ಅಪೊಸ್ತಲ 20:1 - ಕೊಡವ ಬೈಬಲ್

¹ ಕಲಹ ಕಮ್ಮಿ ಆನ ಪಿಂಞ ಪೌಲ, ಯೇಸುನ ನಂಬ್‍ನಯಿಂಗಳ ಒಕ್ಕಚೆ ಕಾಕಿತ್, ಅಯಿಂಗಕ್ ಪುರ್‌ಡ್ ಕೊಡ್‍ತತ್. ಪಿಂಞ ಅಯಿಂಗಡಿಂಜ ಅಪ್ಪಣೆ ಪಡ್ಂದಂಡ್ ಮಕೆದೋನ್ಯಕ್ ಪೊರಟತ್.

ಅಪೊಸ್ತಲ 20:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:10

ಯಾಕೋಬಂಗ್‌ ವಯಸ್ಸಾನಂಗ್‌ ಕಣ್ಣ್‌ ಸರಿಯಾಯಿತ್‌ ಕಾಂಬಯಿಂಜಿತ್‌ಲ್ಲೆ. ಅದ್‌ಂಗ್‌ ಯೋಸೇಫ ಮಕ್ಕಳ ಅಂವೊಂಡ ಪಕ್ಕ ಕಾಕಿಯಂಡ್‌ ಪೋಚಿ. ಅಕ್ಕ ಯಾಕೋಬ ಅಯಿಂಗಕ್‌ ಮುತ್ತ್‌ ಕೊಡ್‌ತಿತ್‌ ತಬ್ಬಿಯಂಡತ್.

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 16:12

ಫಿಲಿಪ್ಪಿ ಎಣ್ಣುವ ಪಟ್ಟಣ ಮಕೆದೋನ್ಯತ್‍ರ ಮುಕ್ಯಪಟ್ಟ ಪಟ್ಟಣವಾಯಿತ್ಂಜತ್, ರೋಮ್ ರಾಜ್ಯತ್‍ರ ಜನ ಅಲ್ಲಿ ಬಂದಿತ್ ವಾಸ ಮಾಡಿಯಂಡಿಂಜತ್. ಈ ಪಟ್ಟಣತ್‍ಲ್ ನಂಗ ಚೆನ್ನ ದಿವಸ ಇಂಜತ್.

ಅಪೊಸ್ತಲ 16:9

ಅಲ್ಲಿ ಅಂದ್ ಬಯಿಟ್, ಪೌಲ ಒರ್ ದರ್ಶನ ಕಂಡತ್. ಅದ್ ಎಂತ ಎಣ್ಣ್‌ಚೇಂಗಿ, ಮಕೆದೋನ್ಯ ದೇಶತ್‍ರ ಒರ್ ಮನುಷ್ಯ ನಿಂದಂಡ್: ನೀನ್ ಸಮುದ್ರತ್‍ನ ದಾಟಿತ್ ಮಕೆದೋನ್ಯಕ್ ಬಂದಿತ್ ನಂಗಕ್ ಸಹಾಯ ಮಾಡ್‍ೕಂದ್ ಅಂವೊನ ಕ್‍ೕಟಂಡತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 20:10

ಆಚೇಂಗಿ, ಪೌಲ ಇಳಿಂಜಿ ಪೋಯಿತ್ ಅಂವೊಂಡ ಮೇಲೆ ಬುದ್ದಿತ್, ಅಂವೊನ ತಬ್ಬಿಯಂಡ್: ಬೇಜಾರ್ ಮಾಡತಿ, ಅಂವೊಂಡ ಜೀವ ಅಂವೊಂಡ ಒಳ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ಅಪೊಸ್ತಲ 20:3

ಅಲ್ಲಿ ಅಂವೊ ಮೂಂದ್ ತಿಂಗ ಇಂಜತ್. ಸಿರಿಯ ದೇಶಕ್ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡಂಡೂಂದ್ ಏರ್ಪಾಡ್ ಮಾಡಿಯಂಡ್ ಇಪ್ಪಕ, ದಾರ್‌ಕು ಗೊತ್ತಿಲ್ಲತೆ ಅಂವೊನ ಕೊಲ್ಲ್‌ವಕ್ ಯೆಹೂದ್ಯಂಗ ತೀರ್ಮಾನ ಮಾಡ್‍ಚೀಂದ್ ಗೊತ್ತಾಚಿ. ಅಕ್ಕ ಅಂವೊ ಪುನಃ ಮಕೆದೋನ್ಯತ್‍ರ ಬಟ್ಟೇಲ್ ಪೋಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 20:37

ಅಕ್ಕ ಅಯಿಂಗೆಲ್ಲಾರು ಮೊರಟಿತ್, ಅಂವೊನ ತಬ್ಬಿಯಂಡ್ ಮುತ್ತ್ ಕೊಡ್‍ತತ್

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ರೋಮ್ 16:16

ಒಬ್ಬೊಬ್ಬಂಗಳ ಪವಿತ್ರವಾನ ಮುತ್ತ್ ಕೊಡ್‌ತಿತ್ ವಂದನೆ ಎಣ್ಣಿ. ಕ್ರಿಸ್ತಂಡ ಎಲ್ಲಾ ಸಬೆರ ಜನಳು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 16:20

ಇಲ್ಲಿ ಉಳ್ಳ ಅಣ್ಣತಮ್ಮಣಂಗ ಎಲ್ಲಾ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ನಿಂಗ ಒಬ್ಬಂಗ್ ಒಬ್ಬ ಪವಿತ್ರವಾನ ಮುತ್ತ್ ಕೊಡ್‌ತಿತ್ ವಂದನೆ ಮಾಡಿ.

1 ಕೊರಿಂಥ 16:5

ನಾನ್ ಇಕ್ಕ ಮಕೆದೋನ್ಯ ನಾಡ್‍ರ ಬಟ್ಟೇಲ್ ಪೋಯಂಡುಳ್ಳಗುಂಡ್, ಅದಾನ ಪಿಂಞ ನಾನ್ ನಿಂಗಡ ಪಕ್ಕ ಬಪ್ಪಿ.

2 ಕೊರಿಂಥ 13:12

ಒಬ್ಬಂಗ್ ಒಬ್ಬ ಪವಿತ್ರವಾನ ಮುತ್ತ್ ಕೊಡ್‌ತಿತ್ ವಂದನೆ ಮಾಡಿ.

2 ಕೊರಿಂಥ 7:5

ಎನ್ನನೆ ಎಣ್ಣ್‌ಚೇಂಗಿ, ನಂಗ ಮಕೆದೋನ್ಯ ಪ್ರಾಂತ್ಯಕ್ ಬಪ್ಪಕ, ನಂಗ ಆರಾಮ್‍ಲ್ ಇಪ್ಪಕ್ ಒರ್ ಜಾಗವು ಕ್‍ಟ್ಟಿತ್‌ಲ್ಲೆ. ಎಲ್ಲಾ ದಿಕ್ಕಿಂಜಲೂ ಹಿಂಸೆ ಇಂಜತ್; ಪೊರಮೆ ಪೋರಾಟವು, ಒಳ್‍ಕ್ ಪೋಡಿಯು ಇಂಜತ್.

1 ಥೆಸಲೊನೀಕ 5:26

ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಪವಿತ್ರವಾನ ಮುತ್ತ್ ಕೊಡ್‌ತಿತ್ ಸತ್ಕಾರ ಮಾಡಿ.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.