ಅಪೊಸ್ತಲ 2:21 - ಕೊಡವ ಬೈಬಲ್

²¹ ಆಚೇಂಗಿ, ಒಡೆಯಂಡ ಪೆದತ್‍ನ ಕಾಕ್‌ವಯಿಂಗೆಲ್ಲ ಬಚಾವಾಪಾಂದ್ ದೇವ ಎಣ್ಣಿತುಂಡ್.

ಅಪೊಸ್ತಲ 2:21 ပူးပေါင်းရင်းမြစ်များ

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಅಪೊಸ್ತಲ 2:20

ಒಡೆಯಂಡ ಬಲ್ಯ ಪ್ರಕಾಶವಾನ ದಿವಸ ಬಪ್ಪಕ್ ಮಿಂಞ ಸೂರ್ಯ ಇರ್‌ಟಾಯಿರ್‍ವ, ಚಂದ್ರ ಚೋರೆರನೆಕೆ ಚೋಂದ್ ಪೋಪ.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:11

ಒಡೆಯ ಅಂವೊಂಗ್: ನೀನ್ ಎದ್ದಿತ್ ನೇರೆಬೀದಿ ಎಣ್ಣುವ ಬೀದಿಕ್ ಪೋಯಿತ್, ಯೂದಂಡ ಮನೆಲ್ ತಾರ್ಸ ಪಟ್ಟಣತ್‍ರ ಸೌಲ ಎಣ್ಣ್‌ವಂವೊನ ತ್‍ೕಡ್. ಅಂವೊ ಇಕ್ಕ ಪ್ರಾರ್ಥನೆ ಮಾಡಿಯಂಡುಂಡ್.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.