ಅಪೊಸ್ತಲ 2:45 - ಕೊಡವ ಬೈಬಲ್

⁴⁵ ಅದಲ್ಲತೆ, ಅಯಿಂಗ ಅಯಿಂಗಡ ಆಸ್ತಿನ ಮಾರಿತ್, ಅಯಿಂಗಡಡೆಲ್ ಪ್ರತಿ ಒಬ್ಬಂಗ್ ಎಚ್ಚಕ್ ಅವಸ್ಯ ಇಂಜತೋ ಅಚ್ಚಕ್ ಪಾಲ್ ಮಾಡಿ ಕೊಡ್‍ತತ್.

ಅಪೊಸ್ತಲ 2:45 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:8

ಜಕ್ಕಾಯಂಡ ಮನೆಲ್ ಯೇಸು ಇಪ್ಪಕ ಅಂವೊ ಎದ್ದ್ ನಿಪ್ಪಂಜಿ: ಒಡೆಯ, ಇಕ್ಕ ನಾನ್ ನಾಡ ಆಸ್ತಿಲ್ ಪಾದಿನ ಗರೀಬಂಗಕ್ ಕೊಡ್‍ಪಿ, ನಾನ್ ದಾರ್‌ಕೇಂಗಿ ಮೋಸ ಮಾಡಿತುಂಡೇಂಗಿ ಅದ್‍ನ ನಾಲ್ ಪಾಲಾಯಿತ್ ಅಯಿಂಗಕ್ ಕೊಡ್‌ಪೀಂದ್ ಎಣ್ಣ್‌ಚಿ.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ಅಪೊಸ್ತಲ 4:34

ಅಯಿಂಗಡ ಮದ್ಯತ್ ಒಬ್ಬಂಗ್ ಸಹ ಏದು ಕಮ್ಮಿಯಾಯಿತ್ಂಜಿಲೆ. ಎನ್ನಂಗೆಣ್ಣ್‌ಚೇಂಗಿ, ಬೇಲ್ ಪಿಂಞ ಮನೆ ಇಂಜಯಿಂಗ ಬೋಂಡುವಕತ್ತನೆ ಮಾರ್‌ವಂಜಿ ಅದ್ಂಡ ಪಣತ್‍ನ ಅಕ್ಕಕ್ಕ ಕೊಂಡ್‌ಬಂತ್,

ಅಪೊಸ್ತಲ 4:35

ಅದ್‍ನ ಅಪೊಸ್ತಲಂಗಡ ಕಾಲ್‍ರ ಅಡಿಕ್ ಬೆಚ್ಚತ್. ಪಿಂಞ ಅಪೊಸ್ತಲಂಗ ಅದ್‍ನ ಪ್ರತಿ ಒಬ್ಬಂಗ್ ಎಚ್ಚಕ್ ಅವಸ್ಯ ಇಂಜತೋ ಅಚ್ಚಕ್ ಪಾಲ್ ಮಾಡಿ ಕೊಡ್‍ತಂಡಿಂಜತ್.

2 ಕೊರಿಂಥ 9:1

ದೇವಡ ಮಕ್ಕಕ್ ಮಾಡ್‌ವಕುಳ್ಳ ಪಣ ಸಹಾಯತ್‍ರ ವಿಷಯತ್ ನಿಂಗಕ್ ನಾನ್ ದುಂಬ ಒಳ್‍ದಂಡೂಂದ್ ಇಲ್ಲೆ.

2 ಕೊರಿಂಥ 9:9

ದಾರಾಳವಾಯಿತ್ ಕೊಡ್‍ತತ್, ಗರೀಬಂಗಕ್ ದಾನ ಮಾಡ್‍ಚಿ, ಅಂವೊಂಡ ನೀತಿ ಎಕ್ಕಾಲು ನಿಪ್ಪಾಂದ್ ಒಳ್‍ದಿತುಳ್ಳನೆಕೆ ಆಪ.

1 ಯೋಹಾನ 3:17

ಈ ಲೋಕತ್‍ಲ್ ದುಂಬ ಸಂಪತ್ ಉಂಡೇಂಗಿಯು, ತಾಂಡ ಅಣ್ಣತಮ್ಮಣಂಗ ಕಷ್ಟತ್‍ಲ್ ಉಳ್ಳದ್‍ನ ನೋಟಿತ್, ದಯೆ ಕಾಟತೆ ಪೋನಕ, ದೇವಡ ಪ್ರೀತಿ ಅಂವೊಂಡೊಳ್‌ಲ್ ಉಂಡ್‍ೕಂದ್ ನಂಗ ಎನ್ನನೆ ಎಣ್ಣುವಕಯ್ಯು?