ಅಪೊಸ್ತಲ 2:5 - ಕೊಡವ ಬೈಬಲ್

⁵ ಆ ಸಮಯತ್‍ಲ್ ಲೋಕತ್‍ಲ್ ಉಳ್ಳ ಎಲ್ಲಾ ದೇಶತ್ಂಜ ಬಯ ಬಕ್ತಿಯುಳ್ಳ ಯೆಹೂದ್ಯಂಗ ಯೆರೂಸಲೇಮ್‌ಕ್ ಬಂದಿತ್ಂಜತ್.

ಅಪೊಸ್ತಲ 2:5 ပူးပေါင်းရင်းမြစ်များ

ಮತ್ತಾಯ 24:14

ದೇವಡ ರಾಜ್ಯತ್‍ರ ಈ ನಲ್ಲ ಸುದ್ದಿ ಎಲ್ಲಾ ಜನಕು ಸಾಕ್ಷಿಯಾಯಿತ್ ಪ್ರಚಾರ ಆಯಿತ್‌ಪ್ಪ. ಅಕ್ಕ ಅಂತ್ಯ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:24

ಮನುಷ್ಯಕುಮಾರ ಬಪ್ಪಕ ಬಾನತ್‍ಲ್, ಒರ್ ಬರೀಂಜ ಇಂಞೊರ್ ಬರಿಕ್ ಮಿನ್ನುವನೆಕೆ ಪ್ರಕಾಶ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:25

ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಸಿಮೆಯೋನ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡ್ ಇಂಜತ್. ಅಂವೊ ನೀತಿವಂತನು, ದೇವಡ ಬಕ್ತನು ಆಯಿತ್ಂಜತ್. ಅಂವೊ ಇಸ್ರಾಯೇಲ್ ಜನಡ ರಕ್ಷಣೆಕಾಯಿತ್ ಪಾರಕಾತಂಡಿಂಜತ್. ಅಂವೊ ಪವಿತ್ರಾತ್ಮ ದುಂಬಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:18

ಅಯಿಂಗಡಲ್ಲಿ ಕ್ಲೆಯೊಫ ಎಣ್ಣ್‌ವಂವೊ ಯೇಸುಕ್: ಈ ದಿವಸತ್‍ಲ್ ಯೆರೂಸಲೇಮ್‍ಲ್ ನಡ್ಂದ ಸಂಗತಿನ ಗೊತ್ತಿಲ್ಲತ ಬೋರೆ ಜಾಗತ್‍ರಂವೊ ನೀನ್ ಒಬ್ಬನೇ ಆಯಿತಿಕ್ಕೂಂದ್ ಎಣ್ಣ್‌ಚಿ.

ಯೋಹಾನ 12:20

ಆ ನಮ್ಮೆರ ಸಮಯತ್‍ಲ್ ಯೆರೂಸಲೇಮ್ ದೇವಾಲಯತ್‍ಲ್ ಆರಾದನೆ ಮಾಡ್‌ವಕ್ ಬಂದಿತ್ಂಜ ಚೆನ್ನ ಗ್ರೀಕ್ ತಕ್ಕ್ ಪರಿಯುವ ಜನ ಇಂಜತ್.

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 2:1

ಐಂಬದ್ ನಾಳ್‌ರ ಪಂಚಾಶತ್ತಮ ಎಣ್ಣುವ ನಮ್ಮೆರ ದಿವಸ ಬಪ್ಪಕ, ಅಯಿಂಗೆಲ್ಲಾ ಒರ್ ಜಾಗಕ್ ಬಂತ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 22:12

ಅಲ್ಲಿ ನ್ಯಾಯಪ್ರಮಾಣತ್‍ರ ಪ್ರಕಾರ ದೇವಡ ಮೇಲೆ ಬಕ್ತಿಯುಳ್ಳಂವೊನು, ಆ ಜಾಗತ್‍ಲ್ ಎಲ್ಲಾ ಯೆಹೂದ್ಯಂಗಡಡೆ‍ಲ್ ಮರ್ಯಾದೆ ಪಡ್ಂದಂವೊನು ಆನ ಅನನೀಯ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡಿಂಜತ್.

ಅಪೊಸ್ತಲ 8:2

ಚೆನ್ನ ಬಕ್ತಿಯುಳ್ಳ ದೇವಡ ಮಕ್ಕ ಸ್ತೆಫನಂಡ ಚಾವ್ ತಡೀನ ಕೊಂಡ್ ಪೋಯಿತ್ ಪೂತ್ತತ್. ಅಂವೊಂಗಾಯಿತ್ ಅಯಿಂಗ ದುಂಬ ಮೊರಟಿತ್ ದುಃಖ ಪಟ್ಟತ್.

ಅಪೊಸ್ತಲ 8:27

ಅಂವೊ ಅನ್ನನೆ ಪೊರಟಿತ್ ಪೋಚಿ. ಅಂವೊ ಆ ಬಟ್ಟೇಲ್ ಪೋಯಂಡಿಪ್ಪಕ, ಐಥಿಯೋಪ್ಯ ದೇಶಕ್ ರಾಣಿಯಾಯಿತ್ಂಜ ಕಂದಾಕೆಯ ಎಣ್ಣ್‌ವವಡ ಮುಕ್ಯಪಟ್ಟ ಅದಿಕಾರಿನ ಕಂಡತ್. ಅಂವೊ ಆ ರಾಣಿರ ಖಜಾನಕೆಲ್ಲ ಅದಿಕಾರಿಯಾಯಿತ್ಂಜತ್. ಅಂವೊ ದೇವನ ಆರಾದನೆ ಮಾಡ್‌ವಕಾಯಿತ್ ಯೆರೂಸಲೇಮ್‌ಕ್ ಪೋಯಿತ್ಂಜತ್.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.