ಅಪೊಸ್ತಲ 2:32 - ಕೊಡವ ಬೈಬಲ್

³² ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 2:32 ပူးပေါင်းရင်းမြစ်များ

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 13:30

ಆಚೇಂಗಿ ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ.

ಅಪೊಸ್ತಲ 13:33

ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 4:33

ಅಪೊಸ್ತಲಂಗ ಒಡೆಯನಾನ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಬಲ್ಯ ಶಕ್ತಿಲ್ ಸಾಕ್ಷಿ ಕೊಡ್‍ತಂಡಿಂಜತ್. ಅಯಿಂಗ ಎಲ್ಲಾಡ ಮೇಲೆ ದೇವಡ ಕೃಪೆ ಪೂರ್ತಿಯಾಯಿತ್ಂಜತ್.

ಅಪೊಸ್ತಲ 5:30

ನಿಂಗ ಶಿಲುಬೇಲ್ ಇಟ್ಟಿತ್ ಕೊಂದ ಯೇಸುನ, ನಂಗಡ ಅಜ್ಜಂಗಡ ದೇವ, ಚಾವ್‍ಯಿಂಜ ಎಪ್ಪ್‌ಚಿ.

1 ಕೊರಿಂಥ 15:15

ಅನ್ನನೆ ಯೇಸುನ ನಂಬ್‍ನಯಿಂಗ ಚಾವ್‍ಯಿಂಜ ಜೀವವಾಯಿತ್ ಏವತೆ ಇಂಜತೇಂಗಿ, ದೇವ, ಕ್ರಿಸ್ತನ ಚಾವ್‍ಯಿಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟತ್‍ೕಂದ್ ನಂಗ ಎಣ್ಣ್‌ನ ಬೋದನೆರಗುಂಡ್, ನಂಗ ದೇವಡ ವಿಷಯತ್ ಪೊಟ್ಟ್ ಸಾಕ್ಷಿ ಪರ್ಂದನೆಕೆ ಆಪಲ್ಲ?

1 ಕೊರಿಂಥ 6:14

ದೇವ ಒಡೆಯನ, ಚಾವ್‍ಯಿಂಜ ಎಪ್ಪ್‌ಚಿಟ್ಟನೆಕೆ, ನಂಗಡ ತಡೀನ ಸಹ ಅದೇ ಶಕ್ತಿಲ್ ಎಪ್ಪುವ.

2 ಕೊರಿಂಥ 4:14

ಒಡೆಯನಾನ ಯೇಸು ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಂಗಳ ಸಹ ಯೇಸುರಗುಂಡ್ ಎಪ್ಪಿತ್, ನಿಂಗಡ ಕೂಡೆ ತಾಂಡ ಮಿಂಞತ್ ನಿಪ್ಪ್‌ಚಿಡುವಾಂದ್ ನಂಗಕ್ ಗೊತ್ತುಂಡ್.

ಗಲಾತ್ಯ 1:1

ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ,

ಎಫೆಸ 1:20

ಪರಲೋಕತ್‍ರ ಎಲ್ಲಾ ಅದಿಕಾರಕು, ಬೋರೆ ಎಲ್ಲಾ ಅದಿಕಾರಕು, ಎಲ್ಲಾ ಶಕ್ತಿಕು, ಅದಿಕಾರಿಯಂಗಕು, ಈ ಲೋಕತ್‍ಲ್ ಮಾತ್ರ ಅಲ್ಲತೆ, ಬಪ್ಪಕುಳ್ಳ ಲೋಕತ್‍ಲ್ ಅರಿಂಜಿತುಳ್ಳ ಎಲ್ಲಾ ಪೆದಕು ಬಲ್ಯ ಪೆದವಾಯಿತ್ ಕೊಡಿಲ್ ಇಪ್ಪನೆಕೆ,

ಕೊಲೊಸ್ಸೆ 2:12

ನಿಂಗ ದೀಕ್ಷಾಸ್ನಾನ ಎಡ್‍ಪಕ, ಕ್ರಿಸ್ತಂಡ ಕೂಡೆ ಪೋಪನೆಕೆ ಪೋಯಿತ್ ಪಾಪತ್‍ರ ಚಾವ್ ತಡೀನ ಕುಂಡ್‌ಕ್ ಇಟ್ಟನೆಕೆ ಆಚಿ. ಅನ್ನನೆ ದೀಕ್ಷಾಸ್ನಾನತ್ಂಜ ನಿಂಗಳ ಅಂವೊಂಡ ಕೂಡೆ ಪುದಿಯ ಬದ್‍ಕ್‍ಕಾಯಿತ್ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ತಡೀನ ಚಾವ್‍ಯಿಂಜ ಪುನಃ ಜೀವತ್‍ಲ್ ಎಪ್ಪ್‌ಚಿಟ್ಟ ದೇವಡ ಬಲ್ಯ ಶಕ್ತಿನ ನಿಂಗ ನಂಬಿತುಳ್ಳಿರ.

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.