ಅಪೊಸ್ತಲ 20:17 - ಕೊಡವ ಬೈಬಲ್

¹⁷ ನಂಗ ಮಿಲೇತಕ್ ಎತ್ತ್‌ನ ಪಿಂಞ, ಪೌಲ ಎಫೆಸ ಪಟ್ಟಣತ್ ಸಬೆರ ಪೆರಿಯಯಿಂಗಳ ತಾಂಡ ಪಕ್ಕ ಬಪ್ಪಕ್ ಎಣ್ಣಿತ್ ಒಬ್ಬನ ಅಯಿಚತ್.

ಅಪೊಸ್ತಲ 20:17 ပူးပေါင်းရင်းမြစ်များ

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:6

ಅಕ್ಕ, ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ ಈ ವಿಷಯತ್‍ನ ಚರ್ಚೆ ಮಾಡ್‌ವಕ್ ಕೂಡಿ ಬಾತ್.

ಅಪೊಸ್ತಲ 16:4

ಅಲ್ಲಿಂಜ ಅಯಿಂಗ ಊರೂರ್‌ಕ್ ಪೋಯಂಡ್ ಇಪ್ಪಕ, ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ತೀರ್ಮಾನ ಮಾಡ್‍ನ ಆಜ್ಞೆಕ್ ಒಳಪಟ್ಟಿತಿರಂಡೂಂದ್ ಅಯಿಂಗಕ್ ಬುದ್ದಿ ಎಣ್ಣಿ ಕೊಡ್‌ತಂಡ್ ಪೋಚಿ.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 20:15

ಅಲ್ಲಿಂಜ ಪೊರಟಿತ್ ಪಿತ್ಯಾಂದ್ ಖೀಯೊಸ್ ದ್ವೀಪಕ್ ಬಾತ್. ಅದ್ಂಡ ಪಿತ್ಯಾಂದ್ ಸಾಮೊಸಿರ ಪಕ್ಕ ಬಂತ್, ಅದ್ಂಡ ಪಿತ್ಯಾಂದ್ ಮಿಲೇತಕ್ ಕೂಡ್‍ಚಿ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

1 ತಿಮೊಥೆಯ 5:17

ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.

ಯಾಕೋಬ 5:14

ನಿಂಗಡಲ್ಲಿ ದಾರ್‌ಕೇಂಗಿಯು ಸೌಕ್ಯ ಇಲ್ಲತೆ ಪೋಯಿತ್ಂಜತೇಂಗಿ, ಅಂವೊ ಸಬೆರ ಪೆರಿಯಯಿಂಗಳ ಕಾಕಡ್; ಅಯಿಂಗ ಒಡೆಯಂಡ ಪೆದತ್‍ಲ್ ಆ ಮನುಷ್ಯಂಗ್ ಎಣ್ಣೆ ಉದ್ದುವಂಜಿ ಪ್ರಾರ್ಥನೆ ಮಾಡಡ್.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,