ಅಪೊಸ್ತಲ 2:7 - ಕೊಡವ ಬೈಬಲ್

⁷ ಎಲ್ಲಾರು ದುಂಬ ಆಶ್ಚರ್ಯತ್‍ಲ್, ಅಯಿಂಗಯಿಂಗಳ ನೋಟಿತ್ ಈಂಗ ಎಲ್ಲಾರು ಗಲಿಲಾಯತ್‍ರ ಜನ ಅಲ್ಲಾ?

ಅಪೊಸ್ತಲ 2:7 ပူးပေါင်းရင်းမြစ်များ

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಮತ್ತಾಯ 26:73

ಚೆನ್ನ ನೇರ ಕಯಿಂಜ ಪಿಂಞ ಅಲ್ಲಿ ನಿಂದಂಡಿಂಜ ಚೆನ್ನ ಜನ ಪೇತ್ರಂಡ ಪಕ್ಕ ಬಂದಿತ್ ನೇರಾಯಿತ್ ನೀನ್ ಅಯಿಂಗಡಲ್ಲಿ ಒಬ್ಬೊನಾಯಿತ್ ಇಕ್ಕು. ನೀಡ ತಕ್ಕ್ ನಿನ್ನ ಕಾಟಿ ಕೊಡ್‍ಪಾಂದ್ ಎಣ್ಣ್‌ಚಿ.

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಮಾರ್ಕ 1:27

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್: ಇದ್ ಎಂತ? ಈ ಪುದಿಯ ಬೋದನೆ ಎಂತದ್? ಅಂವೊ ಅದಿಕಾರತ್‍ಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಅದೂ ಅಂವೊಂಡ ತಕ್ಕ್‌ನ ಕ್‍ೕಪಲ್ಲಾಂದ್ ಅಯಿಂಗಡ ಒಳ್‌ಲೇ ತಕ್ಕ್ ಪರ್‌ದಂಡ್ ಇಂಜತ್.

ಮಾರ್ಕ 2:12

ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಯೋಹಾನ 7:52

ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 2:12

ಎಲ್ಲಾರು ಆಶ್ಚರ್ಯತ್‍ಲ್ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ ಪೋಡಿಲ್, ಇದ್ ಎಂತಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 2:8

ಅನ್ನನೆ ಇಪ್ಪಕ ನಂಗ ಪುಟ್ಟ್‌ನ ಜಾಗತ್‍ರ ಬಾಷೆಲ್, ಈಂಗ ತಕ್ಕ್ ಪರಿವಾನ ನಂಗ ಕ್‍ೕಟಂಡುಂಡಲ್ಲಾ, ಇದ್ ಎನ್ನನೆ ಆಚಿ?

ಅಪೊಸ್ತಲ 3:10

ಇಂವೊ ದೇವಾಲಯತ್‍ರ ಚಾಯಿ ಬಾಯಿಕಂಡಿರ ಬರಿಲ್ ಅಳ್‌ತಂಡ್ ಬಿಕ್ಷೆ ಬೋಡ್‍ವಂವೋಂದ್ ಗೊತ್ತಾಯಿತ್, ಅಂವೊಂಗ್ ಇನ್ನನೆ ಆನದ್‍ನ ನೋಟಿತ್ ಅಯಿಂಗಕ್ ನಂಬುವಕ್ ಕಯ್ಯತಚ್ಚಕ್ ಆಶ್ಚರ್ಯ ಆಚಿ.