ಅಪೊಸ್ತಲ 2:43 - ಕೊಡವ ಬೈಬಲ್

⁴³ ಜನಕೆಲ್ಲ ಪೋಡಿ ಆಪಕಿಂಜತ್, ಇದ್‍ಲ್ಲತೆ ದುಂಬ ಗುರ್‌ತ್ ಕಾರ್ಯವು ಪಿಂಞ ಆಶ್ಚರ್ಯ ಕಾರ್ಯವು ಅಪೊಸ್ತಲಂಗಡ ಕೈಯಿಂಜ ನಡ್ಂದತ್.

ಅಪೊಸ್ತಲ 2:43 ပူးပေါင်းရင်းမြစ်များ

ಎಸ್ತೆರ್‌ 8:17

ರಾಜಂಡ ತೀರ್ಮಾನ ಪ್ರಕಟ ಆನ ಪ್ರತಿಯೊರ್‌ ಪ್ರಾಂತ್ಯತ್‌ಲ್, ಪಟ್ಟಣತ್‌ಲ್‌ ಇಂಜ ಯೆಹೂದ್ಯಂಗಕ್‌ ಕುಶಿಯು, ಸಂತೋಷವು ಇಂಜತ್. ಅಯಿಂಗ ಕುಶೀಲ್‌ ಪಿಂಞ ಕೊಂಡಾಟತ್‌ಲ್‌ ನಲ್ಲ ಗದ್ದಾಳ ಮಾಡಿತ್‌ ಉಂಡತ್. ದೇಶತ್‌ರ ಸುಮಾರ್‌ ಜನ ಯೆಹೂದ್ಯಂಗಕ್‌ ಪೋಡಿಚಿಟ್ಟಂಡ್‌ ಯೆಹೂದ್ಯ ಮಾರ್‌ಗಕ್‌ ಕೂಡ್‌ಚಿ.

ಮಾರ್ಕ 16:17

ನಂಬಿಕೆ ಉಳ್ಳಯಿಂಗಕ್ ಅದ್ಬುತ ಕಾರ್ಯ ಮಾಡ್‌ವಕ್ ನಾನ್ ಶಕ್ತಿ ಕೊಡ್‍ಪಿ. ನಾಡ ಪೆದತ್‍ಲ್ ಅಯಿಂಗ ಕೂಳಿ ಬುಡ್‌ತ್‌ವ, ಪುದಿಯ ತಕ್ಕ್‌ಲ್ ತಕ್ಕ್ ಪರಿಯುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:37

ಅಕ್ಕ ಆ ಪ್ರಾಂತ್ಯತ್‍ರ ಜನ ನೀನ್ ಇಲ್ಲಿಂಜ ಪೋಯಿರ್, ನಂಗಕ್ ದುಂಬ ಪೋಡಿ ಆಯಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.

ಯೋಹಾನ 14:12

ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ; ನಾನ್ ನಾಡ ಅಪ್ಪಂಡ ಪಕ್ಕ ಪೋಪಗುಂಡ್, ನನ್ನ ನಂಬ್‍ವಂವೊ, ನಾನ್ ಮಾಡ್‌ವ ಕ್ರಿಯೇನ ಅಂವೊನು ಮಾಡ್‌ವ, ನಾಕಿಂಜ ಬಲ್ಯ ಕ್ರಿಯೇಯು ಮಾಡ್‌ವ.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 4:33

ಅಪೊಸ್ತಲಂಗ ಒಡೆಯನಾನ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಬಲ್ಯ ಶಕ್ತಿಲ್ ಸಾಕ್ಷಿ ಕೊಡ್‍ತಂಡಿಂಜತ್. ಅಯಿಂಗ ಎಲ್ಲಾಡ ಮೇಲೆ ದೇವಡ ಕೃಪೆ ಪೂರ್ತಿಯಾಯಿತ್ಂಜತ್.

ಅಪೊಸ್ತಲ 5:5

ಅನನೀಯ ಈ ತಕ್ಕ್‌ನ ಕ್‍ೕಪಕ ಅಲ್ಲೇ ಬುದ್ದಿತ್ ಜೀವ ಬುಟ್ಟತ್. ಇದ್‍ನ ಕ್‍ೕಟ ಜನಕೆಲ್ಲ ದುಂಬ ಪೋಡಿ ಆಚಿ.

ಅಪೊಸ್ತಲ 9:34

ಪೇತ್ರ ಅಂವೊಂಗ್: ಐನೇಯನೇ ಯೇಸು ಕ್ರಿಸ್ತ ನಿನ್ನ ವಾಸಿ ಮಾಡ್‌ವ. ನೀನ್ ಎದ್ದಿತ್ ನೀಡ ಮೆತ್ತೆನ ನೀನೇ ಎಡ್‌ತ. ಅಕ್ಕಣೆ ಅಂವೊ ಎದ್ದತ್.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.