ಅಪೊಸ್ತಲ 2:40 - ಕೊಡವ ಬೈಬಲ್

⁴⁰ ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

ಅಪೊಸ್ತಲ 2:40 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 9:6

ಮೂಡಂಗಡ ಬಟ್ಟೆನ ಬುಡಿ, ಅಕ್ಕ ನಿಂಗ ಬದುಕುವಿರ. ಬುದ್ದಿರ ಬಟ್ಟೆಲ್‌ ನಡರಿ.

ಮತ್ತಾಯ 12:34

ಬಳೆಮುರಿ ಪಾಂಬ್ ಜಾತಿಯಳೇ, ನಿಂಗ ಕೆಟ್ಟಯಿಂಗಳಾಯಿತ್‌ಪ್ಪಕ ನಲ್ಲ ವಿಷಯತ್‍ನ ಎನ್ನನೆ ಎಣ್ಣ್‌ವಿರ? ಎನ್ನಂಗೆಣ್ಣ್‌ಚೇಂಗಿ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಲ್ ಪರಿವಿರ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 23:33

ಪಾಂಬ್‍ರನೆಕೆ ಉಳ್ಳಯಿಂಗಳೇ, ಸರ್ಪಜಾತಿಕ್ ಕೂಡ್‌ನಯಿಂಗಳೇ! ನರಕಕ್ ಪೋಪದಿಂಜ ನಿಂಗ ಎನ್ನನೆ ಬಚಾವಾಪಿರ?

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28

ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಯೋಹಾನ 21:25

ಯೇಸು ಇಂಞು ದುಂಬ ವಿಷಯ ಮಾಡಿತ್ಂಜತ್, ಅದ್‍ನೆಲ್ಲಾ ಒಂದೊಂದಾಯಿತ್ ಒಳ್‍ದ್‍ವಕ್ ಪೋಚೇಂಗಿ, ಈ ಲೋಕತ್‍ಲ್ ಅಂವೊಂಡ ವಿಷಯತ್‍ನ ಒಳ್‍ದ್‍ವ ಪುಸ್ತಕತ್‍ನ ಬೆಪ್ಪಕ್ ಜಾಗ ಇಪ್ಪುಲೇಂದ್ ನಾನ್ ಗೇನ ಮಾಡ್‌ವಿ. ಆಮೆನ್.

ಅಪೊಸ್ತಲ 10:42

ಅಂವೊನೇ ಜೀವವಾಯಿತುಳ್ಳಯಿಂಗಕು, ಚತ್ತಯಿಂಗಕು ದೇವ ನೇಮಿಚಿಟ್ಟ ನ್ಯಾಯಾದಿಪತಿಯಾಯಿತುಂಡ್‍ೕಂದ್ ಜನಕ್ ಪ್ರಸಂಗ ಮಾಡ್‌ವಕು, ಸಾಕ್ಷಿಯಾಯಿತ್ ಎಣ್ಣ್‌ವಕು, ಅಂವೊ ನಂಗಕ್ ಆಜ್ಞೆ ಕೊಡ್‌ತಿತುಂಡ್.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 20:11

ಪಿಂಞ, ಅಯಿಂಗ ಎಲ್ಲಾರು ಕೊಡಿಕ್ ಪೋಯಿತ್ ಒಟ್ಟಿ ಪೊಳ್‌ಚಿತ್ ಉಂಡಿತ್, ಪೊಲಾಕಕತ್ತನೆ ತಕ್ಕ್ ಪರ್ಂದಿತ್ ಪಿಂಞ ಪೊರಟಿತ್ ಪೋಚಿ.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 20:9

ಪೌಲ ದುಂಬ ನೇರ ತಕ್ಕ್ ಪರ್ಂದಂಡೇ ಇಪ್ಪಕ, ಯೂತಿಕ ಎಣ್ಣ್‌ವ ಒರ್ ಬಾಲೆಕಾರ ಕಿಡ್‍ಕೆಲ್ ಅಳ್‍ತಂಡಿಂಜತ್, ಅಂವೊಂಗ್ ವರ್‌ಕ್ ದುಂಬ ಬಂದಗುಂಡ್, ವರ್‌ಕ್ ತೂಂಗಿಯಂಡ್, ಅಂವೊ ಮೂಂದನೆ ಮಾಡಿಯಿಂಜ ಅಡಿಕ್ ಬುದ್ದತ್; ಅಂವೊನ ಎಡ್‍ತಿತ್ ನೋಟ್‍ವಕ ಅಂವೊ ಚತ್ತ್ ಪೋಯಿತ್ಂಜತ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

2 ಕೊರಿಂಥ 5:20

ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

ಗಲಾತ್ಯ 5:3

ಸುನ್ನತಿ ಮಾಡ್‌ವಂವೊ ಒಬ್ಬೊಬ್ಬನು ನ್ಯಾಯಪ್ರಮಾಣತ್‍ಲ್ ಉಳ್ಳದ್‍ನೆಲ್ಲ ಕಂಡಿತವಾಯಿತ್ ಮಾಡ್‌ವಕ್ ಒಳಪಟ್ಟಂವೊನಾಯಿತುಂಡ್‍ೕಂದ್ ಇಂಞೊಮ್ಮ ನಾನ್ ನಿಂಗಕ್ ಎಚ್ಚರ ಮಾಡ್‌ವಿ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ತಿಮೊಥೆಯ 4:16

ನೀಡ ವಿಷಯತ್‍ಲ್, ನೀಡ ಬೋದನೆರ ವಿಷಯತ್‍ಲ್ ಎಚ್ಚರತ್‍ಲ್ ಇರ್. ಅನ್ನನೆ ಮಾಡಿಯಂಡಿಂಜತೇಂಗಿ, ನೀಡ ಬದ್‍ಕ್‍ನ ಪಿಂಞ ನೀಡ ಬೋದನೆನ ಕ್‍ೕಪಯಿಂಗಡ ಬದ್‍ಕ್‍ನ ಕಾಪಾಡ್‍ವಿಯ.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.