ಅಪೊಸ್ತಲ 2:46 - ಕೊಡವ ಬೈಬಲ್

⁴⁶ ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ಅಪೊಸ್ತಲ 2:46 ပူးပေါင်းရင်းမြစ်များ

ಮತ್ತಾಯ 6:22

ಕಣ್ಣ್ ನೀಡ ತಡೀರ ಬೊಳ್‌ಚವಾಯಿತುಂಡ್. ನೀಡ ಕಣ್ಣ್ ಚಾಯಿತೆ ಉಂಡೇಂಗಿ ನೀಡ ತಡಿ ಪೂರ್ತಿ ಬೊಳಿಯಾಯಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:41

ನಿಂಗ ನಿಂಗಡದ್‍ೕಂದ್ ಗೇನಮಾಡಿಯಂಡುಳ್ಳದ್‍ನ ಗರೀಬಂಗಕ್ ಕೊಡಿ, ಅಕ್ಕ ಎಲ್ಲಾ ನಿಂಗಕ್ ಶುದ್ದ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:30

ಯೇಸು ಅಯಿಂಗಡ ಕೂಡೆ ಉಂಬಕ್ ಅಳ್‌ಪಕ, ಒಟ್ಟಿನ ಎಡ್‌ಪಂಜಿ ದೇವಕ್ ವಂದನೆ ಎಣ್ಣಿತ್ ಒಟ್ಟಿನ ಪೊಳಿಪಂಜಿ ಅಯಿಂಗಕ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:53

ದೇವಾಲಯತ್‍ಲ್ ದೇವನ ತುದಿಚಂಡ್ ಎಕ್ಕಾಲು ಕೊಂಡಾಡಿಯಂಡಿಂಜತ್.

ಅಪೊಸ್ತಲ 16:34

ಅದ್ ಆನ ಪಿಂಞ ಅಯಿಂಗಳ ತಾಂಡ ಮನೆಕ್ ಕಾಕಿಯಂಡ್ ಪೋಯಿತ್ ಉಂಬ್‌ಚಿಟ್ಟತ್. ಅನ್ನನೆ ಅಂವೊ ತಾಂಡ ಮನೆಲ್ ಉಳ್ಳಯಿಂಗಡ ಕೂಡೆ ದೇವಡ ಮೇಲೆ ನಂಬಿಕೆ ಇಟ್ಟಗುಂಡ್ ಕುಶೀಲ್ ಇಂಜತ್.

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

ಅಪೊಸ್ತಲ 3:1

ಒರ್ ದಿವಸ ಪೇತ್ರ ಪಿಂಞ ಯೋಹಾನ ಮಜ್ಜಣ ಮೂಂದ್ ಗಂಟೆರ ಪ್ರಾರ್ಥನೆಕಾ‍ಯಿತ್ ದೇವಾಲಯಕ್ ಪೋಯಂಡಿಪ್ಪಕ,

ಅಪೊಸ್ತಲ 5:21

ಅಪೊಸ್ತಲಂಗ ಅದ್‍ನ ಕ್‍ೕಟಿತ್, ದೇವದೂತ ಎಣ್ಣ್‌ನನೆಕೆ, ಪೊಲಾಕ ನೇರತೆ ದೇವಾಲಯತ್‍ರ ಒಳ್‍ಕ್ ಪೋಯಿತ್ ಜನಕ್ ಬೋದನೆ ಕೊಡ್‍ಪಕ್ ಸುರು ಮಾಡ್‍ಚಿ. ಅಕ್ಕಣೆಕ್, ಮಹಾ ಯಾಜಕನು ಪಿಂಞ ಅಂವೊಂಡ ಕೂಡೆ ಇಂಜಯಿಂಗಳು, ಯೆಹೂದ್ಯಂಗಡ ಆಲೋಚನೆ ಸಬೆರ ಅದಿಕಾರಿಯಂಗಳ ಪಿಂಞ ಇಸ್ರಾಯೇಲ್‍ರ ಪೆರಿಯಯಿಂಗಳ ಕಾಕಿತ್, ಅಪೊಸ್ತಲಂಗಳ ಸೆರೆಮನೆಯಿಂಜ ಕಾಕಿಯಂಡ್ ಬಪ್ಪಕ್ ಎಣ್ಣ್‌ಚಿ.

ಅಪೊಸ್ತಲ 5:42

ಪಿಂಞ ದಿನಾಲು ಅಯಿಂಗ ದೇವಾಲಯತ್‍ಲು, ಓರೋರ್ ಮನೇಲು, ಕೂಡಿ ಬಂದಿತ್, ದೇವಡ ವಾಕ್ಯತ್‍ನ ಬೋದನೆ ಮಾಡಿಯಂಡ್, ಯೇಸುವೇ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಪ್ಪ್‌ಚಿಡತೆ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್.

ರೋಮ್ 12:8

ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.

ಕೊಲೊಸ್ಸೆ 3:22

ಅಡಿಯಾಳ್‌ವಳೇ, ಈ ಲೋಕತ್‍ಲ್ ಉಳ್ಳ ನಿಂಗಡ ಎಜಮಾನಂಗ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು. ಅಯಿಂಗಡ ದಯೆ ಕ್‍ಟ್ಟುವಕಾಯಿತ್, ಅಯಿಂಗ ನಿಂಗಳ ನೋಟಿಯಂಡಿಪ್ಪ ಸಮಯತ್‍ಲ್ ಮಾತ್ರ ಕೆಲಸ ಮಾಡತೆ, ಒಡೆಯಂಡ ಬಕ್ತಿ ಉಳ್ಳಯಿಂಗಳಾಯಿತ್, ಕಪಟ ಇಲ್ಲತ ಮನಸ್ಸ್‌ಲ್ ಕೆಲಸ ಮಾಡಂಡು.