ಅಪೊಸ್ತಲ 2:41 - ಕೊಡವ ಬೈಬಲ್

⁴¹ ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಅಪೊಸ್ತಲ 2:41 ပူးပေါင်းရင်းမြစ်များ

ಯೋಹಾನ 14:12

ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ; ನಾನ್ ನಾಡ ಅಪ್ಪಂಡ ಪಕ್ಕ ಪೋಪಗುಂಡ್, ನನ್ನ ನಂಬ್‍ವಂವೊ, ನಾನ್ ಮಾಡ್‌ವ ಕ್ರಿಯೇನ ಅಂವೊನು ಮಾಡ್‌ವ, ನಾಕಿಂಜ ಬಲ್ಯ ಕ್ರಿಯೇಯು ಮಾಡ್‌ವ.

ಯೋಹಾನ 21:11

ಅಕ್ಕ, ಸೀಮೋನ ಪೇತ್ರ ನೂಯಿಟೈಂಬತ್ ಮೂಂದ್ ಬಲ್ಯ ಮೀನ್ ಇಂಜ ಬಲೆನ ಕರೆಕ್ ಬಲ್‍ಚಂಡ್ ಬಾತ್. ಇಚ್ಚಕ್ ಮೀನ್ ಇಂಜತೇಂಗಿಯು ಸಹ ಆ ಬಲೆ ಕೀತಿ ಪೋಯಿತ್‌ಲ್ಲೆ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 2:37

ಇದ್‍ನೆಲ್ಲ ಕ್‍ೕಟಂಡಿಪ್ಪಕ, ಅಲ್ಲಿ ಇಂಜ ಜನಕ್, ಅಯಿಂಗಡ ಹೃದಯತ್‍ಲ್ ಕುತ್ತ್‌ವನೆಕೆ ಆಚಿ. ಅಕ್ಕ ಅಯಿಂಗ ಪೇತ್ರನ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗಕ್, ಅಣ್ಣತಮ್ಮಣಂಗಳೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ಅಪೊಸ್ತಲ 27:37

ಆ ಹಡಗ್‍ಲ್ ಇಂಜ ನಂಗೆಲ್ಲಾರು ಇರ್‍ನೂಯಿಟ್ ಎಳ್‍ವತ ಆರ್ ಜನ ಆಯಿತ್ಂಜತ್.

ಅಪೊಸ್ತಲ 3:23

ಪಿಂಞ ಆ ಪ್ರವಾದಿರ ತಕ್ಕ್‌ನ ಕ್‍ೕಕತಂವೊ ನಿಂಗಡ ಮದ್ಯತ್ಂಜ ಪೂರ್ತಿಯಾಯಿತ್ ಪಾಳಾಯಿ ಪೋಪಾಂದ್ ಎಣ್ಣಿತುಂಡಲ್ಲ?

ಅಪೊಸ್ತಲ 4:4

ಆಚೇಂಗಿ, ಪೇತ್ರ ಪಿಂಞ ಯೋಹಾನಂಡ ವಾಕ್ಯತ್‍ನ ಕ್‍ೕಟ ದುಂಬ ಜನ ಅದ್‍ನ ನಂಬ್‍ಚಿ. ಆಣಾಳ್‍ವ ಮಾತ್ರ ಸುಮಾರ್ ಅಂಜಾಯಿರಚ್ಚಕ್ ಇಲ್ಲಿಕತ್ತನೆ ಆಚಿ.

ಅಪೊಸ್ತಲ 7:14

ಪಿಂಞ ಯೋಸೇಫ ತಾಂಡ ಅಪ್ಪನಾನ ಯಾಕೋಬಂಗ್, ತಾಂಡ ಎಲ್ಲಾ ಬೆಂದ್‍ವಳ ಕೂಟಿತ್ ಎಳ್‍ವತಂಜಿ ಜನಳ ಐಗುಪ್ತ ದೇಶಕ್ ಕಾಕಿಯಂಡ್ ಬಪ್ಪಕ್ ಸುದ್ದಿ ಅಯಿಚತ್.

ರೋಮ್ 13:1

ಎಲ್ಲಾರು ತಾಂಡ ಮೇಲೆ ಅದಿಕಾರತ್‍ಲ್ ಉಳ್ಳಯಿಂಗಕ್ ತಗ್ಗಿತ್ ನಡ್‌ಕಂಡು. ಎನ್ನಂಗೆಣ್ಣ್‌ಚೇಂಗಿ, ದೇವ ನೇಮಿಚಿಡತೆ, ಏದ್ ಅದಿಕಾರವು ಇಲ್ಲೆ. ನಂಗ ಕಾಂಬ ಎಲ್ಲಾ ಅದಿಕಾರವು ದೇವ ನೇಮಿಚತ್.

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

ಪ್ರಕಟನೆ 16:3

ದಂಡನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಸಮುದ್ರತ್‍ಲ್ ಬೂಕ್‍ಚಿ. ಅಕ್ಕ ಸಮುದ್ರತ್‍ರ ನೀರ್ ಚತ್ತ್ ಪೋನಂವೊಂಡ ಚೋರೆರನೆಕೆ ಆಚಿ. ಸಮುದ್ರತ್‍ಲ್ ಉಳ್ಳ ಪ್ರಾಣಿಯ ಎಲ್ಲಾ ಚತ್ತ್ ಪೋಚಿ.