ಅಪೊಸ್ತಲ 20:12 - ಕೊಡವ ಬೈಬಲ್

¹² ಆ ಬಾಲೆಕಾರನ ಅಯಿಂಗ ಜೀವವಾಯಿತ್ ಕಾಕಿಯಂಡ್ ಬಪ್ಪಕ, ಅಯಿಂಗಕ್ ದುಂಬ ಸಮಾದಾನ ಆಚಿ.

ಅಪೊಸ್ತಲ 20:12 ပူးပေါင်းရင်းမြစ်များ

ಅಪೊಸ್ತಲ 20:11

ಪಿಂಞ, ಅಯಿಂಗ ಎಲ್ಲಾರು ಕೊಡಿಕ್ ಪೋಯಿತ್ ಒಟ್ಟಿ ಪೊಳ್‌ಚಿತ್ ಉಂಡಿತ್, ಪೊಲಾಕಕತ್ತನೆ ತಕ್ಕ್ ಪರ್ಂದಿತ್ ಪಿಂಞ ಪೊರಟಿತ್ ಪೋಚಿ.

ಅಪೊಸ್ತಲ 20:13

ಪೌಲ ಅಸ್ಸೊಸಿ ಪಟ್ಟಣಕತ್ತನೆ ನಡ್ಂದಂಡ್ ಪೊಪಕಿಂಜಗುಂಡ್, ನಂಗಳ ಅಂವೊಕಿಂಜ ಮಿಂಞಲೇ ಅಲ್ಲಿಕ್ ಪೋಪಕ್ ಅಪ್ಪಣೆ ಕೊಡ್‍ತತ್. ನಂಗ ಅಲ್ಲಿಂಜ ಪೌಲನ ಹಡಗ್‍ಲ್ ಪತ್ತ್‌ಚಿಟ್ಟಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡ್‌ವಕಿಂಜತ್.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

ಎಫೆಸ 6:22

ನಿಂಗ ನಂಗಡ ವಿಷಯತ್‍ನ ಗೊತ್ತಾಪಕು, ನಿಂಗಡ ಹೃದಯಕ್ ಸಮಾದಾನ ಕ್‍ಟ್ಟ್‌ವಕಾಯಿತ್‌ ಅಂವೊನ ನಾನ್ ಅಯಿಚಿಯೆ.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,