗುಂಡ್ ಆಸ್ಯ ಸೀಮೆಲ್ ಕಾಲ ಕಳೆಯುವಕ್ ಮನಸ್ಸಿಲ್ಲತೆ, ಎಫೆಸ ಪಟ್ಟಣತ್‍ನ ದಾಟಿತ್ ಸಮುದ್ರತ್‍ರ ಮಾರ್ಗವಾಯಿತ್ ಪೋಂಡೂಂದ್ ತೀರ್ಮಾನ ಮಾಡಿಯಂಡತ್.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

ಯಾಕೋಬ 4:14

ನಾಳೆ ಎಂತ ಆಪಾಂದ್ ನಿಂಗಕ್ ಗೊತ್ತ್‌ಲ್ಲೆ ಅಲ್ಲ? ನಿಂಗಡ ಬದ್‍ಕ್ ಎಂತ? ಪೊಲಾಕತ್‍ರ ಮಂಜ್ ಚೆನ್ನ ಗಳಿಗೆಲ್ ಮಾಯ ಆಯಿತ್ ಕಾಂಗತೆ ಪೋಪನೆಕೆ ನಿಂಗ ಉಳ್ಳಿರ.